23 Mars 2019

IPKO fillon implementimin e kalimit në kodin e ri telefonik +383

Prishtinë, 16 prill - IPKO Telecommunications ka bërë të ditur së është duke implementuar procedurat e kalimit në kodin e ri telefonik shtetëror +383, në telefoninë fikse dhe mobile. IPKO dëshiron të informojë të gjithë klientët se do të ndërmerren disa hapa teknik, gjatë kalimit në kodin e ri shtetëror.

Hapi i parë i madh sipas IPKO-se, do të fillojë në orët e mbrëmjes së ditës se sotme dhe orët e hershme të mëngjesit të neserme.

Gjatë kësaj kohe, përdoruesit e IPKO-së mund të kenë vështirësi teknike në përdorimin e shërbimeve të IPKO-së, ndërkohë do të jetë i pamundur aktivizimi i shërbimeve të reja.

Pas 17 Prillit, do të vërehen ndryshimet si në vijim: kur realizohen thirrjet në vendet e huaja, në telefoninë fikse dhe mobile do të paraqitet kodi +383 në vend të kodeve të vjetra +386/+381.

Ndërsa për të gjitha thirrjet ndërkombëtare që pranohen drejt IPKO-së, duke përdorur +386/+381, një njoftim me zë do të udhëzojë përdorimin e kodit të ri +383 dhe thirrja do të realizohet.

Kalimi në kodin e ri shtetëror +383 ngërthen hapa teknik, prandaj IPKO falënderon të gjithë klientët për mirëkuptim dhe durim gjatë këtij procesi.

IPKO do të informojë me kohë të gjithë përdoruesit e saj, për çfarëdo procesi tjetër që ndërlidhet me kodin shtetëror, deri sa të zbatohen të gjitha procedurat e kalimit të plotë në +383.


 

Kalendari

Ngjarjet e datës 23 mars 2019 - Federata e pingpongut të Kosovës në bashkëpunim me Kpp Vitia nën patronatin e Komunës së Vitisë do të organizoj Turneun për senior Flakadani i Karadakut. (Salla e Shkollës së Mesme Teknike 'Jonuz Zejnullahu' në Vitiora, ora 9:30)

- Shoqata "Miqtë e Amerikës" do ta bëjë zëvendsimin e flamurit amerikan te shtatorja e Bill Clintonit në Prishtinë, me një të ri. (Shtatorja e Bill Clintonit, ora 11:00)

- Gjimnazi “Hasan Nahi”, në kuadër të Fondacionit për Arsim dhe Kulturë “Atmosfera”, organizon edicionin e gjashtë me radhë - Garën e Inteligjencës "Eureka 6". (Ambienti i Gjimnazit “Hasan Nahi” në Prishtinë, ora 11:00)

- Kryeparlamentari Kadri Veseli merr pjesë në shënimin e 30-vjetorit të demostratave të 23 marsit 1989 me nismëtare gratë dhe vajzat e Balajve. (Teatri “Adriana” - Ferizaj, ora 11:00)

- UBT dhe Raiffeisen Bank mbajnë garën më të madhe në vend “Data Science Hackathon”. (Kampusi i UBT-së në Lipjan, ora 11:00)

- Kryeministri Ramush Haradinaj bënë homazhe te Pllaka Memoriale e ushtarëve të KFOR-it, të rënë gjatë shërbimit në Kosovë. (Sheshi “Nëna Terezë”, ora 12:00)

- Kryeministri Ramush Haradinaj bënë homazhe te Pllaka Përkujtimore me emrat e ushtarëve britanikë, që humbën jetën në shërbim në Kosovë. (Sheshi “Edit Durham”, afër Hotelit Grand, ora 12:10)