17 Janar 2019

Shteti duhet të krijojë kampanja vetëdijesese për konsumimin e produkteve vendore e jo serbe.

Prishtinë, 6 janar - Ish kryetari i Odës Ekonomike të Kosovës (OEK), Safet Gërxhaliu, ka thënë se janë vetë shqiptarët ata të cilët ende nuk janë vetëdijesuar që të mos i përdorin produktet serbe.

"Politika serbe i ka dy strategji për të dominuar në Kosovë. E para ka të bëjë me aspektin strategjik – politik dhe e dyta ka të bëjë me aspektin ekonomiko – social", ka vlerësuar Gërxhaliu.

E sipas tij, në Serbi ndodh e kundërta. Qytetarët e këtij shteti thuajse fare nuk konsumojnë prodhime kosovare.

Sipas Gërxhaliut, shteti duhet të krijojë kampanja vetëdijesese për konsumimin e produkteve vendore e jo serbe.

Prandaj, depërtimi i produkteve “Made in Serbia”, në Kosovë sipas tij është një strategji, ose një projekt i politikës serbe, i cili mbështet prodhuesit vendorë, i stimulon tregtarët dhe në këtë mënyrë e shkatërron prodhimin e Kosovës dhe e tëra kjo kur analizohet nga këndvështrimi i mungesës së nacionalizmit ekonomik në Kosovë dhe vetëdijes së konsumatorit është argumenti më i mirë pse Serbia është kaq prezente në tregun e Kosovës dhe pse produktet kosovare në tregun e Serbisë fare nuk mund të gjenden.

"Unë e kam thënë sikur nesër të ndodhë ndonjë tragjedi elementare në Serbi dhe Këshilli i Sigurimit t’i blejë të gjitha produktet “Made in Kosova”, dhe t’i dërgojë për ndihma në Serbi, për hir të dozës së nacionalizmit ekonomik që posedojnë qytetarët e Serbisë, ata jo vetëm se nuk do t’i konsumojnë këto produkte, por nuk do t’ua qesin as derrave, vetëm pse janë të Kosovës."

"Duhet më tepër të kemi marketing dhe promovim të prodhimeve vendore. Por, krahas promovimit, prodhimi vendor meriton të ketë edhe mbrojtje e që për fat të keq mbrojtjen nuk mund ta ketë përderisa politika dhe bizneset janë të përziera", ka thënë Gërxhaliu.

Kalendari

Ngjarjet e datës 17 janar 2019 - Kryeministri Ramush Haradinaj bën homazhe te Shtatorja e Gjergj Kastriotit Skënderbeut, me rastin e 550 vjetorit të vdekjes. (Shtatorja e heroit Gjergj Kastrioti Skënderbeu, Prishtinë, ora 9:00)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e komunës së Malishevës. (Gjimnazi “Hamdi Berisha” në Malishevë, ora 9:15)

- Ministri i Financave Bedri Hamza dhe udhëheqësi i Divizionit për Slloveninë, Kroacinë, dhe Ballkanin Perëndimor në Bankën Evropiane për Investime Matteo Rivellini nënshkruaj Marrëveshje Grant për Mbështetje të Projektit për Ndërtimin e Autostradës Kijevë-Zahaq. (Ndërtesa e  Qeverisë, kati 11, ora 9:30)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët në çerdhen e komunës së Malishevës. (Objekti i çerdhes në Malishevë, ora 9:45)
 
- Kryeministri Ramush Haradinaj zhvillon takim pune me përfaqësuesit e Odës Ekonomike Gjermane. (Hotel Emerald, ora 10:00)

- Misioni i OSBE-së do të publikojë raportin mbi gjendjen e strehimoreve për viktimat e dhunës në familje në Kosovë. (Hotel Swiss Diamond, ora 10:15)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e shkollës fillore “Ganimete Tërbeshi” në Astrazub të komunës së Malishevës. (Astrazub, ora 10:40)

- Administrata Tatimore e Kosovës nesër do të shënoj 19 vjetorit të themelimit të saj. (Qendra e Shërbimit të Tatimpaguesve, ish-ndërtesa e Gërmisë, ora 11:00)

- Mbahet takimi i përbashkët në mes kryetarit të Komunës së Gjilanit Lutfi Haziri dhe Kryeshefit Ekzekutiv të KRU"Hidromorava" Muhamet Suliqi, du do të zyrtarizohet Njësitit për Implementimin e Projektit - Impiantit dhe Kolektorëve  për ujëra të zeza. (Zyra e Kryetarit Haziri, ora 11:00)
 
- Kryeministri Ramush Haradinaj merr pjesë në shënimin e 19-vjetorit të themelimit të Administratës Tatimore të Kosovës. (Qendra e Shërbimit të Tatimpaguese, ish ndërtesa e Gërmisë, ora 11:00)

- Ministri i Kulturës, Rinisë dhe Sportit, Kujtim Gashi, do të bëjë hapjen zyrtare të Zyrës për programin “Evropa Kreative Kosovë”. (Biblioteka Kombëtare të Kosovës “Pjetër Bogdani”, ora 11:00)

- Nën organizimin e Grupit Parlamentar të LDK-së dhe Kryetarit të Komunës së Pejës Gazmend Muhaxherit në 17 vjetorin e vrasjes, organizohen homazhe në nderim të jetës dhe veprës së ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Tek varrezat e fshatit Zahaq të Pejës, ora 12:00)

- Në 37 vjetorin vrasjes së heronjve të kombit Jusuf e Bardhosh Gërvalla, Grupi Parlamentar i LDK-së, në nderim të jetës dhe veprës së tyre do të vendos kurora lulesh tek varrezat e heronjve. (Fshati Dubovik në Deçan, ora 12:30) 

- Kryeministri Ramush Haradinaj pret në takim Komisionerin Evropian për Politika të Fqinjësisë dhe Negociata të Zgjerimit, Johannes Hahn. (Ndërtesa e Qeverisë, ora 16:45 - vetëm pamje)
 
- Kryeministri Ramush Haradinaj merr pjesë në ceremoninë e organizuar me rastin e përmbylljes së aktiviteteve në 550 vjetorin e Vitit Mbarëkombëtar të Skënderbeut. (Sheshi 21, ora 18:00)

- Dega e LDK-së në Pejë do të bëjë ndezjen e qirinjve në vendin e vrasjes te ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Lagja “Fidanishte” në Pej, ora 19:50)