18 Janar 2019

Sindikata ë Telekomit kërkon shkarkimin e ministrit Lluka, paralajmëron protesta

Prishtinë, 7 maj - Sindikata Profesionale e Punëtorëve të Telekomit të Kosovës ka kërkuar nga kryeministri i vendit, Ramush Haradinaj që të bëj shkarkimin e Ministrit të Zhvillimit Ekonomik, Valdrin Lluka.

Gjithashtu Sindikata e  Punëtorëve të TK-së ka shtuar se në rast se nuk merren masa ndaj Llukës, nuk përjashtojnë format e protestës siç edhe garanton Ligji Sindikal i Kosovës.

Njoftimi i plotë i sindikatës:

“Siç jeni ne dijeni për zhvillimet e fundit qe po ndodhin ne Telekomin e Kosovës dhe deklaratat e papërgjegjshme te Ministrit te ZHE z. Lluka, për ne si Sindikate janë te pa pranueshme ,qëllimkëqija dhe shume demotivuese dhe Joprofesionale për te gjithë punëtoret e TK.

Pa i njohur problemet dhe veshtersite e TK, pa u marre me një analize se si duhet te dilet nga kjo gjendje ku ka plote mundësi qe kompania te funksionoj me profit te vetin duke rishikuar te gjitha kontratat e dëmshme : Z-Mobile, kontratat për qeran dhe pikat shitëse, ulja e shpenzimeve te derivateve, investimet e domosdoshme për gjenerim te te hyrave dhe ndërprerja e punësimeve qe ende po vazhdon etj .

Andaj kërkojmë nga Kryeministri z.Ramush Haradinaj qe ta shkarkoj ministrin Lluka për këto deklarata te panevojshme dhe demotivuese qe për pasoje ka rritur demotivimin e punëtoreve për pune duke kërcënuar me ulje pagash dhe falimentim te TK.

Ne SPP nuk pranojmë de degradohen punëtoret duke u kërcënuar  ne forma te ndryshme ku me se paku punëtoret janë përgjegjës për ketë gjendje , ku dihet roli i politikes ne te gjitha emërimet e KE-ve dhe Bordeve ku asnjëherë  nuk e ka marre kush përgjegjësin për degradimin e Kompanisë.

Andaj ne rast se nuk merren masa ndaj Ministrit Lluka ne nuk i përjashtojmë te gjitha format e protestës siç na garanton edhe Ligji Sindikal i Republikes Kosovës”, thuhet në njoftim/
 

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)