21 Shtator 2019

Prodhuesit kosovar hasin në shumë pengesa për të eksportuar në Shqipëri

Prishtinë, 21 maj - Klubi i Prodhuesve të Kosovës së bashku me Dhomën e Tregtisë dhe Industrisë në Tiranë, Odën Ekonomike të Kosovës, Odën Ekonomike të Maqedonisë Veri-Perëndimore dhe Bashkimin e Prodhuesve Shqiptarë sot organizuan konferencën e përbashkët “Mundësitë dhe sfidat e marrëdhënieve tregtare Kosovë-Shqipëri”, e cila u mbajt në kuadër të Forumit Ekonomik Mbarë-Shqiptarë. 

Kjo konferencë kishte për qëllim prezantimin dhe adresimin e sfidave dhe barrierave tregtare që prodhuesit e Kosovës dhe Shqipërisë po hasin gjatë tregtimit të produkteve të tyre në këto dy tregje, por edhe mundësitë dhe lehtësimet që i ju janë ofruar nga të dy qeveritë përkatëse.

Nagip Fejzi, kryetar i Forumit Ekonomik Mbarë-Kombëtarë, në hapjen e kësaj konference tha që ky është momenti i duhur që faktori shqiptar të ndezë sinjalet e bashkëpunimit mbarëkombëtarë, dhe të filloi integrimi i këtyre ekonomive në ekonomi komplementare.

“Fuqia për zhvillim është slogani që mbartë ky forum dhe së bashku do të bashkohemi për zhvillimin të gjithë shqiptarëve në rajon.” u shpreh ai.

Gjatë prezantimit të marrëdhënieve tregtare në mes të këtyre dy vendeve, u cek që pengesat kryesore për prodhuesit kosovar në eksport janë barriera jo-tarifore, ku në çdo eksport, autoritetet shqiptare iu kërkojnë kopjen origjinale (ose kopjen e noterizuar) të Certifikatës së Cilësisë për produktet që i nënshtrohen kontrollit fitosanitar dhe veterinar.

Procedurat e zhdoganimit në Shqipëri, pagesa e skanerit, noterizimi i analizave, pagesa në rrugën e kombit, mos-marrja për bazë e çmimit të faturës nga Dogana Shqiptare, zbatimi i normës të lartë të akcizës janë disa nga pengesat të cilat e rrisin koston e prodhimit por edhe e ulin nivelin e konkurrueshmërisë së produkteve të Kosovës në tregun e Shqipërisë.

Kryetari i Klubit të Prodhuesve, Fejzulla Mustafa tha që është kënaqësi që të gjithë bizneset të jemi prezent në këtë takim për të shqyrtuar mundësitë e bashkëpunimit, por kjo kënaqësi do të ishte shumë më e madhe nëse sot do të ishim në kohën e liberalizimit të tregut shqiptarë. Ai përmendi shumë barriera si tarifore dhe jo tarifore të cilat prodhuesit i hasin në tregti me Shqipërinë por me asnjë vend tjetër.

Zëvendëskryeministri Fatmir Limaj, e përshëndeti formimin e këtij Forumi dhe shprehu dëshirën që takime të tilla të intensifikohen dhe të filloi konkretizimi i bashkëpunimit në mes të gjitha palëve.

Ai u premtoi bizneseve që do të jetë zëri dhe përkrahësi i tyre në të gjitha mbledhjet dhe takimet në mes qeverive, pasi që bizneset janë promotorët e zhvillimit.

 “Koha e spektakleve publike dhe politike ka përfunduar, është koha e konkretizimit të të gjitha marrëveshjeve të cilat janë arritur në mes të dy qeverive.” deklaroi ai.

Të pranishëm në konferencë ishin përfaqësues të bizneseve nga të dy vendet por edhe përfaqësues nga të dy qeveritë si Ministrja e Financave dhe Ekonomisë së Shqipërisë- Anila Denaj, Eduard Shalsi – Ministër i shtetit për Mbrojtjen e Sipërmarrjes në Shqipëri, Endrit Shala- Ministër i Tregtisë dhe Industrisë së Republikës së Kosovës.


 

Kalendari

Ngjarjet e datës 21 shtator 2019 - Kryetari i Lëvizjes Vetëvendosje Albin Kurti merr pjesë në manifestimin tradicional Kulturor e Shkencor "Ditet e Dom Mikelit", Stubëll të Epërme të Vitisë. (Subëll e Epërme, ora 9:00)

- Fillon Dita e Pastrimit të Botës në Kosovë ku do të marrin pjesë ministri i Mjedisit dhe Planifikimit Hapësinor, Fatmir Matoshi, ministri i Mbrojtjes, Rrustem Berisha, Forca e Sigurisë së Kosovës, Kompania “Pastrimi”, përfaqësues nga Komuna e Prishtinës, figura të rëndësishme diplomatike, studentë e vullnetarë të shumtë. (Stadiumi “Fadil Vokrri”’ në Prishtinë, ora 10:00)

- Me rastin e përvjetorit të Ahmet Krasniqit, kandidatja e LDK-së për Kryeministre, Dr. Vjosa Osmani bën homazhe te varri i Presidentit Historik Dr. Ibrahim Rugova dhe te varri i ish Ministrit të Mbrojtjes së Republikës së Kosovës, Ahmet Krasniqi. (Velani, ora 10:00)

- Vazhdon kampionati ekipor në pingpong. (Shkolla Tefik Qanga në Ferizaj, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it mban konferencë për media, në të cilën do publikohet raporti: “Krimet e Rënda në Kosovë, ligji VS praktika: Analizë e politikës së ndjekjes dhe dënimeve në rastet e trajtuara në Departamentet e Krimeve të Rënda të Gjykatave Themelore në Republikën e Kosovës, analizë e veçantë e trajtimit të rasteve të veprave penale të terrorizmit”. (Hotel Sirius, ora 10:30)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:00)

- Aksionet e pastrimit mbahet në komunën e Podujevës. (Podujevë, ora 11:00)

- Mbahet një aksion me moton “Dita e pastrimit të Botës 2019” në Mitrovicë. (Para objektit të komunës së Mitrovicës, ora 11:00)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:15)

- Kandidatja e LDK-së për Kryeministre, Dr. Vjosa Osmani shpalosë programin e LDK-së për zhvillimin ekonomik, në Konventën për zhvillim dhe punësim. (Hotel Emerald, ora 12:00)

- Kryetari i Lëvizjes Vetëvendosje Albin Kurti zhvillon një vizitë në Gjilan. (Gjilan, ora 12:00)

- Aksionet e pastrimit mbahet në Komunën e Prizrenit. (Prizren, ora 14:00)

- Promovohet libri monografik “Nexhmije Pagarusha” i cili është një rrëfim origjinal dhe personal i një udhëtimi të mrekullueshëm nëpër jetën dhe krijimtarinë e këngëtares tonë të famshme, bilbilit të këngës shqipe në Kosovë, znj. Nexhmije Pagarusha. (Hotel Swiss Diamond, ora 19:00)

- Kryetari i Lëvizjes Vetëvendosje Albin Kurti mban tubim në Petrovë të Shtimës. (Fshati Petrovë, ora 19:00)

 - Kryetari i Lëvizjes Vetëvendosje Albin Kurti mban tubim në Hajvali të Prishtinës. (Restaurant "Ora", Hajvali, ora 21:00)