17 Korrik 2018

Top pesë kompanit më të suksesshme në Maqedoni që kanë treg edhe në Kosovë

Shkup, 30 nëntor - Në kuadër të agjendës së“Javëve të Biznesit Kosovar 2017”, një  delegacion i Aleancës Kosovare e Bizneseve, i kryesuar nga kryetari Agim Shahini, po merr pjesë  në promovimin e Top 100 kompanive më të suksesshme në Maqedoni.

Agim Shahini, kryetar i AKB-së, tha se sot po dëshmohet suksesi i kompanive vendore në rritjen e aktiviteteve të tyre nga viti në vit dhe ky është sukses jo vetëm për Maqedoninë, por edhe për  Kosovën, sepse shumica e këtyre bizneseve top 100 bizneseve operojnë edhe në Kosovë.  

Nebi Hoxha, kryetar i Odës Ekonomike të Maqedonisë Veri Perëndimore, tha se manifestimi  tradicional i Top 100 kompanive më të suksesshme, që realizohet për të shtatën herë, është i rëndësishëm në rrugëtimin e sipërmarrjeve si lokomotivë kryesore të rrugëtimit për zhvillim ekonomik.

Ai shtoi se sipërmarrësit duhet përkrahur, promovuar e stimuluar, duke besuar fuqishëm dhe me mbështetjen e institucioneve se bizneset do të rriten e fuqizohen, më çfarë do të përfitojnë mbarë vendi.

“Ka ardhur koha që ekonominë ta kthejmë në agjendën shtetërore. Nuk mundem ta lëmë edhe më tutje këtë gjendje ekzistuese ekonomike, por duhet që së bashku të ndikojmë në zhvillim ekonomik të vendit. 

Bizneseve i duhet qasje e re dhe  kërkesat e këtij komuniteti në interes të zhvillimit të qëndrueshëm ekonomik duhet të jetë i nisja e dialogut biznes qeveri, që të jemi të përfshirë në hartimin e legjislacionit dhe të krijohen kushte të barabarta për të gjithë dhe mos të ketë ngecje e qasje selektive sikur në të kaluarën”, tha Hoxha.

Sipas tij viti 2018 i ka të gjitha premisat që të jetë vit i mirë ekonomik në favorin e biznesit dhe  mirëqenies ekonomike në përgjithësi.  

Kryeministri i Maqedonisë Zoran Zaev, tha se ky manifestim tradicional është shumë i rëndësishëm dhe që partneriteti  institucioneve me sipërmarrësit do të fuqizohet.

Ai premtoi se prioritet kanë zhvillimin e fuqizimin e ekonomisë, ku nuk do të mungoj mbështetja e qeverisë.

“Politikat qeveritare do të dalin nga dialogu për zhvillim të mëtejmë dhe kjo është me rëndësi.

Ky manifestim i top 100 kompanive më të suksesshme  ka rëndësi të madhe dhe siprmarrësit do të kenë mbështetjen e vazhdueshme të qeverisë. 

Avni Ponari nga Sigal, tha se rrugëtimi nuk ndalet këtu, por duhet fuqizuar edhe më tej. 

Më pas janë shpallur top 100 kompanitë më të suksesshme, ku kompania më e suksesshme apo top 1 është shpallur kompania Kipper, top 2  Dauti Comerc, top 3 Neptun, top 4 Bastuti fruti, top 5 është shpallur kompania Alma M.

Kalendari

Ngjarjet e datës 17 Korrik 2018 - Përkujtohet 20 vjetori i rëniës se dëshmorëve të Ushtrisë Çlirimtare të Kosovës, Bashkim Kerolli dhe Adem Ademi. Te vendi i quajtur Rrasa e Zogut të kufiri Shqipëri - Kosovë, ora 10:00 - nisja behet nga fshati Polac, ora 8:00) 

- Mbahet mbledhja e Komisionit për Administratë Publike, Qeverisje Lokale dhe Media në të cilën do të shqyrtohet projektligji për lirinë e asociimit në Organizata Joqeveritare. (Ndërtesa e Kuvendit, salla N 225, ora 10:00)

- Mbahet ceremonia e inaugurimit te impiantit të trajtimit të ujërave të zeza në fshatin Mramor. (Bregu lindor i Liqenit të Badocit pranë fshatit Mramor, ora 10:00)

- Kryeministri Ramush Haradinaj pret në takim përfaqësues të projektit të GIZ-it gjerman dhe nxënës nënshkrues të peticionit për ngritjen e kapaciteteve në arsim. (Ndërtesa e Qeverisë, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të shqyrtohet projektligji për Produkte të Ndërtimi. (Ndërtesa e Kuvendit, salla N 10, ora 11:00)

- Oda Ekonomike e Kosvës organizon takim me delegacionin e organizatës prestigjioze “The Heritage Foundation”. (Objekti i Odës Ekonomike të Kosovës, ora 14:00)

- Zyra e Bashkimit Evropian në Kosovë/BE, së bashku me Këshillin Gjyqësor të Kosovës, do të fillojë zyrtarisht procesin e digjitalizimit të shënimeve të dënimeve të vjetra në tërë Kosovën. (Hotel Swiss Diamond, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Kryeministri Ramush Haradinaj merr pjesë në ceremoninë e nënshkrimit, me rastin e blerjes së automjeteve multi funksionale ushtarake të lëvizshmërisë së lartë nga Qeveria e Kosovës për Forcën e Sigurisë së Kosovës. (Kazerma Adem Jashari në Prishtinë, ora 16:00)