04 Tetor 2022

Sektori i turizmit në Shqipëri vazhdon të jetë në krizë

Tiranë, 1 prill - Në Shqipëri sektori i turizmit vazhdon të jetë në krizë për shkak të pandemisë. Një pjesë e agjencive turistike janë mbyllur, ndërsa të tjerat ende nuk kanë nisur nga rezervimet për sezonin turistik veror.

Ndërkohë, përfaqësues të shoqatës së operatorëve turistikë shprehen se ka vonesa në promovimin e sezonit të ri turistik. Shqipëria ka nisur vaksinimin masiv të popullatës dhe pritet të heqë masat kufizuese për sezonin turistik veror.

Kur ka kaluar një vit nga fillimi i pandemisë dhe masave kufizuese, sektori i turizmit, një nga më të rëndësishmit për ekonominë e Shqipërisë, vazhdon të jetë në krizë.

 Genta Mustali, operatore turistike në një nga agjencitë turistike të Shkodrës, thotë se kur mbeten vetëm pak javë nga fillimi i sezonit të ri turistik veror, ende nuk ka kërkesa për rezervime nga frike e pandemisë.

“Rezervimet nuk ka filluar aspak. Sadoqë kemi bërë reklama për pushimet e sezonit veror, por nuk ka rezervime, nuk ka pyetje dhe as kërkesa”.

Mungesa e kërkesës ka bërë që të mbydhen një numër i agjencive turistike, në pamundësi për të përballuar shpenzimet, taksat, qeratë dhe pagat e punonjësve. Genta thotë se edhe ky vit duket se do të jetë i vështirë për operatorët turistikë, nëse strukturat shtetërore nuk mbështesin këtë sektor në kohën e duhur.

“Kemi mbijetu tash një vit e pak vetëm me forcat tona, me mujt me qendru sado pak në treg. Nëse nuk do të vazhdojë puna, edhe ne si pjesa tjetër do mbydhemi se nuk mundesh me nxjerr dhe mos me fitu gja. Shpresojmë sadopak të punojmë.”

Sokol Hoxha, pjesëtar i shoqatës së operatorëve turistikë të Shqipërisë, thotë se turizmi nuk është vetëm dy muajt e verës, por ai shtrihet gjatë gjithë vitit, ç’ka do të thotë se kërkohet një vemendje dhe mbështetje më e madhe nga strukturat qendrore dhe ato vendore.

Edhe ky vit, shton ai, parashikohet i vështirë për operatorët turistikë pasi pandemia po shoqërohet edhe me një luftë ekonomike mes vendeve të rajonit se kush të tërheqë më shumë pushues.

“Nëse shikojmë vendet përrreth, kanë fillu një promocion, marketing, shumë të madh për me thith turista, të vaksinum apo të pavaksinum. Pra, ka fillu një marketing shumë i egër në vendet e rajonit, që tek ne fatkeqësisht është një vit që kemi edhe zgjedhje, të cilat pengojnë marketingun pasi nuk e kanë mendjen institucionet për me thith turista.”

Me fillimin e vaksinimit masiv të popullatës, Shqipëria pritet që, gjatë sezonit veror, të heqë të gjitha kufizimet, një masë kjo lehtësuese për sektorin e turizmit. Por zoti Hoxha thotë se, krahas kësaj, është e nevojshme që qerveria të bashkëpunojë me vendet e tjera edhe për procesin e vaksinimit të turistëve.

Gjatë vitit të kaluar të ardhurat në ekonominë shqiptare nga turistët e huaj u tkurrën me 1 miliard e 93 milionë euro, ndërsa numri i vizitorëve të huaj pësoi një rënie prej 45 përqind, duke dëshmuar kështu krizën që përjetoi ky sektor për shkak të pandemisë COVID-19.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)