18 Janar 2019

Menaxhmenti i Postës thirrje publike deputeteve të Kuvendit të Kosovës

Prishtinë, 12 qershor - Posta e Kosovës gjatë vitit 2016 dhe 2017 ka qenë e përfshirë në hartimin e  draft-ligjit për Shërbimin Postar me dy ekspertë të saj në Grupin Punues të MZHE-së.

Menaxhmenti i Postës së Kosovës kërkon vëmendjen e opinionit publik, si dhe vigjilencën e deputetëve të Kuvendit të Kosovës, se Ligji për Shërbimin Postar i cili është në procedurë të leximit të dytë është jetik për funksionimin e mirëfilltë të Postës së Kosovës.

Prandaj me shqetësim dhe përgjegjësi të lartë, kërkojmë nga Ju të nderuar deputetë të Kuvendit të Kosovës, që të përfshihen komentet dhe rekomandimet e propozuara të Postës së Kosovës të dërguara me shkrim Grupit Punues të MZHE-së dhe Kuvendit të Kosovës - Komisionit Për Zhvillim Ekonomik, Tregti, Industri dhe Infrastrukturë, veçanërisht lidhur me:

 
Neni 11 dhe 62 i draft-ligjit janë me përmbajtje shkatërrimtare për tregun e shërbimit postar në Kosovë, në veçanti Operatorin Publik Postar - Postën e Kosovës. Prandaj kërkojmë nga deputetët e Kuvendit të Kosovës, që të mos votohen këto nene si të tilla, por të formulohen sipas praktikave dhe ligjeve të shteteve në Rajon.

Pasojat e nenit 11 janë: legalizimi i operimit të një operatori të dytë publik, që nuk ndodhë në asnjë shtet të Rajonit apo mundësia e legalizimit të operimeve të deritashme ilegale të postës serbe në Republikën e Kosovës e cila tash e 18 vite operon në formën ilegale duke i marr ilegalisht rreth 30% të tregut të Postës së Kosovës.

Pasojat e nenit 62  janë: tentativa e MZHE-së që përmes Ligjit të Ri ta shfuqizojë marrëveshjen me numër protokolli 263 të datës 06.02.2014, që e ka Posta me MZHE-në, e që kjo marrëveshje ka bazën ligjore në Ligjin ekzistues. Kjo marrëveshje është ligjore dhe e nënshkruar me paramendim nga të dyja palët, që nuk u zbatua asnjëherë nga Ministria. Tentativa për ta shfuqizuar këtë marrëveshje me ligjin e ri me efekt retroaktiv është jo ligjore dhe me efekt të shmangies së përgjegjësisë dhe obligimeve financiare që MZHE ka ndaj Postës së Kosovës. Për këto obligime ka urdhër përmbarimor dhe vendime të Gjykatës.

Me qëllim të evitimit të pasojave të pakrahasueshme të këtyre dy neneve të përshkruara më lartë, ju bëjmë THIRRJE PUBLIKE të gjithë deputetëve të Kuvendit të Republikës së Kosovës, që të mos i votojnë këto nene të draft-ligjit, të cilat janë goditja e fundit për shkatërrimin e Operatorit Publik Postar  -Postës së Kosovës.

 

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)