07 Korrik 2020

Dakordohen për rritjen e bashkëpunimit në turizëm në mes Kosovës dhe Malit të Zi

Prishtinë15 qershor - Ministri i Tregtisë dhe Industrisë, Vesel Krasniqi, priti në takim kryetarin e Komunës së Ulqinit, Loro Nrekiç, ku kanë diskutuar për thellimin e bashkëpunimit në fushën e turizmit në mes Kosovës dhe Malit të Zi.

Ministri Krasniqi theksoi se Qeveria e Republikës së Kosovës është duke punuar që turizmin ta zhvillojmë edhe më shumë, që edhe qytetarët e rajonit të vijnë dhe ta vizitojnë Kosovën.

Ministri bëri të ditur se Kosova ka shumë potencial turistik malor, dhe sipas tij, bashkëpunimi Kosovë –Mali i Zi mund të sjell shumë rezultate.

“Ky takim nuk do të jetë i fundit, deri në konkretizimin e marrëveshjeve në fushën e turizmit. Bashkëpunime Kosovë dhe Mali i Zi ka pasur gjithmonë dhe ne do të mundohemi që këtë bashkëpunim ta shtrijmë në të gjitha fushat. Kosova ka shumë bukuri natyrore, dhe ka shumë vende që ja vlejnë të vizitohen, ndërsa ne nuk e kemi detin. Mirëpo mund të funksionojmë si dy vende, duke kombinuar turizmit”, tha ministri Krasniqi.

Ndërsa kryetari i Ulqinit, Loro Nrekiç tha qytetarët e Kosovës janë të familjarizuar me Ulqinit, sepse tradicionalisht e kanë vizituar dhe i kanë kaluar pushimet.

Ai tha se janë duke punuar që të krijojnë kushte sa më të mira duke shtuar edhe kujdesin për vizitorët për tu mbrojtur nga pandemia.

Në takim u diskutua edhe për thellimin e bashkëpunimit ndër institucional, shkëmbimin e përvojave në fushën e turizmit dhe rritjen e shkëmbimeve tregtare.








 

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)