26 Maj 2020

Kontrata midis PTK dhe Z-mobile është produkt i krimit të organizuar

Prishtinë, 10 maj - Sot në zyrat e Lëvizjes Vetëvendosje!, Kryetari Albin Kurti së bashku me koordinatoren e Komiteteve, Dejona Mihali dhe Drejtuesin e Komitetit për Komunikime Elektronike, Fatban Bunjaku, pritën delegacionin e Federatës Sindikale të Telekomit të Kosovës, të përbërë nga Kryetari Lamih Bala dhe anëtarët e kryesisë, Shpëtim Zharkun e Naim Halitin.

Në këtë takim Lëvizja Vetëvendosje! shprehu pajtimin e plotë me qëndrimet e shprehura publikisht të Sindikatës dhe u dakorduan për t’i paraqitur këto qendrime në institucionet e Kosovës.

Vetëvendosje thekson se Telekomi i Kosovës, Qeveria, nuk i ka asnjë borxh kompanisë Devolli dhe operatorit të tyre virtual Z-mobile.

Kontrata e iniciuar më 2007-2008 dhe e finalizuar me 2009 midis PTK dhe Z-mobile sipas Vetëvendosjes është produkt i krimit të organizuar.

"Si e tillë autorët, nënshkruesit dhe të gjithë të përfshirët sot duhet të ishin të dënuar nga drejtësia dhe kontrata në fjalë duhet shkëputur dhe dëmi i shkaktuar me mbi 200 milionë euro nga Z-mobile ndaj Telekomi duhet të ishte kthyer", thekson Vetëvendosje.

Lëvizja Vetëvendosje!, në bashkëpunim me LDK, ka thirrur seancë të jashtëzakonshme për të datën 12 maj ora 10:00 në Kuvendin e Kosovës, ku do të kërkohen urgjentisht masa ndaj kësaj situate dhe propozimi i projektligjit për ndalimin e operatorëve mobil virtual.
  

Kalendari

Ngjarjet e datës 25 Maj 2020

- Presidenti i vendit, Hashim Thaçi, në shenjë nderimi për të burgosurit shqiptarë të vrarë para 21 vjetësh viziton Burgun e Dubravës në Komunën e Istogut. (Burgu i Dubravës ora 10:30)