13 Prill 2021

Turqia regjistron shifrën më të lartë të eksportit në të gjitha kohërat

Ankara, 2 prill - Ministrja e Tregtisë, Ruhsar Pekcan, bëri me dije të enjten se eksportet e Turqisë regjistruan shifrën më të lartë të të gjitha kohërave në mars 2021 me 18,98 miliardë dollarë.

“Eksportet e vendit në mars të këtij viti u rritën me 42,2% në krahasim me të njëjtin muaj të 2020-s duke regjistruar shifrën më të lartë të të gjitha kohërave me 18,98 miliardë dollarë”, deklaroi Ruhsar Pekcan nga kryeqyteti Ankara i vendit duke bërë publike të dhënat paraprake të Ministrisë së Tregtisë.

Sa i përket importeve në mars 2021 – vijoi ministrja e Tregtisë – ato u rritën me 25,8% në krahasim me të njëjtin muaj të një viti më parë dhe arritën në 23,679 miliardë dollarë.

“Kështu, deficiti i tregtisë së jashtme të Turqisë u tkurr me 14,2% në bazë vjetore duke zbritur nga 5,5 miliardë dollarë, në 4,7 miliardë dollarë në mars”, tha ajo gjatë konferencës së përbashkët për shtyp me kreun e Asamblesë së Eksportuesve të Turqisë (TIM), Ismail Gulle.

“Raporti i mbulimit të importit me eksport është 80,2% këtë mars”, shtoi Pekcan.

Ministrja e Tregtisë gjithashtu tha se eksportet turke u rritën me 17,3% në çerekun e parë të vitit 2021 duke arritur shifrën më të lartë tremujore historike prej 50 miliardë dollarësh.

“Si vend, ne do të vazhdojmë progresin tonë të pandërprerë në përputhje me objektivat e rritjes së lartë ekonomike dhe eksportit me vlerë të shtuar pavarësisht vështirësive dhe sfidave globale siç është pandemia e llojit të ri të koronavirusit (COVID-19)”, u shpreh Pekcan mes të tjerash.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)