20 Maj 2019

Shënohet Dita Evropiane pa Viktima në Rrugë

Prishtinë, 21 shtator - Kolegji “Tempulli” i mbeshtetur nga Oda Ekonomike Gjermane (OEGJK) dhe Asociacioni Kosovar i Motorizimit (AMRKS) organizojnë tryezë diskutimi për të shënuar Ditën Evropiane pa Viktima në Rrugë.

Sipas të dhënave zyrtare nga Policia e Kosovës vetëm gjatë muajit Gusht të këtij viti, janë shënuar 1450 aksidente, ku 9 prej tyre kanë përfunduar me fatalitet.
 
Falë punës të përbashkët të institucioneve tona të cilat merren me çështjet e sigurisë në rrugë, trendi i numrit të aksidenteve ka filluar të zvogëlohet. Krahasuar me vitin e kaluar këtë vit siguria në rrugë shënon një rritje të lehtë, me më pak aksidente të të gjitha kategorive. 
 
Me qëllim të promovimit të mëtutjeshëm të rritjes të sigurisë në rrugë Kolegji i Shkencave të Aplikuara Teknike “Tempulli” dhe Asociacioni Kosovar i Motorizimit “AMRKS” sikurse vitin e kaluar edhe këtë vit shënojnë Ditën Evropiane pa viktima në rrugë.

Këtë vit ky aktivitet përkrahet edhe nga Oda Ekonomike Gjermano Kosovare (OEGJK) dhe Forumi i Kosovës për siguri në rrugë. 
 
Tryeza në fjalë do të bashkojë për diskutim përfaqësues nga institucionet vendore dhe ndërkombëtare dhe akterët tjerë që merren me çështjet e sigurisë rrugore, trafikut dhe transportit në përgjithësi. 
 
 

Kalendari

Ngjarjet e datës 20 maj 2019  - Vazhdimi i Seancës plenare e Kuvendit të Republikës së Kosovës. (Kuvendi i Kosovës, ora 10:00)

- Mbahet mbledhja e komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për ndryshimin dhe plotësimin e Ligjit për financimin e subjekteve politike. (Ndëresa e Kuvendit, salla N 303, ora 10:00)

- Mbahet takimi i rregullt i Komitetit për Politik dhe Financa i Komunes se Pejes. (Salla e takimeve, zyra e kryesuesit Islam Husaj, ora 10:00)

- Ministri i Arsimit, Shyqyri Bytyqi dhe Koordinatori i testit nacional Rexhep Hoti raportojn para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me testin e organizuar në shkollat e Kosovës. (Ndëresa e Kuvendit, salla N 303, ora 13:00)
 
- Shoqata Down Syndrome Kosova mban konferencë për media për të njoftuar lidhur me sjellën në Kosovë të grupit te vallëzimit “Larondina” nga Britani e Madhe. (Hotel Parlament në Prishtinë, ora 18:00)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Enver Topalli. (Teatri Kombëtar i Kosovës, ora 12:00)