22 Maj 2019

SPRTK takon Avokatin e Popullit për zgjedhjen jashtëligjshme te drejtorit te RTK-se

Prishtinë, 13 maj - Sindikata e Pavarur e Radio Televizionit të Kosovës (SPRTK) ka bërë të ditur se sot do të takohet me Avokatin e Popullit Hilmi Jashari për të diskutuar për zgjedhjen e jashtligjshme të drejtorit të RTK-së.

"Ky takim realizohet me kërkesë të Sindikatës dhe ka të bëjë me parregullsinë e zgjedhjes së drejtorit gjeneral të RTK-së nga ana e Bordit të saj", thekson SPRTK.

SPRTK ka shprehur pakënaqësinë e saj lidhur me procedurat të cilat i ka ndjekur Bordi  i RTK-së në procesin e përzgjedhjes së drejtorit gjeneral të Transmetuesit Publik.

SPRTK përmes një letre dërguar Avokatit të Popullit, Hilmi Jashari konsideron se vendimi është  marrë në kundërshtim me Ligjin e RTK-së  Nr. 04/L-046,  konkretisht nenin 3 ku thuhet se: Drejtori i Përgjithshëm i RTK-se emërohet dhe shkarkohet me 2/3 e votave të anëtarëve të Bordit.

Numri i përgjithshëm i anëtarëve të Bordit sipas këtij ligji është 11 (njëmbëdhjetë), dhe votat e nevojshme për zgjedhjen e drejtorit gjeneral duhet të jenë së paku 7(shtatë).

Ndërsa Bordi i drejtorëve të RTK-së me vetëm 6 (gjashtë) vota  ka bërë zgjedhjen e drejtorit gjeneral.

"SPRTK-së, kërkon nga Institucioni që Ju e udhëheqni që të ngritni padi për hapjen e Konfliktit Administrativ, në Gjykatën Themelore në Prishtinë-departamenti për çështje administrative, përkitazi me ligjshmërinë e Vendimit,të datës 24.04.2019, të Bordit të RTK-së, për zgjedhjen e drejtorit gjeneral të RTK-së", shkruan SPRTK në letren dërguar Avokatit të Popullit.

SPRTK kërkesën e saj e bazon  në nenin 10 pika 2 të ligjit Nr. 03/L-202 për konflikt administrativ ku thuhet se të drejtën për të nisur konfliktin administrativ e ka Avokati i Popullit, shoqatat dhe organizatat e tjera, të cilat veprojnë në mbrojtje të interesave publike.

"Përfshirja e Institucionit Tuaj në këtë proces kaq të rëndësishëm për Transmetuesin  Publik, roli i të cilit është i pazëvendësushëm për demokracinë  në vend, është mëse e domosdoshme", thuhet në fund të letres dërguar Avokatit të Popullit.
 

Kalendari

Ngjarjet e datës 22 maj 2019 - Ministri i mjedisit dhe planifikimit hapësinor, Fatmir Matoshi, do të pres në takim ministrin e Mjedisit dhe Turizmit të Shqipërisë, Blendi Klosi, me të cilin do të diskutojnë mbi bashkëpunimin mes dy ministrive në fushën e mjedisit. (Kabineti i ministrit Matoshi, ora 9:00)

- Mbahet takimi i Grupit të Vecantë për Reformën e Administratës Publike GVRAP. (Ministrinë e Administratës Publike, salla e takimeve kati 18, ora 9:30)

- Instituti për Politikë të Jashtme të Kosovës organizon konferencën 'Politika e jashtme e Kosovës në këndvështrim shkencor'. (Hotel Sirius, ora 9:30)

- Shoqata e Inovacionit Financiar mban konferencë për media në të cilën prezanton aktivitetet e shoqatës. (Hotel Sirius, ora 10:00)

- Ministri i Tregtisë dhe Industrisë, Endrit Shala, do të takohet me ministrin e Turizmit dhe Mjedisit i Republikës së Shqipërisë, Blendi Klosi, i cili do të jetë i shoqëruar nga  kryetarët e Bashkive të Vlorës dhe Himarës, përkatësisht Dritan Leli dhe Jorgo Goro, si dhe nga një grup operatorësh turistikë. (Ndërtesa e Ministrisë së Tregtisë, ora 10:30)

- Shefi i Komandës së Bashkuar të  Aleancës në Napoli, admiralit James Foggo viziton Ministrinë e Mbrojtjes të Republikës së Kosovës. (Ministria e Mbrojtjes, ora 11:15)

- Grupi i asambleistëve të Prishtinës, mbajnë konferencë për medie. (Selia e LDK-së, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban dëgjim publik për Projektligjin për Referendum. (Ndërtesa e Kuvendit, salla C 405, ora 11:00)

- Ministria e Mjedisit dhe Planifikimit Hapësinor në bashkë organizim më MASHT, Universitetin e Prishtinës, komunën e Dragashit, OJQ- të mjedisore  do të shënojnë Ditën Ndërkombëtare të Biodiversitetit. (Kampingu “Limth”, në hapësirat e Parkut Kombëtar “Sharri”, komuna e Dragashit, ora 12:00)

- Në shenjë nderimi dhe respekti për të rënët dhe të gjithë ata që përjetuan masakrën në burgun e Dubravës më 1999 mbahet tubimi përkujtimor për shënimin e 20 vjetorit të kësaj masakre. (Hapësirat e burgut të Dubravës, ora 12:00)

- Zyra e Koordinatores Zhvillimore të OKB-së, së bashku me Komunën  e Obliliqit dhe Let’s do it Kosova organizojnë aktivitet të mbjelljes së fidanëve në Ditën Ndërkombëtare të Biodiverzitetit. (Banesat e Plemetinës në fshatin Plemetinë, Komuna e Obiliqit, ora 14:00)

- Kuvendi i Republikës së Kosovës organizon Ditët e Kuvendit me qytetarët e Lipjanit. (Kuvendi Komunal i Lipjanit, orën 14:00)