22 Shkurt 2019

Bisedimet tregtare SHBA-Kinë përfundojnë pa marrëveshje

Washington, 5 qershor - Kina thotë se marrëveshjet e saj tregtare dhe të biznesit me Shtetet e Bashkuara do të jenë të pavlefshme në qoftë se Presidenti amerikan Donald Trump merr vendim për rritjen e tarifave dhe vendos kufizime të tjera ndaj importeve kineze. Paralajmërimi u bë në një deklaratë që Pekini lëshoi pas raundit të fundit të bisedimeve dypalëshe të tregtisë.

Shtetet e Bashkuara dhe Kina nuk arritën t’i zgjidhnin çështjet e tyre tregtare gjatë bisedimeve që përfunduan të dielën. Ekipi nogociator i Shteteve të Bashkuara, i udhëhequr nga Sekretari i Tregtisë Wilbur Ros,zhvilloi diskutime gjithëpërfshirëse me zyrtarët tregtarë kinezë në një përpjekje për të ulur sufiçitin tregtar të Pekinit me Shtetet e Bashkuara, që vitin e kaluar arriti në 375 miliardë dollarë.

Kina ka rënë dakord të blejë më shumë mallra amerikane, por me kusht që Shtetet e Bashkuara të mos vendosin tarifa të reja ose kufizime të tjera ndaj mallrave kineze që shiten në Shtetet e Bashkuara.

"Nëse ndodh kjo, baza e konsensusit të arritur mes Kinës dhe Shteteve të Bashkuara nuk do të ekzistonte më, gjë që do të rezultonte në anulimin e rezultateve të këtij raundi të konsultimeve", tha Li Yong nga Shoqata Kineze e Tregtisë Ndërkombëtare.

Nuk pati deklaratë të përbashkët pas raundit të fundit të bisedimeve të udhëhequra nga Sekretari Ross dhe zëvendëskryeministri kinez Liu He këtë fundjavë. Por Pekini më vonë lëshoi një deklaratë të njëanshme duke vlerësuar atë që ai e quajti komunikim të mirë dhe qëndrime pozitive nga të dyja palët. Deklarata thotë se hollësi të rëndësishmeende duhet të konfirmohen nga të dyja palët. Por qasja e Kinës mbetet e njejtë, thotë ekonomisti kinez Li Yong, dhe përfshin zgjerimin e importeve.

"Është shumë e dobishme për të plotësuar kërkesat e popullit kinez për një jetë të mirë dhe për një zhvillim të mirë ekonomik duke zgjeruar importet, përfshirë ato nga Shtetet e Bashkuara".

Administrata e Presidentit Trump ka kërcënuar se do të vendosë tarifa në nivel 25 për qind ndaj mallrave kineze të lidhura me teknologjinë me vlerë 50 miliardë dollarë në vit, dhe për rritjen e taksës doganore ndaj importeve kineze m vlerë deri në 150 miliardë në vit. Kina është zotuar se do të hakmerret duke vendosur tarifa të ngjashme ndaj mallrave amerikane, si soja, misri dhe produkte të tjera bujqësore. Fermerët amerikanë janë të shqetësuar nga kjo.

"Nëse vendosen tarifa, njerëzit mendojnë se vetëm fermerët do të dëmtohen. Por do të dëmtohet i gjithë komuniteti, shteti, pjesa qëndrore e vendit, ku bujqësia është tepër e rëndësishme. Ne nuk jetojmë të vetëm në fermë, ne jemi të lidhur ekonomikisht me të tjerët", thotë Al Juhnke nga Shoqata e Produkteve të Mishit të Derrit në Nebraska.

Por të tjerët thonë se ekonomia amerikane mund të përfitojë nga kjo në planin afatgjatë.

"Në aspektin afatgjatë, dhe kjo është një industri afatgjatë, pra nëse mendojmë nga pikëpamja e brezave, ne do të jemi në rregull", thotë Mac Brown, Kryetar i Partisë Republikane në Shtetin e Kentakit.

