24 Qershor 2018

Ndërprerja e energjisë elektrike paralizon aeroportin e Hamburgut

Hamburg, 4 qershor - Një ndërprerje e energjisë elektrike ka paralizuar aeroportin e Hamburgut në Gjermani, duke bllokuar qindra pasagjerë.

Nga kjo ndërprerje janë prekur funksionimi i pistave të nisjes, transportuesit e bagazheve dhe dyqanet.

Një zëdhënës i aeroportit tha se ndërprerja e energjisë elektrike besohet të jetë shkaktuar nga një qark i shkurtër i rrymës elektrike. Ai shtoi se nevojitet pak kohë derisa gjithçka t'i rikthehet normalitetit.

Pasagjerët u evakuuan jashtë ndërtesës së aeroportit, pasi një tjetër problem ishte mosfunksionimi i ajrit të kondicionuar.

Kjo ngjarje ka shkaktuar pakënaqësi tek udhëtarët.

"Pak të inatosur, po. Kemi folur edhe me disa pasagjerë të tjerë, të cilët ndodhen këtu që nga ora 9 e mëngjesit dhe kanë vazhduar të qëndrojnë këtu edhe pas shkëputjes së energjisë elektrike dhe askush nuk u ka thënë se çfarë ka ndodhur. Pra, sigurisht që jemi të irrituar, ne thjesht dëshirojmë të shkojmë për pushime ", u shpreh një pasagjer.

Ndërkohë, të gjitha fluturimet janë pezulluar dhe aeroporti mbetet i mbyllur.

Kalendari

Ngjarjet e datës 24 Qershor 2018

- NISMa Socialdemokrate mban Kuvendin e dytë të Punës. (Hotel Emerald, ora 14:00)

- Lëvizja Vetëvendosje! mban konferencë për media. (Zyret e Vetevendosjes, ora 14:00)

- Federata e pingpongut të Kosovës do të organizojë Turneun në pingpong për ditën e Çlirimit. (Prishtin, ora 10:00)