13 Korrik 2020

Rriten çmimet e naftës, shkaku i koronavirusit

New York, 13 shkurt - Çmimet e naftës bruto janë rritur pasi rastet e reja të koronavirusit janë ngadalësuar në Kinë duke lehtësuar shqetësimet dhe duke mbështetur kërkesën për naftë.

Standardi ndërkombëtar i naftës së papërpunuar Brent filloi të tregtohet me 55,02 dollarë për fuçi nga mëngjesi i sotëm, duke shënuar një rritje prej 1,4 për qind pasi dje u mbyll tregu me një çmim prej 54,26 dollarë për fuçi.

Standardi amerikan West Texas Intermediate (WTI) tregtohet me 50,62 dollarë për fuçi nga mëngjesi i sotëm, me një rritje prej 1 për qind pasi dje u mbyll me një çmim prej 50,12 dollarë për fuçi.

Sipas Komisionit të Shëndetit të Kinës, numri i vdekjeve në vend nga shpërthimi i koronavirusit është rritur në 1.114, ndërsa një ditë më parë numri i vdekjeve ishte 1.017.

Sipas të dhënave të komisionit, numri i rasteve të reja të koronavirusit në Kinë është 97, numër i cili shënon nivelin më ulët të rritjes që nga 31 janari.

Rënia e rasteve të reja ka kthyer optimizmin e investitorëve se kërkesa e naftës së papërpunuar në konsumatorin e dytë më të madh në botë mund të kthehet përsëri duke kufizuar ndikimin e virusit të ri në vendet aziatike dhe në ekonominë globale.

Përveç kësaj, shpresat e Organizatës së Vendeve Eksportuese të Naftës (OPEC) për zgjatjen ose thellimin e uljes së prodhimit të saj të naftës së papërpunuar në fillim të muajit mars po ashtu mbështesin çmimet e naftës.  

Kalendari

Ngjarjet e datës 13 Korrik 2020 - Kryetari i Komunës së Gjilanit, Lutfi Haziri e hap fushatën e korrje-shirjeve. (Fushata e korrje-shirjeve nis në mes të fshatave, Livoq i Poshtëm dhe Velekincë, ora 10:00)

- Kryeministri Avdullah Hoti, i shoqëruar nga ministri i Bujqësisë, Besian Mustafa dhe nga ambasadori i Gjermanisë në Kosovë, Christian Heldt do të vizitojë kompaninë “SOWI KOSOVA” në Bajgorë të Komunës së Mitrovicës. (Bajgorë - Mitrovicë, ora 11:00)

- Vazhdon seanca plenare e Kuvendit në të cilën do të shqyrtohet Projektligjit për plotësimin dhe ndryshimin e Ligjit mbi ndarjet buxhetore për Buxhetin e Republikës së Kosovës për vitin 2020. (Salla e Kuvendit, ora 14:00

- Kryeministri Avdullah Hoti raporton në Kuvendin e Kosovës lidhur me menaxhimin e pandemisë COVID-19. (Salla e Kuvendit, ora 16:00)