23 Tetor 2020

SPRTK e konteston emërimin e Ngadhnjim Kastrati, drejtor të RTK-së

Prishtinë, 21 shtator - Sindikata e Pavarur e Radio Televizionit te Kosovës (SPRTK) e konteston ligjshmërinë e vendimit të Bordit të RTK-së për emërimin e Ngadhnjim Kastrati, drejtor të përgjithshëm të Radio Televizionit të Kosovës duke u bazuar në faktin se janë shkelur rregullat procedurale, respektivisht nuk është respektuar dispozita e nenit 32, paragrafi 3 i Ligjit për RTK-në, Nr. 04/L-046, e cila e përcakton qartë se drejtori i Përgjithshëm i RTK-së emërohet me 2/3 e votave të anëtarëve të Bordit të RTK-së.

Lidhur me ketë sindikata i ka shkruar Auditori të përgjithshëm, Besnik Osmani.

 I nderuar Auditor i Përgjithshëm z. Besnik Osmani,

Me vendimin nr. 0046/19, të datës 24.04.2019, Bordi I RTK-së e ka emëruar z.Ngadhnjim Kastrati, drejtor të përgjithshëm të Radio Televizionit të Kosovës, për periudhën kohore prej datës 30.04.2019 deri më 29.04.2022.

Në arsyetimin e vendimit të Bordit është theksuar se vendimi është marrë me votat e gjashtë (6) anëtarëve nga gjithsej njëmbëdhjetë (11) sa parashihet t'i ketë Bordi bazuar në ligjin e RTK-së.

Sindikata e Pavarur e RTK-së (SPRTK) e konteston ligjshmërinë e vendimit të Bordit të RTK-së duke u bazuar në faktin se janë shkelur rregullat procedurale, respektivisht nuk është respektuar dispozita e nenit 32, paragrafi 3 i Ligjit për RTK-në, Nr. 04/L-046, e cila e përcakton qartë se drejtori i Përgjithshëm i RTK-së emërohet me 2/3 e votave të anëtarëve të Bordit të RTK-së.

Neni 32 Kushtet për emërim dhe shkarkim të drejtorit të përgjithshëm            

3. Drejtori i Përgjithshëm i RTK-së emërohet dhe shkarkohet me 2/3 e votave të anëtarëve të Bordit.

Joligjshmëria e këtij vendimi mund të shihet qartë nëse ky vendim krahasohet me praktikat e shumta të institucioneve të vendit, si të KQZ-së, të zgjedhjes së Presidentit në vitin 2011 etj.

Rasti i KQZ-së i datës 24 Prill 2019

KQZ për çertifikimin e njërës parti politike kishte kërkuar votat e 2/3 të anëtarëve të Bordit.

Shifra prej 2/3 ishte kalkuluar bazuar në numrin e anëtarëve të Bordit të paraparë me ligj, pra në numrin njëmbëdhjetë (11), e jo në numrin nëntë (9) sa ishte në atë kohë numri i anëtarëve funksional i KQZ-së. Pasi që pro vendimit kishin votuar vetëm shtatë (7) nga nëntë (9) të pranishmit, vendimi nuk kishte kaluar.

Derisa për KQZ-në nuk kanë mjaftuar shtatë (7) vota për tu arritur kuota prej 2/3, pwr Bordin e RTK-sw kanw qenw tw mjaftueshme vetwm  gjashtw(6).

Sipas ligjeve në fuqi, si Bordi i RTK-së ashtu edhe ai i KQZ-së përbëhen prej njëmbëdhjetë (11) anëtarëve.

Duke pasur parasysh rolin tejet të rëndësishëm të Transmetuesit Publik, sidomos në shoqëritë demokratike, ligjdhënësi (Kuvendi) i Kosovës ka kërkuar një kualitet më të lartë të votës për zgjedhjen e drejtorit të përgjithshëm të RTK-së, dhe Bordi nuk ka të drejtë që ta zvogëlojë këtë kërkesë të përcaktuar me ligj.

RTK është para proceseve që lidhen direkt me këtë çështje dhe njëra ndër to është kompletimi i menaxhmentit të RTK-së, ku hyjnë drejtorët e njësive në TV dhe Radio, si dhe shefat editorial. Procedimi i këtyre konkurseve pa u sqaruar rregullshmëria e përzgjedhjes së drejtorit gjeneral të RTK-së do të ishte me pasoja të pariparueshme për Transmetuesin Publik.

