24 Shtator 2020

Bursat europiane hapen në rënie

Londër, 28 mars - Aksionet evropiane ranë të premten, pasi u mbyllën në maja pothuaj 18-mujore një ditë më parë. Bankat ishin ato që humbën më shumë pikë, pasi frika mbeti në tregje rreth ekonomike periferike të Evropës.

Paradite, indeksi panevropian FTSEurofirst 300 i aksioneve kryesore ra 0,5 përqind. Ky indeks është rritur 3,1 përqind këtë vit. Bankat humbën terren, pas fitimeve të fuqishme të sesionit të kaluar. Nordea Bank, Standard Chartered dhe Credit Suisse ranë nga 0,4 në 2,7 përqind.

Ekonomistët mendojnë se nuk do të ketë shumë entuziazëm në tregje për marrëveshjen për Greqinë, të cilën e konsiderojnë më tepër si mbulim gropash të hapura sesa si zgjidhje të problemeve. Liderët e eurozonës dhe FMN-ja ranë dakord të enjten të sigurojnë një rrjet të përbashkët financiar sigurie për Greqinë e mbytur në borxhe, por plani nuk i shoi frikërat mbi ekonomitë e tjera të dobëta në Evropë, si Portugalia dhe Spanja.

Stoqet energjitike sot nuk ishin të favorizuara në tregje. British Petroleum, British Gas Group dhe Total humbën nga 0,3 në 0,6 përqind. Kompania Cable & Wireless Communications shënuan një rënie të çmimeve pothuaj 63 përqind, pasi çmimet u rishikuan prej shpërbërjes së Cable & Wireless Worldwide, e cila fillimisht ishte vlerësuar me rritje çmimi prej 25 përqind.
/Scan TV/

Kalendari

Ngjarjet e datës 24 Shtator 2020

- Ministrja e Kulturës, Rinisë dhe Sportit, Vlora Dumoshi viziton Komunën e Ferizajt. (Objekti i Komunës Ferizaj, ora 9:30)

- Në kuadër të Javës së sporti, Federata e Pingpongut në bashkëpunim me Departamentin e sportit të MKRS do të organizoj një aktivitet promovues për pingpongun në Pejë. (Sheshi Dukagjini në Pejë, ora 10:00)

 - Ministrja e Kulturës, Rinisë dhe Sportit, Vlora Dumoshi viziton Mural Fest. (Muralet e qytetit në Ferizaj, ora 10:00)

- Komuna e Prizrenit fillon projektin e Drejtorisë së Shëndetësisë për Kujdesin Geriatrik me ç'rast kryetari i Komunës së Prizrenit, Mytaher Haskuka, nënkryetari i Komunës së Prizrenit, Visar Shehu dhe drejtoresha e Drejtorisë së Shëndetësisë, Narqize Arënliu Hoxhaj do të prononcohen për media. (Nisja do të bëhet nga objekti i Qendrës Kryesore të Mjekësisë Familjare, ora 10:00)

- Mbledhja e komisionit për Shëndetësi dhe Mirëqenie Sociale në të cilën do të shqyrtohet plani i punës së Komisionit për sesionin vjeshtor 2020. (Ndërtesa e Kuvendit, salla N10, ora 10:30)

 - Ministrja e Kulturës, Rinisë dhe Sportit, Vlora Dumoshi merr pjesë në ndarjen e certifikatave për të rinj të trajnuar për ndërmarrësi. (Qendra e Inovacionit në Ferizaj, ora 11:00)

- Kryeministri Avdullah Hoti do të mbajë konferencë për media. (Ndërtesa e Qeverisë, ora  11:00)

- Zëvendësguvernatori për Mbikëqyrje Financiare, Sokol Havolli dhe Kryetari i Autoritetit Kosovar të Konkurrencës, Valon Prestreshi mbajnë konferencën për media. (Auditoriumi i BQK-së, ora 11:30)

-  Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të shqyrtohet Projektligji për mbrojtje nga dhuna në familje. (Ndërtesa e Kuvendit, salla N302, ora 13:00)
 
 - Ministrja e Kulturës, Rinisë dhe Sportit, Vlora Dumoshi merr pjesë në aktivitet me misionin e OSBE-së. (Muzeu i Kosovës, ora 14:00)