09 Mars 2021

RTK tenton te zgjedh në krye të financave dhe administratës një menaxher restauranti

Prishtinë, 20 nëntor - Sindikata e Pavarur e Radio Televizionit te Kosovës (SPRTK) ka njoftuar se identifikuar parregullsinë e radhës nga Menaxhmenti i RTK-së.

Kjo ka të bëjë me konkursin për pozitën Udhëheqës i Shërbimeve të Përbashkëta, ku hyjnë njësitë më vitale të RTK-së, siç janë Financat, Administrata, Burimet Njerëzore, Zyra ligjore etj.Në konkursin për këtë pozitë kanë aplikuar tre kandidatë, dhe sipas informatave që posedon Sindikata asnjëri nga ta nuk i ka plotësuar kriteret e konkursit.

Dy prej kandidatëtve që kanë aplikuar për këtë pozitë sipas SPRTK-së janë të kualifikuar për histori dhe gazetari, ndërsa kandidati i tretë ka përvojë në menaxhim të restaoranteve.

"Sipas ligjeve të aplikuara në vendin tonë, konkursi shpallet i pavlefshëm nëse nuk aplikojnë së paku tre kandidatë që i plotësojnë kushtet e kërkuara me konkurs'', thekson SPRTK.

 Në publikimin e konkursit për këtë pozitë, më poshtë i gjeni disa prej kushteve që janë kërkuar, e që nuk i ka plotësuar asnjëri prej aplikuesve:

- Kualifikim superior profesional në drejtimin juridik apo në menaxhim biznesi;                             

- Të paktën pesë vjetë përvojë pune në menaxhimin e mediave apo fushave tjera relevante (përparësi kanë kandidatët me përvojë më të gjatë).

SPRTK konsideron se bazuar në kriteret e përcaktuara, ky konkurs do të duhej të anulohej, dhe jo të procedohej tutje siç ka vepruar Menaxhmenti i RTK-së, duke i ftuar kandidatët që t'i nënshtrohen testit me shkrim i cili u realizua dje.

''Paligjshmërisë së këtij procesi i dha vulë mosgatishmëria e Menaxhmentit për t'i lejuar qasje përfaqësuesit të Sindiktës në dosjen e aplikantëve'', vlerëson SPRTK.

Prej funksionalizimit të ligjit të Punës dhe Kontratës Kolektive të RTK-së, kjo është hera e parë që një Menaxhment i RTK-së, pasi e fton Sindikatën që ta vëzhgojë procesin e konkursit, nuk i ofron asaj qasje në dokumentacionin e aplikantëve.

Nëse pengohet qasja në dosjen e aplikantëve atëherë cili është efekti i vëzhgimit të procesit nga Sindikata?!

SPRTK kërkon nga drejtuesit e RTK-së anulimin e menjëhershëm të këtij konkursi.

SPRTK kërkon po ashtu qe prokuroria e shtetit ta hetojë me urgjencë këtë proces të paligjshëm dhe shumë të dëmshëm për Transmetuesin Publik.

SPRTK në ditët në vijim, përmes një konference për medie do t'i publikojë dëshmitë që flasin për lidhjet e këtij personi me njerëz të fuqishëm të politikës, si dhe të gjitha parregullsitë dhe veprimet e kundërligjshme në RTK.

 

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)