28 Shkurt 2020

Pasurohet ekspozita e Filatelisë në Muzeun e Kosovës

 Prishtinë, 11 dhjetor - Filatelia e Postës së Kosovës ka lëshuar sot në qarkullim emisionin e dyqindtë të pullave postare që kësaj here përmbajnë imazhe të festave të fundvitit si dhe ka pasuruar me rreth 100 pulla të tjera ekspozitën e vet të përhershme në Muzeun e Kosovës, që është e hapur për të gjithë vizitorët.

Filatelia e Postës së Kosovës është themeluar më 15 mars të vitit 2000, kur edhe u emetua edicioni i parë i pullave postare që kishte si tematikë promovimin e paqes.

Shumica e pullave promovojnë dhe nderojnë personalitete dhe ngjarje të rëndësishme kombëtare të popullit dhe shtetit të Kosovës. Po ashtu, pullat postare të Filatelisë së Postës së Kosovës bartin edhe pamje të florës dhe faunës së vendit tonë, qyteteve, trashëgimisë së pasur kulturore e fetare, si dhe arritjeve të mëdha të sportit kosovar.

“Ndonëse e re, Filatelia e Postës së Kosovës ka të arritura të mëdha. Ne krenohemi me fondin e pasur të pullave postare dhe vlerat e tyre. Si dëshmi e punës së suksesshme janë edhe shpërblimet në konkurse të ndryshme ndërkombëtare. Disa herë jemi renditur më lartë se shumë Administrata Postare të vendeve më të zhvilluara të botës që kanë traditë qindravjeçare në filateli”, ka deklaruar kryeshefi ekzekutiv i Postës, Shefqet Avdija.

Në tetor të vitit 2017, pulla postare “Shenjtërimi i Nënës Terezë”  është zgjedhur pulla më e bukur postare në botë, e tematikes religjioze, në një konkurs i mbajtur në Veronë të Italisë.

Pulla të tjera, siç është “Evropa 2016 – Mendo gjelbër”, po ashtu janë shpërblyer me çmime në vende të ndryshme evropiane.

Filatelia e Kosovës do të vazhdoj misionin e saj në promovimin e vlerave të popullit dhe shtetit të Kosovës.

 

Kalendari

Ngjarjet e datës 28 shkurt 2020 - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - ndryshim orari, ora 11:00 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)