04 Dhjetor 2022

CITY INN vlerësohet në top 10% të hoteleve më të mira në botë nga Trip Advisor

Prishtinë, 13 maj - CITY INN sot njoftoi se është shpallur fitues i çmimit “Përzgjedhja e udhëtarëve në Tripadvizor 2022 ”.

Kjo arritje i dedikohet bizneseve që vazhdimisht ofrojnë përvoja fantastike për udhëtarët në mbarë globin, e që e vendos CITY INN në top 10% të hoteleve më të mira në botë. CITY INN u dallua duke siguruar kënaqshmërinë e vazhdueshme të vizitorëve.

“Është nder i veçantë të pranojmë përsëri çmimin Përzgjedhja e udhëtarëve në Tripadvizor 2022 si një vlerësim të shërbimeve tona dhe kënaqshmërisë së udhëtarëve që kanë pasur rastin të qëndrojnë në hotelin tonë” tha Fidan Hallaqi, bashkëthemelues i CITY INN.

“Urime të gjithë fituesve të çmimit Përzgjedhja e udhëtarëve në Tripadvizor 2022 ”, tha Kanika Soni, Kryeshefi Komercial në Tripadvisor. Ky çmim (The Travelers’ Choice Awards) i ndahet më të mirëve  në turizëm dhe mikpritje, sipas vlerësimit të atyre që kanë më së shumti rëndësi: mysafirëve."

"Renditja në mesin e fituesve të Përzgjedhja e udhëtarëve në Tripadvizor 2022  është gjithmonë e vështirë – por asnjëherë më shumë se këtë vit pasi dalim nga pandemia. Unë jam e impresionuar me hapat që keni ndërmarrë për të përmbushur kërkesat e reja të udhëtarëve, qoftë përdorimi i teknologjisë së re, zbatimi i masave të sigurisë ose angazhimi dhe trajnimi i personelit të jashtëzakonshëm. Ju jeni përshtatur shkëlqyeshëm përballë vështirësive”. 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)