25 Shkurt 2021

OEK-u zgjeron bashkëpunimet

Prishtinë, 10 gusht - Oda Ekonomike e Kosovës, (OEK), ka nënshkruar një memorandum mirëkuptimi me Shoqatën për Teknologji të Informacionit dhe Komunikimeve, (STIK) për zhvillimin të përgjithshëm ekonomikë dhe shkëmbime të eksperiencave.

Kryetari i OEK-ut Safet Gërxhaliu tha se kjo marrëveshje është një urë lidhëse në mes këtyre dy institucioneve dhe do të shërben në të ardhmen që të promovoj teknologjinë e informacionit.

“OEK-u është i përkushtuar që të bashkëpunojë në fushën e teknologjisë sepse kjo është një fushë që gjeneron vende të reja të punës. Numri i të punësuarve në teknologji për çdo ditë është duke u rritur dhe kjo dëshmon rendësin e kësaj shoqate të teknologjisë dhe informacionit”, tha Gërxhaliu.

Ndërsa kryetari i bordit të STIK, Durmishali Smani tha se teknologjia është një burim i ri i zhvillimit ekonomikë që sipas tij, çdo aktivitet promovimi dhe bashkëpunimi për shoqatën është i mirëseardhur.

“Nga kjo marrëveshje përfitues do të jemi të gjithë. Përparësitë që i ofron kjo marrëveshje janë se ofron komunikim të shpejt, raportime të shpejta etj. E rol të veçantë luan në afarizëm sepse kursen kohën”, tha ai.


Elhami Ismajli
 

Kalendari

Ngjarjet e datës 25 Shkurt 2021

- Projekti “Përkrahje e BE për Konkurrueshmërinë e Sektorit Kosovar të TIK”, financuar nga BE dhe implementuar nga WEglobal në konsorcium me Prishtina REA dhe në bashkëpunim me Ministrinë e Ekonomisë dhe Ambientit, organizon ceremoninë e certifikimit për rundin e parë të programit trajnues për shkathtësi digjitale dhe të TIK. (Hotel Amazona në Milloshevë, ora 9:45)

- Mbahet mbledhja e dytë e rregullt për vitin 2021 të Kuvendit Komunal të Prizrenit. (Salla për mbledhjet e Kuvendit të Komunës, tek “Shtëpia e Bardhë”, ora 10:00)

-  Mbahet mbledhja e dytë e rregullt për vitin 2021 e Kuvendit të Komunës së Prizrenit. (Salla për mbledhjet e Kuvendit në Shtëpinë e Bardhë, ora 10:00)

- Rrjeti i Pajtimit KOMRA (RrPK) prezanton rezultatet e hulumtimit të vendeve të paraburgosjes në Bosnje dhe Hercegovinë dhe të personave të zhdukur në lidhje me luftën në Kosovë. Pjesëmarrës Natasha Kandiq, Bekim Blakaj etj. (Zoom, ora 11:00)

- Mbahet dëgjimi publik në lidhje me raportin e vlerësimit të ndikimit në mjedis për ndërtimin e hidrocentralit “EcoDri” në lumin Drini i Bardhë. (Restorant “Ura” në Dobrushtë, ora 11:00)

- Organizata për Rritjen e Cilësisë në Arsim publikon "Raportin e Monitorimit të Këshillit Shtetëror të Cilësisë 2" ku do të publikohen të dhëna nga procesi i akreditimit gjatë vitit 2020, si dhe informata të tjera të rëndësishme rreth sfidave me të cilat është përballur Agjencia e Kosovës për Akreditim dhe Këshilli Shtetëror i Cilësisë. (Zyrët e ORCA's, ora 13:00)

- Mbahet takimi i 196-të i Këshillit Prokurorial të Kosovës. (Takimi do të organizohet nëpërmjet videokonferencës, ora 13:00)