23 Tetor 2018

Lidhja e Kosovës me botën përmes promovimit dhe influencuesve 

Prishtinë, 28 shtator - Shtigje për ecje për të apasionuarit pas aventurave? Po. Vende të trashëgimisë nën mbrojtjen e UNESCO-s? Po. Akomodime tradicionale? Argëtim urban? Kuzhinë e pasur vendase dhe makiato fantastike? Po, po dhe sigurisht! Mirësevini në Kosovë, destinacioni i ri evropian që po zhvillohet.

“Ia vlen ta vizitosh Kosovën: është vend i bukur, me natyrë të bukur dhe shumë histori”. Lauren Kim, gazetare udhëtimesh nga Koreja e Jugust ishte një nga shtatë gazetarët e udhëtieve që mbërritën në Kosovë për herë të parë në maj 2018.

Qëllimi i vizitës së tyre ishte të përjetonin ofertën e Kosovës dhe të ndanin këtë destinacion të sapozbuluar me ndjekësit e tyre në Korenë e Jugut dhe më tej.

Kjo vizitë ishte një nga aktivitetet për promovimin ndërkombëtar të destinacionit që projekti Promovimi i Punësimit në Sektorin Privat (PPSE) i Swisscontact-it nisi në vitin 2018, si pjesë e punës së vet për të mbështetur zhvillimin e sektorit të turizmit.

Promovimi ndërkombëtar ndihmon në rritjen e qasjes së informacion për Kosovën, zgjeron qasjen në tregje të reja dhe mundëson përputhjen e ndërmarrjeve vendore turistike me ato ndërkombëtare. Po ashtu, përmirëson imazhin e Kosovës në botë. 

Aktivitetet promovuese janë të shumëllojshme: nga panaire ndërkombëtare specifike për këtë industri, promovimi përmes medias së specializuar e deri tek organizimi i udhëtimeve familjarizuese.

Në muajin mars, PPSE mbështeti operatorët turistikë të Kosovës të ekspozojnë ofertën e tyre në ITB Berlin, një nga panairet më të mëdha në botë për udhëtime, ku ata patën mundësi të krijojnë lidhje biznesore të vazhdueshme me partnerë ndërkombëtarë.

Panairi tematik për natyrën në Paris, Destination Nature, ishte një tjetër panair ku mori pjesë Kosova. Artikuj, reklama ose storie nëpër televizione që promovojnë Kosovën si destinacion janë paraqitur në media të ndryshme, si Wanderlust, apo Top Channel në Shqipëri

Para se gazetarët të shkruajnë për Kosovën si destinacion apo para se operatorët turistikë të përfshijnë Kosovën në paketat e tyre, është e rëndësishme që ata vetë ta përjetojnë ofertën dhe vendin.

Qëllimi i udhëtimeve familjarizuese dhe udhëtimeve për media të shpalosin para pjesëmarrësve atraksionet, kulturën, rrugët e udhëtimit, çmimet dhe çfarë mund të presin në vend, në mënyrë që ata pastaj të influencojnë tek vizitorët ndërkombëtarë që të zgjedhin Kosovën si destinationin e tyre të radhës.

Në maj 2018, një grup prej 55 operatorësh turistikë ndërkombëtarë, kryesisht nga vendet e Azisë, vizituan Kosovën në kuadër të një punëtorie për Ballkanin organizuar nga “Travel Shop Turkey”.

Në korrik 2018, një grup i operatorëve turistikë japonezë inspektuan ofertën e Kosovës dhe eksploruan potencialin për bashkëpunim me kompanitë vendore.

Gazetarët koreano-jugorë patën një përvojë shumë të veçantë me historinë, traditën, trashëgiminë kulturore, peisazhet dhe produktet turistike të Kosovës gjatë një programi katër-ditor të dizajnuar me kujdes.

Promovimi i Kosovës në tregjet aziatike është me rëndësi kyçe për vendin si destinacion për udhëtarë nga kjo pjesë e botës.

Këtë vit, PPSE për herë të parë hyri në partneritet me festivalin ndërkombëtar të filmit në Prishtinë PriFest për të organizuar dy udhëtime një-ditore për eksplorimin e lokacioneve filmike për përfaqësues ndërkombëtarë të industrisë së filmit.

Ky aktivitet kishte për qëllim të ekspozonte lokacionet më pak të njohura të vendit dhe atraksione të tilla si vende të mundshme për filmim.

Gjatë diskutimit në panel me titull “Kosovo Ready to Roll”, (Kosova gati për filmime) pjesëmarrësit folën për potencialin e vendit si lokacion për bashkë-produksione dhe për potencialin ende të pashfrytëzuar të burimeve njerëzore dhe kreativitetit.

Të shndërrohesh në lokacion filmik sjell shumë përfitime. Turizmi përfiton nga rritja e numrit të vizitorëve të interesuar për lokacionet ku janë bërë filmat e tyre të preferuar, apo edhe reklamat. Ekonomia lokale përfiton, pasi sjell më shumë njerëz, që shfrytëzojnë më shumë shërbime, shtojnë numrin e rezervimeve për akomodime, qëndrojnë më gjatë, punësojnë vendorë, shpenzojnë më shumë para, që në tërësi ndikon në krijimin e vendeve të reja të punës.
 
