23 Tetor 2018

KMDLNj: Bechtel - Enka, vrasës ekologjik i Luginës së Lepencit

Prishtinë, 7 maj - Këshilli për Mbrojtjen të Drejtat dhe Liritë e Njeriut (KMDLNJ) vlerëson së Bechtel - Enka, me ndihmën dhe përkrahjen e politikanëve të korruptuar të Kosovës dhe ndërkombëtarëve, gjithashtu të korruptuar, ka monopolizuar ndërtimin e auto - udhëve në Kosovë.

Njërën me emërtimin “Ibrahim Rugova” e ka përfunduar ku sipas KMDLNJ-se duke mos e kryer punën si duhet pasi ka shembje të dheut në një mjedis të rrafshët sikur edhe dëmtim të shtresës së asfaltit, me një çmim më të kushtueshëm se sa edhe në vendet më të zhvilluara, me një kontratë gjysëm transparente ku mëshihen të dhënat kryesore dhe po i njejti kontraktor e ka fituar tenderin edhe për auto - udhën “Arbër Xhaferi” që lidhë Kosovën me Maqedoninë, gjithashtu me një çmim të lartë dhe një kontratë gjysëm – transparente.

"Është bërë si rregull në Kosovë që kontratat dhjetëra e qindra milionë eurosh në Kosovë të mos bëhen publike apo bëhen publike vetëm pjesërisht dhe ky veprim arsyetohet me sigurinë e shtetit, kurse ndërkombëtarët, për shuma dhe veprime shumë më të vogla kërkojnë transparencë ndërsa për këto “elefantë kontrata”,  kryesisht heshtin. Bechtel – Enka me sloganin “ Projekto dhe Ndërto” merr parasysh vetëm parimin “ndërto sa më lirë dhe më lehtë dhe fito sa më shumë” duke mos e përfillë aspak interesin e Kosovës dhe duke e shkatërruar deri në kriminalizim sistemin ekologjik – mjedisor të Kosovës, aq më parë që politika e korruptuar nuk e kundërshton kurse zëri i shoqërisë civile as që dëgjohet", thekson KMDLNJ.

Atë çka ka bërë Bechtel – Enka në luginën e lumit Lepenc sipas KMDLNJ-se nuk mund të quhet ndryshe pos krim ndaj mjedisit të kësaj pjese të Kosovës, krim kundër banorëve të kësaj ane edhe ekocid që është i dënueshëm me të gjitha ligjet kombëtare dhe ndërkombëtare.

Kjo është shkelje e rëndë e të drejtave të njeriut sepse aktualisht e kufizon lirinë e lëvizjes kurse në planin afatgjatë e rrezikon jetën e banorëve të Luginës së Lepencit dhe Grykës së Kaçanikut duke e shkatërruar në masë të madhe dhe në mënyrë të papërballueshme florën dhe faunën.

"Bechtel – Enka, duke mos siguruar rrugë alternativë tjetër udhëtimi ka shkaktuar kufizim të madh në lëvizje, radhë të gjata, kufizim të tregtisë duke dëmtuar bizneset, rrezikim të shëndetit për shkak të vonesave në trajtim mjekësor, aksidente në trafik me fatalitet dhe në këtë kontekst duhet të hetohet edhe përgjegjësia eventuale, direkte apo indirekte e Bechtel – Enkës për humbjen tragjike të jetës së dy policëve të Policisë së Kosovës kohë më parë. Shumë qytetarë të Kosovës, për nevoja shëndetësore janë të detyruar t’i shfrytëzojnë dhiaret ( rrugët e dhive) për të shkuar në Maqedoni sikur që detyrohen të shkojnë edhe për aplikim për viza dhe ndodhë që rrugët bllokohen pa një paralajmërim paraprak e që pastaj detyrohen të shkojnë përmes pikëkalimit tjetër në Jazhincë", thekson me tutje KMDLNJ.

KMDLNj e dënon këtë sjellje të Bechtel – Enkas që , përveq se e ka shkatërruar sistemin ekologjik të lumit Lepenc, në planin afatgjatë seriozisht po e rrezikon shëndetin e banorëve kurse aktualisht po i bënë dëm të madh ekonomisë së Kosovës.

