11 Dhjetor 2018

Tarifat e propozuara nga Trump mund të sjellin një lufte të re tregtare

New York, 10 mars - Vendet partnere tregtare po kritikojnë tarifat e propozuara nga administrata Trump për importet e çelikut dhe aluminit në Shtetet e Bashkuara. Shumë analistë thonë se mund të shkohet drejt një lufte të re tregtare, e cila mund të dëmtojë jo vetëm ekonomitë e mëdha, por edhe vendet në zhvillim.

Donald Trump premtoi gjatë fushatës elektorale se do të mbrojë industrinë amerikane, e cila thotë se është shkatërruar nga importet e huaja të lira. Ndërsa administrata amerikane po përgatitet të përmbushë këtë premtim, partnerët tregtarë të Shteteve të Bashkuara u zotuan se do të kundërpërgjigjen.

Eksportet e aluminit kinez u rritën me mbi një të katërtën gjatë dy muajve të parë të këtij viti. 14% e tyre shkojnë drejt Shteteve të Bashkuara. Pekini paralajmëroi kundër tarifave të reja.

“Vetëm do të dëmtojnë të dyja palët. Kina do të japë patjetër një përgjigje të justifikuar dhe të domosdoshme”, deklaroi Wang Yi, Ministër i Jashtëm i Kinës.

Evropa gjithashtu ka kërcënuar se do të kundërpërgjigjet ndaj eksporteve amerikane.

“Në listë janë produkte çeliku, industriale, produkte bujqësore, disa lloje uiski, gjalpi i kikirikut, boronicat dhe lëngu i portokallit”, tha Cecilia Malmstrom, Komisionere e Bashkimit Evropian për Tregtinë.

Presidenti Trump thotë se industria e çelikut dhe e aluminit është thelbësore për sektorin e mbrojtjes dhe se tarifat nevojiten për të mbrojtur sigurinë kombëtare.

Organizata Botërore e Tregtisë përballet me një dilemë të vështirë.

“Gjykatësit e OBT-së mund të thonë se Shtetet e Bashkuara mund të veprojnë kështu për të mbrojtur sigurinë kombëtare. Kjo do të nxirrte jashtë loje të gjithë sistemin, pasi bazuar tek siguria kombëtare, mund të bëhet çdo gjë tjetër”, thotë Profesor Ken Shalden, i London School of Economics.

Zoti Shalden thotë se shumë vende u anëtarësuan në OBT në vitin 1994, me mirëkuptimin se tarifat e importeve në SHBA do të kishin një tavan maksimal.

“Jo të gjitha vendeve u pëlqenin marrëveshjet, por pranuan të bënin disa gjëra në këmbim të konçensioneve. Ndër konçensionet kryesore ishte se tarifat amerikane do të fiksoheshin në një nivel të ulët. Kështu u ra dakort në vitin 1994. Nëse tashmë, gati 25 vjet më pas, SHBA-ja thjesht vendos t’i eliminojë këto kufizime, atëherë kjo do të shkaktojë probleme serioze”, thotë Profesor Shalden.

Evropa thotë se po koordinon veprimet me vende të tjera në mbarë botën për t’iu kundërpërgjigjur tarifave amerikane. Në sfond po shfaqet perspektiva e një lufte tregtare dhe shumë njerëz i frikësohen dëmeve ekonomike ndaj të gjitha palëve.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)