28 Janar 2020

Sindikalistët kërkojn nga LDK hetimin e zgjdhjes se paligjshme të drejtorit të RTK-së

Prishtinë, 12 nëntor - Drejtuesit e Sindikatës së Pavarur të RTK-së në përbërje të kryetarit, Fadil B.Hoxha dhe anëtarëve të kryesisë, Zana Ramadani dhe Veton Rugova, janë takuar sot me përfaqësuesit e LDK-së, Avdullah Hotin dhe Besian Mustafën.

Në këtë takim, sindikalistët shprehën shqetësimin e tyre rreth gjendjes së rëndë në të cilën ndodhet Transmetuesi Publik, si pasojë e kontratave abuzive të lidhura me producentë të pavarur e operatorë ekomomik, mungesës së investimeve kapitale, përjashtimit të profesionistëve nga pozitat menaxheriale e editoriale, shpenzimeve pa kontroll për qiramarrje të pajisjeve teknike, e shumë parregullsive tjera.

Sipas sindikalistëve, kulmi i stërkeqjes është arritur me zgjedhjen paligjshme të drejtorit gjeneral të RTK-së nga Bordi i saj, veprim ky që e ka dëmtuar Transmetuesin Publik gati në shkallë të pariparueshme.

Sindikalistët kërkuan nga përfaqësuesit e LDK-së, që të gjitha këto parregullsi, të hetohen nga një komision i themeluar nga Kuvendi i Kosovës.

Udhëheqësit sindikal shtruan edhe moszgjidhjen e çështjes së pronës, objektit e ligjit të ri, dhe kërkuan që këto tema esenciale për RTK-në, të marrin përgjigje nga legjistlativi i ardhshëm.

 LDK ka theksuar se RTK është institucion publik që financohet nga qytetarët e Kosovës dhe duhet të ju shërbejë atyre dhe vetëm atyre.

Si i tillë, LDK thekson se nuk do të lejojë që RTK-ja të nëpërkëmbet për interesa individuale të askujt.

Kalendari

Ngjarjet e datës 27 janar 2020  - Oda Ekonomike e Kosovës dhe Shoqata e Zejtarëve dhe Afaristëve ESNAF nga Prizreni organizojn takim për mundësitë e bashkëpunimit në përkrahje të sektorit privat. (Objekti i Odës Ekonomike të Kosovës, ora 10:00)

- Këshilli Gjyqësor i Kosovës mban mbledhjen e 229-të. (Ndërtesa e KGJK-së, salla e takimeve, rruga “Luan Haradinaj”, ora 10.00)

- Kryeshefi I Telekomit të Kosovës, Bedri Istrefi pret në takim ministrtin e Inovacionit, Muszafer Shala, ku pas takimit do të ketë konferencë për media. (Ndërtesa kryesore të Telekomit të Kosovës, në katin e pestë, ora 10:00)

- Kuvendi Komunal i Prizrenit do të mbajë mbledhjen e jashtëzakonshme të thirrur nga kryetari i Komunës së Prizrenit, Mytaher Haskuka. (Salla e Kuvendit në Shtëpinë e Bardhë, ora 10:00)

- Kryeministri në detyrë, Ramush Haradinaj bashkë me kabinetin qeveritar, bëjnë homazhe te obelisku i Hebrenjve, në shënimin e Ditës Ndërkombëtare të Përkujtimit të Holokaustit. (Oborri i Qeverisë së Kosovës, ora 11:00)

- Plaformë e Grupit për Studime Juridike dhe Politike organizon konferencën për media me temë “Sfidat në sundimin e ligjit në Kosovë: Performanca e sistemit gjyqësor dhe prokurorial dhe vlerësimi qytetarë ndaj këtyre institucioneve”. (Qendra e Konferencave Orion, ora 11:00)

-  Universiteti i Gjakovës "Fehmi Agani" organizon manifestimin e kushtuar Ditës Ndërkombëtare të Përkujtimit të Holokaustit. (Hapësirat e Fakultetit të Edukimit -Filologjisë, Gjakovë, ora 11:00)

-  Misioni i OSBE-së dhe Bashkësia Hebraike e Kosovës do të shënojnë Ditën Ndërkombëtare të Kujtimit të Holokaustit. (Dokukino në Kompleksin Europa në Prizren, ora 12:30)

- Presidenti i Republikës së Kosovës, Hashim Thaçi, merr pjesë në shënimin e Ditës Përkujtimore të Holokaustit. (DokuKino, Kompleksi Europa në Prizren, ora 12:30)

- Rinia Demokratike e Kosovës shënon 20 vjetorin e themelimit. (Menza "Ramiz Sadiku", Prishtinë, ora 18:30)

- Ministria e Kulturës, Rinisë dhe Sportit, në bashkëpunim me Qendrën Kinematografike të Kosovës dhe AS Film, për nder të Ditës Përkujtimore të Holokaustit, do të organizojnë shfaqjen e filmit dokumentar “Përqafimi i fatit”, me regji të Jakov Sedlar. (Teatri Kombëtar i Kosovës, ora 19:00)