Duke u bazuar në gjendjen e përshkruar më lartë, si dhe në dispozitat ligjore të referuara, Sindikata kërkon nga Institucioni që ju drejtoni, ta realizojë një auditim të procesit të përzgjedhjes së drejtorit gjeneral të RTK-së.

Është jashtëzakonisht me rëndësi për RTK -në, që sa më parë të thuhet e vërteta rreth ligjshmërisë së këtij vendimi.

Duke ju falenderuar per mirëkuptimin, presim që këtë çështje me rëndësi jetike për Transmetuesin Publik ta trajtoni në afat rekord.

 

Kalendari

Ngjarjet e datës 23 Tetor 2020

- Komisioni Qendror i Zgjedhjeve mban mbledhjen e radhës. (ndërtesa e KQZ-së në, kati i parë, ora 10:00) 

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviziton ministrin e Ekonomisë dhe Ambientit; Blerim Kuçi. (Ndërtesa e Kuvendit, salla N204, ora 11:00)

- Në kuadër të përmbylljes së “Javës  Evropiane për Siguri dhe Shëndet në Punë”, ministri i MPMS-së, Skender Reçica viziton fabrikën “NewCo Ferronikeli”. (Drenas, ora 11:00)

- Kryetari i Komunës së Prizrenit, Mytaher Haskuka do të merr pjesë në përurimin e “Memorialit të Komandant Drinit - Ekrem Rexha. (Tek parku përballë Shtëpisë së Bardhë, ora 11:00)

-  Komisioni Hetimor Parlamentar lidhur me procesin e privatizimit në Kosovë interviston ish- Zëvendës kryesuesin e Bordit të Agjencisë së Privatizimit, Naser Osmani. (Ndërtesa e Kuvendit, salla N10, ora 12:00)

-  Komisioni për Integrim Evropian takohet me Shefin e Zyrës dhe Përfaqësuesin Special të BE-së në Kosovës, Tomáš Szunyog në lidhje me Raportin për Kosovën 2020 të publikuar nga Komisioni Evropian. (Ndërtesa e Kuvendit, salla C301, ora 12:00)

-  Komisioni Hetimor Parlamentar lidhur me procesin e privatizimit në Kosovë ish Ministër i Ekonomisë dhe Financave, Haki Shatri. (Ndërtesa e Kuvendit, salla N10, ora 13:00)

- Kryeministri i Qeverisë së Republikës së Kosovës, Avdullah Hoti pritet me një ceremoni zyrtare kryeministri i Maqedonisë së Veriut Zoran Zaev. (Para Qeverisë së Republikës së Maqedonisë së Veriut në Shkup, ora 14:00)

- Kryeministri i Qeverisë së Republikës së Kosovës, Avdullah Hoti dhe kryeministri i Maqedonisë së Veriut Zoran Zaev mbajnë konferencë për media. (Konferenca do të përcillet online, ora 15:05)

- Fondacioni Shtatëmbëdhjetë organizon bisedën “Off the record: Gjendja e hapësirave të braktisura”. (Kino Armata, ora 15:00)

- Kryeministri i Qeverisë së Republikës së Kosovës, Avdullah Hoti takohet me Presidentin e Maqedonisë së Veriut, Stevo Pendarovski. (Ndërtesa e Presidencës në Shkup, ora 15:35)

- Kryeministri i Qeverisë së Republikës së Kosovës, Avdullah Hoti takohet me Kryetarin e Kuvendit të Maqedonisë së Veriut, Talat Xhaferi. (Kabineti i Kryetarit të Kuvendit në Shkup, ora 16:10)

- Kryeministri i Qeverisë së Republikës së Kosovës, Avdullah Hoti takohet me Artan Grubi, Zëvendës Kryeministër i parë i shoqëruar edhe Ali Ahmeti, Kryetar i BDI-së. (Ndërtesa e Kuvendit në Shkup, ora 16:35)

- Nënshkruhet MoU për krijimin e rrjeteve të pastra 5G në mes të Qeverisë së Republikës së Kosovës dhe Departamentit të SHBA-ve. (Ambasada e Republikës së Kosovës në Shkup, ora 17:15)

- Kryeministri i Qeverisë së Republikës së Kosovës, Avdullah Hoti takohet me Udhëheqësit e partive politike si Ziadin Sela nga Aleanca për Shqiptarët, Bilall Kasami nga Lëvizja Besa,  Afrim Gashi nga Alternativa dhe Menduh Thaqi nga PDSH. (Ambasada e Republikës së Kosovës në Shkup, ora 17:40)