15 Shkurt 2019

Urbanizmi i Gjilanit paralajmëron realizimin e projektit “Shërbim në një vend”

Gjilan, 8 tetor – Drejtoria e Urbanizmit, Planifikimit dhe Mbrojtjes së Mjedisit në Gjilan ka paralajmëruar përgatitjet e mëdha për lansimin e projektit të rëndësishëm për qytetarët “Shërbim në një vend”.

Në një konferencë për media, Bekim Bajrami, drejtor i këtij resori, ka thënë se kjo po bëhet për t’iu mundësuar qytetarëve të Gjilanit që të pajisen me dokumentacion të ndërtimit në mënyrën më efikase të mundshme.

“Ky është projekt i përbashkët mes Drejtorisë së Urbanizmit dhe asaj të Administratës dhe  pritet të përfundoj në marsin e vitit të ardhshëm. Qytetarët do ta kenë shumë më të lehtë aspektin e procedurave për lejet e ndërtimit në momentin që fillojmë implementimin”, ka deklaruar Bajrami.

Ai ka pohuar se gjatë tre muajve të fundit është punuar shumë në respektimin e planit dinamik të PZHK dhe HZK.

“Gjatë kësaj periudhe Drejtoria e Urbanizmit është përkujdesur që të respektohet Plani Dinamik për Planin Zhvillimor Komunal. Kjo ka ardhur pas takimeve të vazhdueshme me të gjitha sektorët tanë të drejtorive komunale dhe kompanive publike. Në vazhdim do të fillojmë me fazën tjetër, dalja në terren dhe takimi me përfaqësuesit e të gjitha zonave të komunës”, ka thënë Bajrami.

I pari i Urbanizmit theksoi se ka filluar edhe projekti i rëndësishëm i shenjëzimit të rrugëve në tërë qytetin dhe fshatrat dhe do të përfundojë brenda afatit të paraparë.

“Ky projekt po realizohet në bashkëpunim me Agjencionin Kadastral të Kosovës dhe Autoritetin Norvegjez të Hartave”, ka pohuar ai.
 

Kalendari

Ngjarjet e datës 16 shkurt 2019 - Nisja e Deklaratës së Pavarësisë nga Kuvendi i  Republikës së Kosovës, për në 7 qendrat kryesore të Republikës së Kosovës Prishtinë, Mitrovicë, Pejë, Prizren, Gjilan, Gjakovë, Ferizaj. (Ndërtesa e Kuvendit, ora 9:00)
 
- Vendosja e Deklaratës së Pavarësisë. (Sheshi “ Nënë Tereza, ora 9:30)

- Shoqata"Miqtë e Amerikës" organizon ekspoziten me fotografi të formatit 180×60cm me disa personalitete që ndikuan në krijimin e shtetit të Kosovës si Bill Clinton, George W. Bush, Merkel, Mbretëresha Elizabeta, Sarkozy, etj. (Sheshi tek shtatorja "Nëna Tereza" ora 10:00)

- Hapet ekspozita e punimeve artistike “Simbolet e Pavarësisë”. (Sheshi  “Zahir Pajaziti”, ora 10:00)

- Hapja e Panairit të produkteve Vendore. (Sheshi “Adem Jashari”, ora 10:30)

- Let's Do It do të organizojë aksion pastrimi së bashku me komunën e Hanit të Elezit. (Pika kufitare "Hani i Elezit", ora 11:00)

- Shoqata Bamirëse Jetiamt e Ballkanit organizon ceremonisë solemne të dorëzimit të 17 banesave për familjet në nevojë e cila organizohet për nder të 17 shkurtit - Ditës së Pavarsisë së Republikës së Kosovës. (Salla e Kuqe, ora 11:00)

- Alternativa e përfaqësuar nga Mimoza Kusari - Lila Kryetare, do të mban konferencën për media për të prezantuar qëndrimin e subjektit politik lidhur me "Kosova 11 vjet shtet - Ngecjet në zhvillimin ekonomik dhe mundësitë përpara". (Selia e partisë, Kompleksi Qafa, Rr. Uçk, kati 1, nr. 67, ora 12:00)

- Hapet ekspozita "Qytetet Shqiptare në fotografi të vjetra 1863-1916". (Muzeu Kombëtar i Kosovës, ora 17:00)

- Ambasadori i SHBA-ve në Kosovë, Philip S. Kosnett, do të mbajë një fjalë të shkurtër hapëse për interpretimin e OneBeat Balkans në teatrin ODA. (Teatri ODA, ora 20:30)