03 Dhjetor 2020

Ryanair raporton një humbje prej 197 milion euro

Dublin, 2 nëntor - Kompania ajrore me seli në Irlandë, Ryanair tha se po përgatitet për një periudhë "jashtëzakonisht sfiduese" për të vijuar aktivitetin,  pasi raportoi një humbje prej 197 milion euro në gjysmën e parë të vitit.

Transportuesi ajror me kosto të ulët “low cost) tha se "pret të regjistrojë humbje më të larta" në gjysmën e dytë të vitit, pavarësisht se ka një bazë të kostos më të ulët dhe një bilanc më të fortë.

Coronavirus la 99% të flotës së avionëve pa kryer udhëtime për gati katër muaj midis mesit të marsit dhe fundit të qershorit.

Kompania tha se trafiku në gjysmën e parë të vitit ra nga 86 milion në 17 milion pasagjerë krahasuar me të njëjtën periudhë të vitit të kaluar, rreth 80%.

Të ardhurat e saj ranë 78%, në 1.18 miliardë euro, ndërsa humbja në këtë gjysmë viti është në kontrast me një fitim pas tatimit prej 1.15 miliardë eurosh në gjysmën e parë të vitit të kaluar financiar.

Me pothuajse asnjë trafik në tremujorin e parë të vitit, "shumica dërrmuese" e gjysmës së parë të të ardhurave të vitit ishte fituar në tremujorin e dytë, tha firma.

“Duke pasur parasysh pasigurinë aktuale Covid-19, Ryanair nuk mund të sigurojë udhëzime për FY21 PAT (fitim pas taksave) në këtë kohë. Kompania  pret të transportojë afërsisht 38 milion pasagjerë në VF21, megjithëse ky udhëzim mund të rishikohet edhe më tej në qoftë se Qeveritarët e BE-së vazhdojnë të keq menaxhojnë udhëtimet ajrore dhe të vendosin kufizime më të pakoordinuara të udhëtimit ose bllokime dhe izolimeve këtë dimër”, u shprehën përfaqësues të kompanisë.

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)