KMDLNj kërkon që kontrata për auto – udhën “Arbër Xhaferi” të bëhet publike si dhe të hetohet përgjegjësia e atyre që ua mundësuan Bechtel – Enkas këtë mundësi për përfitime materiale sikur edhe për përfitime personale duke shkaktuar katastrofë mjedisore.

KMDLNj kërkon që të hetohet edhe humbja e jetës për dy policët e Policisë së Kosovës për shkak të rrethanave të krijuara dhe të pamenaxhuara mirë nga punëkryerësi i punëve .
 

Kalendari

Ngjarjet e datës 23 tetor 2018  - Presidenti i Republikës së Kosovës, Hashim Thaçi, pret në takim deputetin e Parlamentit të Gjermanisë, Peter Beyer. (Kabineti i Presidentit, ora 9:00 - vetëm pamje)

- Ministri i Mbrojtjes të Malit të Zi, Predrag Boshkoviç viziton Ministrinë për Forcën e Sigurisë të Kosovës. (Ministria për Forcën e Sigurisë të Kosovës në Prishtinë, ora 9:25)

- Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Prizren, ora 9:30)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të behët formimi i grupeve punuese për Projektligjin për Ministrinë e Mbrojtjes, Projektligjin për Forcën e Sigurisë së Kosovës dhe Projektligjin për Shërbimin në Forcën e Sigurisë së Kosovës. (Ndërtesa e Kuvendit, salla N204, ora 10:00)

- Presidenti i Republikës së Kosovës, Hashim Thaçi pret në takim zëvendës-ndihmës sekretarin e shtetit amerikan, Matthew Palmer.  (Kabineti i Presidentit, ora 10:00 - vetëm pamje)

- Me rastin e vizitës së zotit Peter Beyer, deputet në Bundestag, në Kosovë, Ambasada Gjermane organizon një takim me gazetarë. (Ambasada Gjermane, ora 10:00)

- Policia e Kosovës organizon hapjen e  fushatës së titulluar “Dhuna nuk arsyetohet”.  (Sheshi ”Zahir Pajaziti”, ora 10:00)

 - Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të behët shqyrtimi i propozimit për mbështetjen e punës së AKI-së. (Ndërtesa e Kuvendit, salla N 10, ora 10:00)

- Grupi për Studime Juridike dhe Politike organizon panelin e diskutimit me temë “Performanca e sistemit gjyqësor dhe prokurorial sipas këndvështrimit dhe vlerësimit të qytetarëve". (Hotel Swiss Diamond, ora 10:30)

- Kryeministri i Republikës së Kosovës pret në takim zëvendës ndihmës Sekretarin e Shtetit Amerikan, Matthew Palmer. (Ndërtesa e Qeverisë, ora 10:45)

- Ministri për Forcën e Sigurisë të Kosovës, Rrustem Berisha dhe Ministri i Mbrojtjes të Malit të Zi, Predrag Boshkoviç mbajnë konferencë për media. (Ndërtesa e Ministrisë se FSK-së, ora 10:50)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Propozim - vendimit të Qeverisë për kandidatet për kryesues të Bordit të ZRRE-së. (Ndërtesa e Kuvendit, salla N 303, ora 11:00)

- Instituti Demokratik i Kosovës mban konferencën për media në të cilën do të paraqiten rekomandimet e KDI-së, lidhur me të drejtat e punëtorëve në sektorin privat dhe rreziqet me të cilat përballen në vendin e punës. (Zyrat e KDI-së, ora 11:00)

- Presidenti i Republikës së Kosovës, Hashim Thaçi, pret në takim Ministrin e Mbrojtjes të Malit të Zi,  Predrag Bošković. (Kabineti i Presidentit, ora 11:20 - vetëm pamje) 

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Vitisë dhe me shkollat e mesme në këtë komunë organizon aktivitetin e pastrimit të Parkut të Qytetit në Viti. (Parku i Qytetit në Viti, ora 13:00)

 - Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i kërkesave të Këshillit Gjyqësor të Kosovës dhe Këshillit Prokurorial të Kosovës lidhur me Projektligjin për Pagat dhe Zyrtarët Publik. (Ndërtesa e Kuvendit, salla N204, ora 13:00)

- Lëvizja Vetëvendosje mban konferencë për media. (Zyrët qendrore të Vetëvendosjes, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Mbahet ceremonia e diplomimit të gjeneratës së parë të Shkollës së Lartë Profesionale - Cacttus Education. (Hotel Sirius, ora 15:00)