25 Qershor 2018

Të arriturat e Aeroportit storje e suksesit të Partneritetit Publiko Privat

Prishtinë, 3 nëntor - Sot ministri i Infrastrukturës, Pal Lekaj me bashkëpunëtorë, vizitoi Aeroportin Ndërkombëtar të Prishtinës “Adem Jashari”, ku u prit nga drejtori i ANP, Haldun Firat Kokturk, i cili e informoi ministrin Lekaj me punën, të arriturat dhe gjendjen aktuale në ANP-së, si dhe ia prezantoi projektet e zhvillimit të ardhshëm të Aeroportit Ndërkombëtar të Prishtinë “Adem Jashari”.

Me këtë rast, ministri Pal lekaj vizitoi Terminalin e Aeroportit dhe Agjencinë e Navigimit Ajror, ku u njoih me rrjedhën e punëve që zhvillohen atje.

Ministri Lekaj ka thënë se të arriturat e Aeroportit me të vërtetë janë një storje e suksesit të Partneritetit Publiko Privat.

"Mendoj që ky është një shembull i mirë edhe për kompanitë e tjera të huaja që të vijnë të investojnë në vendin tonë, sepse zhvillimi me këtë hov është me të vërtetë shumë pozitiv", theksoi Lekaj.

Këtu sipas tij vërehet edhe zhvillimi i rrjetit të linjave të drejtperdrejta me shtetet tjera.

"Ne do të shikojmë edhe hapësirat dhe linjat e shteteve tjera, që ta zhvillojmë gamën e të gjitha shërbimeve tjera. Ne si Ministri do të ndërmarrim edhe veprime të tjera që të ngrisim seriozitetin e kompanive karshi udhëtarëve."

"Përveç kësaj, ne biseduam edhe për zgjerimin e pistës, që do të jetë investim i Qeverise së Kosovës, pasi t’i kemi shikuar modalitetet. Unë që ne do t’i kryejmë obligimet tona që na përkasin si Ministri e Infrastrukturës dhe do të fillojmë sa më shpejt me projektet, realizimii të cilave do të fillojnë posa të nënshkruhen, pa u stërzgjatur."

"Ne kërkojmë që të implementohen të gjitha ato që janë të nënshkruar nga dy palët dhe që parashihen në kontratë. Kjo do të jetë në të mirë të sigurisë së qytetarëve, por edhe për zhvillimin e Aeroportit, që të përfundojë si storje e suksesit", ka deklaruar Lekaj.


 

Kalendari

Ngjarjet e datës 26 Qershor 2018 - Ministria e Drejtësisë, me mbështetjen e Zyrës së Bashkimit Evropian në Kosovë, organizon tryezën e kampanjës informuese ”Kodi Civil modern qëndron për diversitet dhe mundësi”. (Shtëpia e Kulturës në Mitrovicë, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me Projektligjin  për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N204, ora 11:00)

- Ish punëtorët e ndërmarrjes shoqërore “Ramiz Sadiku” organizojn protestë. (Përpara Prokurorit të Shtetit në rrugën Luan Haradinaj, ora 11:00)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për rratifikimin e Marrëveshjes ndërmjet Kosovës dhe Bashkimit Evropian mbi pjesëmarrjen e Kosovës në Programin e Unionit "Konkurrenca e Ndërmarrjeve të Vogla dhe të Mesme", etj. (Ndërtesa e Kuvendit, salla N 10, ora 11:00)

- Drejtori i Kadastrit, Sadudin Berisha nga Komuna e Gjilanti mban konferencë të jashtëzakonshme për mediat, për sqaruar dhe faktuar çështjen e pronës së rrethrrotullimit prapa palestrës së sporteve “Bashkim Selishta”. (Këndi i konferencave në Komunën e Gjilanit, ora 11:00)

- Grupi i Grave Deputete të Kuvendit të Republikës së Kosovës do të mbajë takim në Kaçanik, në të cilin do të diskutohet lidhur me shkëmbimin e përvojave në mes nivelit qendror dhe lokal. (Ndërtesa e Komunës së Kaçanikut, ora 11:00)

 - Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi Projektligjit për plotesimin dhe ndryshimin e Ligjit për Patentë Shofer, etj. (Ndërtesa e Kuvendit, salla N 225, ora 13:00)

 - Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për kompleksin memorial Adem jashari në Prekaz, etj. (Ndërtesa e Kuvendit, sallaN 302, ora 13:00)

- Birn dhe Internews Kosova do ta publikojnë Raportin Vjetor të Monitorimit të Gjykatave për vitin 2017. (Ambientet e Objektit A të Pallatit të Drejtësisë, ora 13:30)