Bisedimet tregtare gjithashtu kanë lënë dy çështje të pazgjidhura: se si Shtetet e Bashkuara duhet të trajtojnë politikat industriale të kontrolluara nga shteti në Kinë dhe çfarë duhet të bëjë administrata e Presidentit Trump në lidhje me kompaninë kineze të telekomunikacionit ZTE, e cila ka shkelur sanksionet kundër Koresë së Veriut dhe Iranit.

Kalendari

Ngjarjet e datës 22 shkurt 2019  - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të​ takohet me Kryetarin e Federatës së Shahut, Nysret Avdiu (Objekti i Kryeministrisë, kati VIII, zyra 806, ora 8:30)

-  Kryetari i Odës Ekonomike të Kosovës, Berat Rukiqi, Shefi i Ambasadës Japoneze në Kosovë, Mitsunori Ogasawara dhe Drejtori gjeneral i kompanisë Jetro Vjenë, Satoshi ABE vizitojnë kompaninë Gjirafa. (Kompania Gjirafa, Dragodan, ora 9:30)

- Let’s Do It do të mbajë konferencën “Efiçienca e energjisë dhe Ruajtja e ujit”, në bashkëpunim me Oden e Gjelbër Ekonomike te Amerikës. (Hotel Swiss Diamond, ora 10:00)

- Koordinatori  Nacional për Kulturë, Rini dhe Sport në Qeverinë e Republikës së Kosovës Rexhep Hoti do të mbajë takim me drejtorët e shkollave të komunitetit boshnjak në Komunën e Prizrenit ku do të prezantohet Programi Nacional për Rininë. (Drejtoria Komunale e Arsimit, Prizren, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të shqyrtohet raporti i auditimit për pasqyrat vjetore financiare të ZKM-së, etj. (Ndërtesa e Kuvendit, salla N 302, ora 10:00)

- Ministrja e Integrimit Evropian, Dhurata Hoxha, mban konferencë për media. (Ndërtesa e Qeverisë, ora 11:00)

- Ministri i Kulturës, Rinisë dhe Sportit, Kujtim Gashi i shoqëruar nga kryetari i Komunës se Rahovecit, Smajl Latifi do të vizitojë Palestrën e Sportit, ku do të shohë punimet e realizuara deri më tani në këtë objekt sportiv, projekt kapital në të cilin MKRS-ja ka investuar. (Komuna e Rahovecit, ora 11:00)

- Mbahet debati publik me temën 'Transparenca e punës së komunës së Graçanicës'. (Qendra Mediale në Çagllavicë, ora 11:00)

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet projektligjit për pijet e forta alkoolike, etj. (Ndërtesa e Kuvendit, salla N 303, ora 11:00)

- Ambasada Norvegjeze në Prishtinë, IPKO Foundation dhe RIT Kosova organizojn ngjarjen për projektin KosLift i cili ka për qëllim të mbështesë deri në 1000 student të Universitetit të Prishtinës dhe RIT Kosovë si dhe 60 biznese kosovare në sektorët e energjisë, TIK-ut dhe prodhimit në ngritjen e aftësive të nevojshme dhe kapaciteteve për të rritur konkurrueshmërinë e tyre në sektorin e biznesit në Kosovë dhe rajon. (Residenca Norvegjeze në Fshatin Ndërkombëtar, ora 12:00)

- Lëvizja Vetëvendosje mban konferencë për media. (Zyret qendrore të Vetëvendosjes, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës Rexhep Hoti i shoqëruar nga Drejtori Komunal i Arsimit, Agim Blakçori do të vizitojë shkollat “Ibrahim Rugova”, “Naim Frashëri”, dhe “Aleksandër Xhuvani”, në Podujevë për të përcjellë mbarëvajtjen e garës. (Podujevë, ora 13:30)

- Kryeministri Ramush Haradinaj vizitë pune në Komunën e Mamushës. (Fshati Mamushë, ora 14:00)

- Kryeministri Ramush Haradinaj viziton disa sera në Komunën e Mamushës. (Fshati Mamushë, ora 14:40)

 - Kryeministri Ramush Haradinaj vizitë pune kompanisë “Liri” në Prizren. (Prizren, ora 17:00)