16 Tetor 2019

Posta e Kosovës shënon 150-vjetorin e kartolinave

Prishtinë, 25 shtator - Posta e Kosovës është ftuar nga organizata globale Postcrossing që t’iu bashkohet qindra vendeve në botë për të shënuar 150-vjetorin e dërgimit të kartolinës së parë nga operatorë postarë.

Kartolina e parë është proceduar zyrtarisht nga Posta Austriake, më 1 tetor të vitit 1869, megjithëse historia e lindjes së saj daton edhe më herët.

Posta e Kosovës shënon këtë vit jubilar duke iu ofruar qytetarëve të Kosovës mundësinë për të dërguar kartolina falas në zyrat kryesore postare në shtatë qytetet më të mëdha të vendit tonë: Prishtinë, Mitrovicë, Gjilan, Ferizaj, Prizren, Gjakovë dhe Pejë.

Posta fton të gjithë të interesuarit, sidomos fëmijët, që më 1 tetor 2019, të shfrytëzojnë këtë rast për të dërguar kartolina brenda dhe jashtë Kosovës, pa pagesë të shërbimit postar.

Bashkojuni kësaj ngjarjeje botërore dhe përjetoni një ndjejnë të veçantë duke dërguar mesazhe përmes kartolinave.

 

Kalendari

Ngjarjet e datës 16 tetor 2019

- Fillon procesi i numërimit të votave përmes postës. (Qendra e Numërimit dhe Rezultateve,  ora 10:00)

- Instituti Kërkimor për Çështje Evropiane dhe të Zhvillimit bën prezantimin e studimeve të radhës brenda serisë së studimeve rreth fazes finale të dialogut Kosovë-Serbi. (Hotel Swiss Diamond, ora 10:15)

- Ministria e Tregtisë dhe Industrisë shënon Ditën Botërore të Standardeve. (Hotel Emerald, ora 10:30)

- Green Art Center organizon aktivitet në komunën e Vushtrrisë i cili synon të sensibilizojë qytetarët dhe të ndikojë në edukimin e brezave të rinj për rëndësinë e mbrojtjes së mjedisit”. (Sheshin e qytetit “Hasan Prishtina” në Vushtrri, ora 12:00)

- Në kuadër të promovimit të romanit “Elefantët në kopsht” të autores Kureyshi Qendra Multimedia organizon bisedën e hapur të autores zvicerane Meral Kureyshi me gazetarin Enver Robelli. (Qendra Multimedia, rr. 'Idriz Gjilani' në Prishtinë, ora 19:00)