22 Tetor 2019

Rritet numri i turistëve në Durrës

Durrës, 6 gusht - Në portin e Durrësit, më i madhi në vend, dita e diel ka shënuar një fluks të lartë udhëtarësh, të cilët kanë ardhur nga vendi fqinj, Italia.

Prefekti i qarkut të Durrësit, Roland Nasto, tha për ATSH-në se "vetëm në orët e para të mëngjesit kanë ardhur 10 716 pasagjerë dhe 3022 mjete me 5 tragetet që vijnë nga Bari dhe Ankona".

Sipas tij, një numër i konsiderueshëm i udhëtarëve janë emigrantë që kthehen për pushime në atdhe, por edhe turistë që vizitojnë Shqipërinë.

"Në portin e Durrësit janë përpunuar 4 targete të linjës Bari-Durrës-Bari dhe 1 traget linjes Ancona- Durrës -Bari. Me këto tragete kanë hyrë 4121 shtetas shqiptarë dhe 1231 mjete, ndërsa kanë dalë nga ky port 850 shtetas shqiptare dhe 180 mjete. Përsa i përket shtetasve të huaj në port gjatë ditës së sotme kanë hyrë 3052 të huaj dhe 894 mjete, ndërsa kanë dalë 2693 shtetas huaj dhe 717 mjete", sqaroi Nasto.

Sipas tij, është punuar me intensitet të lartë në mënyrë të veçantë nga kapiteneria e portit, policia e kufirit dhe policia e sigurisë së portit.

"Mbi 30 sportele për udhëtarët dhe automjetet janë në gjendje të plotë pune nga policia kufitare dhe emigracionit. Të gjithë aktoret ne port kanë kryer më së miri detyrat si policia kufitare, kapiteneria, dogana, policia e sigurisë portuale, dogana, firma koncesionare dhe ne rrugën kryesore Policia e Shtetit. Një angazhim i përgjithshëm i këtyre institucioneve dhe masa të plota për ti shërbyer sa më mirë fluksit të ditës së sotme e në vazhdimësi", -nënvizon Nasto.

Vetëm gjatë muajit korrik 117,611 qytetarë të huaj dhe vendas kanë zgjedhur të udhëtojnë nëpërmjet Portit të Durrësit, 85,628 në hyrje dhe 31,983 në dalje.

Kalendari

Ngjarjet e datës 22 tetor 2019 - Me rastin e 30 vjetorit të rënies së komunizmit, Instituti Shkencor Kosovaro-Suedez do të organizojë konferencën shkencore ndërkombëtare me titull '30-vjetori i rënies së sistemit komunist'. (Hoteli Sirius, ora 9:00)

- Nën patronatin e Kryeprokurorit të Shtetit mbahet dita e dytë e “Javës për të Drejtat e Viktimave të Krimit” me ç‘rast do të organizohet konferencë per koordinimin ndërinstitucional në trajtimin e rasteve të trafikimit të qenieve njerëzore si dhe sfidat në trajtimin e rasteve të dhunës seksuale gjatë luftës. (Hotel Emerald, ora 9:30)

- Drejtori i Zyrës për Rritje Ekonomike pranë misionit të USAID-it në Kosovë, Matthew Cullinane, do të flasë në hapjen e Konventës së tretë vjetore të Industrisë së Veshmbathjeve në Kosovë. (Hoteli Emerald, ora 10:00)

- Punëtorët teknik të Fakulteteve të UP-së “Hasan Prishtina” në Prishtinë, do të protestojnë para Rektoratit të UP-së. (Para Rektorati, ora 10:00)

- Nën patronatin e kryetarit të komunës së Mitrovicës, Agim Bahtiri do të mbahet Panairi i Sportit me të gjitha klubet sportive të qytetit të Mitrovicës. (Sheshi “Isa Boletini” në Mitrovicë, ora 10:00)

- Dega e Alternatives në Gjakovë mban konferencë për media. (Zyrët e Alternativës në Çarshinë e Jupave në Gjakovë, ora 11:00)

- Bëhet promovimi i librit “Gjinekologjia me obstetrikë  për infermieri dhe mami” me autore Prof. dr. Myrvete Paçarada dhe bashkautorë  Ass. dr. Vlora Ademi Ibishi dhe Ass. dr. Nyltene Kongjeli. (Biblioteka Kombëtare e Kosovës, ora 11:00)

- Më rastin e Ditës Boterore të Energjisë, Instituti për Politika Zhvillimore mban konferencë për media me temë 'Cilat duhet të jenë prioritete e qeverisë së re në sektorin e energjisë në Kosovë?  - Rekomandime dhe propozime nga shoqëria civile'. (Zyrët e Resource Center (Lagjja Pejton, Rr. Pashko Vasa, nr. 1, përballë Hotel Royal, ora 13:00)

- Këshilli Prokurorial i Kosovës mban takimin e 173-të. (Objekti i Prokurorisë së Shtetit, ora 13:30)

- ETEA organizon premierën e shfaqjes “Muret Flasin” që i dedikohet përkujtimit të organizimit të arsimit paralel gjatë viteve të '90-ta. (Shtëpia - shkollë “Sami Frashëri” e familjes Aliu - Hertica, ora 20:00)