14 Dhjetor 2017

Gjilan krijon ura lidhëse për eksport të prodhimeve vendore në Angli

Gjilan, 11 gusht - Kryetari i Komunës së Gjilanit, Lutfi Haziri, ka pritur në një takim pune Asociacionin e Bizneseve Shqiptare në Britaninë e Madhe, të kryesuar nga Artan Llabjani, që temë e takimit ishte koordinimi dhe krijimi i mundësive të bashkëpunimit të bizneseve të Kosovës me ato të Britanisë së Madhe, për eksportim të mallërave që prodhohen në Gjilan dhe Anamoravë.

Kështu është shprehur kryetari i Komunës së Gjilanit pas takimit që kishte në zyrën e tij me inicuesit e këtij program të bashkëpunimit.

“Për herë të parë sot kemi në Gjilan dhe në Kosovë, Asociacionin e Bizneseve Shqiptare të Britanisë së Madhe me qëllimin e vetëm, ngritjen dhe zhvillimin e bizneseve dhe ekonomisë në përgjithësi."

"Së bashku me Artan Llabjanin si kryesues i këtyre bizneseve, kemi biseduar për mundësinë e bashkëpunimit në fushën e eksportimit të mallërave që prodhohen në Gjilan. Britania e Madhe është e veçantë për ne, si shtet por edhe si mundësi e fuqishme ekonomike. Do të bëhet një kontakt i drejtpërdrejtë tani e tutje, mes zyrave tona dhe zyrave të Asociacionit, në mënyrë që te kemi një komunikim më të madh të bizneseve. Kjo ka për qëllim njëkohësisht rritjen e vendeve të punës dhe thithjen e investimeve”, ka thënë kryetari Lutfi Haziri.

“Falënderojmë shumë bashkpatriotët tanë të cilët edhe kur janë jashtë vendit, por edhe kur vijnë në Kosovë, angazhohen për zhvillim dhe ndërtim të këtij vendi në të gjitha format e mundshme”, përfundoi kryetari Haziri.

E në emër të delegacionit ka folur Artan Llabjani, president i Asociacionit të Bizneseve Shqiptare në Angli, i cili Gjilanin e ka cilësuar si një vend të mundësive shumë të mëdha për eksport për nevoja të tregut në Angli, sepse siç ka thënë ai, ka cilësi në prodhime dhe ka kapacitete që bëjnë të mundur zhvillimin e këtij bashkëpunimit.

“Jemi sot në Gjilan, sepse kemi parë që biznesi në këtë Komunë ka kapacitete të larta të prodhimit me cilësi e cila është e pakonkurrencë në shumë sfera. Mundësitë e bashkëpunimit ekzistojnë, por ato vetëm do të lidhen mes nevojave të biznesit në Angli dhe bizneseve në Kosovë. Konkretisht prodhimi i produkteve të ndryshme si nga përpunimi i pemëve dhe perimeve, pastaj mobileri, bashkëpunimin në ndërtimtari etj. Gjithashtu kemi një numër të shqiptarëve të cilët janë të përfshirë në biznese, që të vijnë e të bëjnë investime në Kosovë, në fusha të ndryshme të ekonomisë”, ka thënë ai.

Ai ka potencuar se dora e punëtorit në Kosovë dhe kualiteti i asaj pune, është i pakonkurencë.
 

Kalendari

Ngjarjet e datës 15 Dhjetor 2017 - Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 8:00)

- Komisioni për Zhvillim Ekonomik, Tregti dhe Industri i Kuvendit të Kosovës, do të takojë Janez Kopac, drejtor i Sekretariatit të Komunitetit të Energjisë, me seli ne Vjenë ku do te bisedoj lidhur me gjendjen aktuale të përputhshmërisë me Traktatin e Komunitetit të Energjisë, nga ana e Kosovës. (Ndërtesae Kuvendit, salla N-303, ora 9:00)

- Ministrit të Punëve të Brendshme Flamur Sefaj raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës rreth zbatimit të Planit Kombëtar për Zbatimin e MSA-së dhe Marrëveshjeve të Brukselit mes Kosovës dhe Serbisë;. (Ndërtesae Kuvendit, salla N 302, ora  10:00)

- Caritas Kosova do të dhurojë 25 shtretër me dyshekë dhe komodina, donacion për Qendrën Klinike Universitare të Kosovës. (Objekti i Klinikës së Kirurgjisë, ora 11:00)

- Organizatat e dala nga lufta e UÇK-së, do të fillojnë me nënshkrimin e Peticionit, përmes të cilit kërkojnë që Kuvendi i Kosovës të bëjë ndryshimin dhe plotësimin e Ligjit Nr.05/L-053 për Dhomat e Specializuara dhe Zyrën e Prokurorit të Specializuar, për çështjen diskriminuese ndaj Kosovës. (Sheshi Skenderbeu, ora 11:00)

- ARDA organizon ceremoninë e hapjes së Panarit Dimëror në Prishtinë. (Sheshi Skënderbeu, ora 11:00)

- Ministria e Kulturës, Rinisë dhe Sportit organizon ceremoninë e ndajres së certifikatave për 200 të rinj për pjesëmarrjen e tyre në trajnimin “Ndërmarrësi për të rinjtë e Kosovës”. (Ish Instituti i Historisë, tani ndërtesa e administratës së UP-së, afër Institutit Albanologjik të Kosovës, ora 11:30)

- Mbahet një konferencë për media lidhur me deklaratën e përbashkët të dhjetëra subjekteve joqeveritare për Projekt-ligjin për Dhënien në Shfrytëzim dhe Këmbim të Pronës së Paluajtshme të Komunës, i cili është duke u draftuar nga Ministria e Administrimit të Pushtetit Lokal dhe parashihet t'i dërgohet Kuvendit të Kosovës. (Qendra Informative dhe Kulturore e BE-se, ora 13:00)

- Kryeministri Ramush Haradinaj takim me punonjësit e Administratës Tatimore të Kosovës. (Hotel Swiss Diamond, ora 14:00)

- Rrjeti Ballkanik i Gazetarise Hulumtuese, BIRN Kosova, ne bashkepunim me Qendren e Avokimit per Kulture Demokratike, ACDC, do te organizoje nje koktej rasti per ceremonine e ndarjes se çmimeve per 3 storiet me te mira gazetareske, ne kuader te iniciatives se perkrahur nga Ambasada Holandeze ne Kosove. (Kafe-librari, Dit' e Nat', 18:00)

-  Hapet ekspozita "Bri plagomës prej nga derdhet dhimbja" me fotografi të refugjatëve nga Kosova në Kukës gjatë luftës së vitit 1999, të autorit Fatos Lubonja. (Modelariumin e Arkitekturës mbrapa Ministrisë së Arsimit, ora 19:00)