19 Tetor 2018

BE dënon ShBA-në për vendosjen e tarifave ndaj ullirit spanjoll

Bruksel, 14 qershor - Bashkimi Europian dënoi ashpër ShBA-në për vendosjen e tarifave ndaj ullirit spanjoll, duke thënë se kjo është "e papranueshme" dhe një "masë proteksioniste".

Zëdhënësi i Komisionit Europian Daniel Rosario tha se nuk justifikohen as përmbajtja dhe as procesi i kësaj mase.

Departamenti Amerikan i Tregtisë njoftoi të martën se do të vendoste tarifa ndëshkuese mbi ullirin spanjoll, duke argumentuar se çmimi i këtij produkti është shumë më i ulët se vlera reale dhe se kjo subvencionohet në mënyrë të padrejtë.

Vendimi përfundimtar do të merret nga Komisioni i Tregtisë Ndërkombëtare i SHBA-së më 24 korrik.

BE-ja ka qenë në kundërshtim me Uashingtonin lidhur me çështjet tregtare pas tarifave të administratës së Trump-it për importet e çelikut dhe të aluminit.

BE-ja ka deklaruar se do të vendosë tarifat hakmarrëse për një listë produktesh amerikane nga fillimi i korrikut.

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)