Zhvillimi i sektorit të turizmit në Kosovë ka përjetuar një pikë kthese të rëndësishme në këto vitet e fundit me produktet e reja turistike që janë zhvilluar, përmirësmin e infrastrukturës dhe shërbimeve, lidhjeve me operatorë turistikë ndërkombëtarë dhe me intenstifikimin e promovimit ndërkombëtar të Kosovës si destinacion.

 PPSE bashkëpunon me akterë nga sektori privat dhe ai publik për të mbështetur më tej zhvillimin e turizmit.

Qëllimet kryesore janë rritja e numrit të turistëve, kohëzgjatja e qëndrimit të tyre dhe sa shpenzojnë ata. Kjo gjë ka ndikim direkt tek rritja e ekonomisë së Kosovës, duke krijuar vende të reja pune, rritjen e të ardhurave dhe mirëqenien në përgjithësi, ndërkohë që i kontribuon praktikave të turizmit të qëndrueshëm.


 

Kalendari

Ngjarjet e datës 23 tetor 2018  - Presidenti i Republikës së Kosovës, Hashim Thaçi, pret në takim deputetin e Parlamentit të Gjermanisë, Peter Beyer. (Kabineti i Presidentit, ora 9:00 - vetëm pamje)

- Ministri i Mbrojtjes të Malit të Zi, Predrag Boshkoviç viziton Ministrinë për Forcën e Sigurisë të Kosovës. (Ministria për Forcën e Sigurisë të Kosovës në Prishtinë, ora 9:25)

- Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Prizren, ora 9:30)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të behët formimi i grupeve punuese për Projektligjin për Ministrinë e Mbrojtjes, Projektligjin për Forcën e Sigurisë së Kosovës dhe Projektligjin për Shërbimin në Forcën e Sigurisë së Kosovës. (Ndërtesa e Kuvendit, salla N204, ora 10:00)

- Presidenti i Republikës së Kosovës, Hashim Thaçi pret në takim zëvendës-ndihmës sekretarin e shtetit amerikan, Matthew Palmer.  (Kabineti i Presidentit, ora 10:00 - vetëm pamje)

- Me rastin e vizitës së zotit Peter Beyer, deputet në Bundestag, në Kosovë, Ambasada Gjermane organizon një takim me gazetarë. (Ambasada Gjermane, ora 10:00)

- Policia e Kosovës organizon hapjen e  fushatës së titulluar “Dhuna nuk arsyetohet”.  (Sheshi ”Zahir Pajaziti”, ora 10:00)

 - Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të behët shqyrtimi i propozimit për mbështetjen e punës së AKI-së. (Ndërtesa e Kuvendit, salla N 10, ora 10:00)

- Grupi për Studime Juridike dhe Politike organizon panelin e diskutimit me temë “Performanca e sistemit gjyqësor dhe prokurorial sipas këndvështrimit dhe vlerësimit të qytetarëve". (Hotel Swiss Diamond, ora 10:30)

- Kryeministri i Republikës së Kosovës pret në takim zëvendës ndihmës Sekretarin e Shtetit Amerikan, Matthew Palmer. (Ndërtesa e Qeverisë, ora 10:45)

- Ministri për Forcën e Sigurisë të Kosovës, Rrustem Berisha dhe Ministri i Mbrojtjes të Malit të Zi, Predrag Boshkoviç mbajnë konferencë për media. (Ndërtesa e Ministrisë se FSK-së, ora 10:50)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Propozim - vendimit të Qeverisë për kandidatet për kryesues të Bordit të ZRRE-së. (Ndërtesa e Kuvendit, salla N 303, ora 11:00)

- Instituti Demokratik i Kosovës mban konferencën për media në të cilën do të paraqiten rekomandimet e KDI-së, lidhur me të drejtat e punëtorëve në sektorin privat dhe rreziqet me të cilat përballen në vendin e punës. (Zyrat e KDI-së, ora 11:00)

- Presidenti i Republikës së Kosovës, Hashim Thaçi, pret në takim Ministrin e Mbrojtjes të Malit të Zi,  Predrag Bošković. (Kabineti i Presidentit, ora 11:20 - vetëm pamje)

- Drejtoria Rajonale e Policisë në Pejë mban onferencën për media e cila i dedikohet rastit të ndodhur në fshatin Studenicë të Komunës së Istogut, vizita e pelegrinëve serb. (Drejtoria Rajonale e Policisë - Pejë  ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Vitisë dhe me shkollat e mesme në këtë komunë organizon aktivitetin e pastrimit të Parkut të Qytetit në Viti. (Parku i Qytetit në Viti, ora 13:00)

 - Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i kërkesave të Këshillit Gjyqësor të Kosovës dhe Këshillit Prokurorial të Kosovës lidhur me Projektligjin për Pagat dhe Zyrtarët Publik. (Ndërtesa e Kuvendit, salla N204, ora 13:00)

- Lëvizja Vetëvendosje mban konferencë për media. (Zyrët qendrore të Vetëvendosjes, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Mbahet ceremonia e diplomimit të gjeneratës së parë të Shkollës së Lartë Profesionale - Cacttus Education. (Hotel Sirius, ora 15:00)