25 Qershor 2018

Trump firmosi tarifa të mbi çelikun dhe aluminin e importuar

Washington, 9 mars - Presidenti amerikan Donald Trump firmosi urdhrat që vendosin tarifa të rënda mbi çelikun dhe aluminin e importuar, por disa vende janë kursyer.

I shoqëruar gjatë firmosjes, nga punonjësit e këtyre industrive në SHBA, Trump tha se vendi ka vuajtur nga tregtia e pandershme dhe se vendimi i tij do të nxisë rritjen e industrisë amerikane.

“Masat që po marrim sot nuk janë zgjedhje e thjeshtë, por çështje nevoje për sigurinë tonë. Masat adresojnë një krizë në rritje në prodhimin tonë të aluminit dhe çelikut që kërcënon sigurinë e kombin, dëmton ekonominë tonë dhe vendet e punës”, u shpreh Trump.

Presidenti amerikan shtoi se ata që duan të shmangin tarifat e reja, mund t’i çojnë bizneset e tyre në SHBA ku nuk do të preken nga ndryshimet. Vendimi i Trump rrit tarifën me 25% për çelikun e huaj dhe 10% për aluminin e importuar.

Tarifat e reja hyjnë në fuqi pas 15 ditësh. Kanadaja dhe Meksika nuk preken nga masat e reja, dy vende që Trump i cilësoi aleatë shumë të afërt. Por tarifat e reja kanë zemëruar shumë vende të tjera, që kanë premtuar se do të reagojnë në të njëjtën mënyrë, madje duke folur për një luftë tregtare që mund të nisur nga Trump.

Ky i fundit e firmosi urdhrin edhe kundër vullnetit të partisë së tij republikane, zyrtarë të së cilës kishin shprehur rezerva për tarifat dhe pasojat që ato mund të kenë. 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)