08 Mars 2021

Nënshkruhet marrëveshja për unifikimin e tregut të punës Kosovë - Shqipëri

Prishtinë, 2 tetor - Ministri i Punës dhe Mirëqenies Sociale, Skender Recica, sot, në Tiranë, në mbledhjen e dy qeverive shqiptare, bashkë me ministren e Financave dhe Ekonomisë së Republikës së Shqipërisë, znj. Anila Denaj, kanë nënshkruar Marrëveshjen për Mobilitet për Punë, e cila ka për qëllim përmirësimin e fushës së punësimit dhe aftësimit profesional dhe integrimin e një tregu të përbashkët të punës Kosovë-Shqipëri.

Gjatë fjalës së tij, në mbledhjen e dy qeverive, ministri Reçica ka theksuar se, kjo marrëveshje është edhe detyrim që na ka shtruar historia, ne, Kosova dhe Shqipëria po përmbushim nevojën e qytetarëve për lëvizje të lirë të punëtorëve, po hapim horizontet e bashkëpunimit dhe integrimit andej dhe këndej kufirit.

“Nga sot një Korçar dhe Shkodran mund të marr shërbime në Prishtinë e Prizren, një Gjilanas në Vlorë apo në Elbasan, sikurse edhe të punësohen, pa barriera burokratike dhe pa pengesa ligjore”, ka thënë Reçica.

Ministri i MPMS, Skender Reçica, në fund të fjalës së tij, ka thënë se jam krenar që po bashkojmë tregun e punës Kosovë-Shqipëri, para se e ardhmja e afërt të na bashkojë në Bashkimin Evropian.

 

Kalendari

Ngjarjet e datës 9 Mars 2021

- Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë edhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)