22 Qershor 2018

Fluks i madh pushuesish në pikëkalimet kufitare të Shqipërisë

Tiranë, 31 korrik - E diela e fundit e korrikut shënoi një fluks të madh në pikëkalimet kufitare me Kosovën dhe Malin e Zi, për shkak të pushuesve të shumtë që shkojnë për të kaluar pushimet verore në bregdetin e Shqipërisë.


Sipas njoftimit zyrtar të policisë, gjatë paradites së të dielës, në territorin e Shqipërisë kanë hyrë rreth 21.890 shtetas si dhe 4975 automjete.


Ndërkohë, policia kufitare po punon me shërbime të shtuara për të përballuar fluksin në rritje dhe për të shmangur radhët e gjata në këto pikëkalime kufitare.


Fluks i madh lëvizje është shënuar gjatë paradites edhe në akset rrugore që shkojnë drejt plazheve të vendit, si në aksin rrugor Shkodër–Lezhë, Tiranë- Durrës dhe Milot-Vorë.


Sipas policisë, shërbimet e Policisë Rrugore të Shqipërisë, të mbështetura edhe nga ato të Kosovës, janë shtrirë në akset kryesore që shkojnë drejt plazheve të vendit. Janë rreth 30 patrulla të Forcës së Posaçme me motorçikleta, të cilët patrullojnë akset rrugore dhe zonat turistike, ndërkohë që ka edhe një prani më të shtuar të forcave të rendit


Në një njoftim të sajin, policia bëri të ditur se, në të gjitha plazhet e Shqipërisë janë angazhuar edhe 100 patrulla policie me biçikleta, duke synuar rritjen e masave të sigurisë për pushuesit e shumtë.


Ndërkohë, problem vazhdon të mbetet mungesa e kullave të vrojtimit dhe rojeve të plazhit në pjesën më të madhe të bregdetit, një shqetësim ky i përsëritur ndër vite dhe që ende nuk po gjen zgjidhje nga autoritetet vendore që menaxhojnë plazhet në Shqipëri.


.

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00)

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Kryeministri Ramush Haradinaj merr pjesë në përurimin e fluturakeve të para të prodhimit të rrymës me erë. (Fshati Kikë, Komuna e Kamenicës, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)