19 Shkurt 2020

Rekord turistësh në Antalia

Antali, 2 dhjetor - Numri i turistëve që kanë mbërritur me rrugë tokësore në Anltalia, qytet që tërheq vizitorë nga të katërta anët e botës, gjatë periudhës janar-nëntor në krahasim me të njëjtën periudhë të vitit të kaluar, regjistroi një rritje prej 17%.

Numri i turistëve që kanë mbërritur me rrugë tokësore në Antalia, qytet që tërheq vizitorë nga të katërta anët e botës, gjatë periudhës janar-nëntor në krahasim me të njëjtën periudhë të vitit të kaluar, regjistroi një rritje prej 17% duke arritur në 15 milionë turistë.

Sipas të dhënave të Drejtorisë së Kulturës dhe Turizmit të Antalias, qyteti që vitin e kaluar theu rekordin e të gjitha kohërave me 13 milionë e 642 mijë turistë, në 11 muajt e këtij viti ka mirëpritur mbi 15 milionë turistë.

E parë nga aspekti i vendeve nga kanë ardhur turistët, Rusia zë vendin e parë. Ndërmjet datave 1 janar-30 nëntor nga Rusia kanë ardhur 5 milionë e 524 mijë e 160 rusë. Edhe në numrin e turistëve të ardhur nga ky vend është regjistruar një rritje prej 16%. 

Vendin e dytë e zë Gjermania me 2 milionë e 602 mijë e 725 turistë me një rritje prej 15,5%.

Radhitja sipas vendeve nga të cilat kanë ardhur më shumë turistë është; Ukraina, Anglia, Polonia, Holanda, Rumania, Kazakistani, Republika e Çekisë dhe Suedia.

Kalendari

Ngjarjet e datës 19 shkurt 2020

- Shoqata e Kirurgëve Plastik, Rekonstruktiv dhe Estetik të Kosovës, ka organizuar për herë të parë Simpoziumin dhe Workshop-in mbi trajtimin e plagëve. (Hotel Emerald, ora 8:00)

- Klubi i Prodhuesve të Kosovës për të dytën herë me radhë po organizon Konventën e Prodhuesve të Kosovës. (Hotel Emerald, ora 9:00)

- Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, Ministri i Punëve të Jashtme dhe Diasporës i Republikës së Kosovës, Glauk Konjufca. (Ndërtesa e MPJ-së, ora 10:00)

- Instituti Demokratik i Kosovës organizon tryezën ku do të publikohet raporti “Rruga e Dukagjinit, Autostradë apo Zgjerim i Rrugës Ekzistuese”, të përgatitur nga KDI. (Hotel Sirius, ora 10:00)

- Mbahet mbledhja e rregullt e Komitetit për Politikë dhe Financa e Komunës së Mitrovicës. (Objekti i Kuvendit Komunal të Mitrovicës, ora 10:00)

- Biblioteka Kombëtare e Kosovës “Pjetër Bogdani” organizon hapjen e ekspozitës “Kujtesa e Kosovës: Jeta nën qiell e najlon”, pamjet e jetës së shqiptarëve të Kosovës në vitin 1999. (Holli i Bibliotekës, ora 11:00)

- Kryetarja e Kuvendit të Kosovës, dr. Vjosa Osmani, takohet me ministrin në detyrë për Evropën dhe Punët e Jashtme të Republikës së Shqipërisë, Gent Cakaj, me bashkëpunëtorë. (Kabineti i kryetares së Kuvendit, ora 12:00 - vetëm pamje)

- Nisma e të Rinjve për të Drejtat e Njeriut organizon një protestë para zyrës së avokatit Tomë Gashi, për të kundërshtuar sjelljen e tij abuzive që bëri ditë më parë ndaj një lypësari në shesh të Prishtinës. (Para Zyrës së Avokaturës, afër Kino ABC, ora 12:00)

- Agjencia Kosovare e Privatizimit do të mbajë ceremoninë e hapjes së ofertave të shitjeve përmes likuidimit nr.54. (Hotel Grand, ora 12:30)

- Kinema “Jusuf Gërvalla”, në Pejë shfaq filmin "Gjumë dhe Dashuri". (Kinema në Pejë, ora 19:00)