21 Janar 2020

Komuna e Gjilanit dhe e Kumanovës modernizojnë tregjet

Gjilan, 26 gusht - Është promovuar projekti i bashkëpunimit ndërkufitar Gjilan-Kumanovë për “Treg i qëndrueshëm për produkte të freskëta të farmereve…”, projekt ky tashmë në finalizim i cili është mbështetur nga Bashkimi Europian.

Nënkryetari i Komunës së Gjilanit, Arbër Ismajli, e ka përgëzuar menaxherin e këtij projekti dhe ekipet e dy komunave për punën e jashtëzakonshme që e kanë bërë në modernezimin e tregjeve këndej e andej kufirit në shërbim të farmerëve.

“Përkundër disa vështirësive, takimet e tona të vazhdueshme me tregtarët dhe serioziteti ynë ka bërë që t’i bindim që tregu po bëhet për ta dhe qytetarët e komunës së Gjilanit. Me këtë projekt, ne kemi dëshmuar se e kemi ruajtur tregtarin dhe ekonominë familjare. Ne ua kemi lehtësuar shumë punën në këto ditë të sezonit veror. Në emër të kryetarit Haziri, e falënderojmë BE’në për mbështetjen në këtë dhe projektet tjera. Urime tregtarëve dhe qytetarëve”, ka thënë nënkryetari Ismajli.

Menaxheri i projektit të përbashkët Gjilan-Kumanovë, Eroll Jonuzi, njoftoi se gjatë periudhës dy vjeçare sa ka zgjatur ky projekt, janë realizuar trajnime për fermerët e Gjilanit dhe Kumanovës, të cilat do ua kanë lehtësuar funksionimin e kësaj veprimtarie.

“Një falënderim i madh shkon për Komisionin Europian që e mbështeti këtë projekt në vlerë prej 324 mijë euro, e që përkthehet me ndërtim të tregjeve në Gjilan, përkatësisht 100 shtande në Tregun e Gjelbër si dhe 30 shtande mobile në “Arbëri”, Përlepnicë e Dardani, ndërsa në Kumanovë, ndërtimi i pjesës së kulmit të Tregut dhe tregut mobil me 20 shtande. Po ashtu, e falënderoj kryetarin Lutfi Haziri për mbështetjen e jashtëzakonshme që ky projekt të shohë suksesin”, tha Jonuzi.

Një fjalë përshëndetëse e pati edhe Rrezarta Jakupi, e cila së bashku me Fisnik Isufin kanë qenë ideatore të këtij projekti, duke thënë se qëllimi është që të ndikohet edhe në zhvillim  ekonomik, por edhe ne zhvillim social për të gjithë të involvuarit në këtë projekt. 

Kalendari

Ngjarjet e datës 22 janar 2020

- Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)