19 Korrik 2018

Greva i ka shkaktuar humbje prej 170 milionë eurove Air France

Paris, 11 prill - Humbja e linjës ajrore kombëtare të Francës, Air France, për shkak të grevës 7 ditore të punonjësve të saj me kërkesë për një rritje prej 6 për qind të rrogave, arriti në 170 milionë euro.

Në njoftimin e publikuar nga Air France, është dhënë informacion në lidhje me grevat që vazhdojnë në vend.

Greva 7 ditore e mbajtur më 22 shkurt, 23 dhe 30 mars dhe 3,7,10 dhe 11 prill, ka shkaktuar humbje prej 170 milionë eurove për kompaninë.

Më tej në njoftim theksohet se greva e 11 sindikatave të pilotëve, ekuipazhit të kabinave dhe punonjësve në tokë të Air France për përmirësimin e kushteve të punës dhe kërkesën për rritje të rrogave prej 6 për qind do të vazhdojë edhe sot dhe nesër, ndërsa 25 për qind të fluturimeve janë anuluar.

Sipas kësaj 65 për qind të fluturimeve në distancë të gjatë, ndërsa 73 për qind në distancë të mesme do të mund të realizohen. Bëhet e ditur se nga grevat më së shumti janë ndikuar fluturimet me qendër në Paris.

Punonjësit e Air France kishin njoftuar se në bisedimet e tyre me menaxhmentin e kompanisë nuk kanë arritur në asgjë në negociatat dhe se kishin marrë vendim që të vazhdojnë grevat e tyre më 17, 18, 23 dhe 24 prill.

Ekspertët e industrisë së aviacionit, paralajmërojnë se kostoja e grevës së punonjësve të Air France, e cila është greva më e gjatë në historinë e kompanisë, mund të jetë më e rëndë se ajo e viteve 1998 dhe 2014.

Kalendari

Ngjarjet e datës 19 Korrik 2018

 - Rektori i Universitetit të Prishtinës “Hasan Prishtina”, prof. dr. Marjan Dema nesër do të vizitojë studentët të cilët do t’i nënshtrohen provimit pranues në Universitetin e Prishtinës. (Kampusi i UP-së, ora 9:00)

- Bëhet nënshkrimi i kontratave dhe shpërndarja e tyre për të rinjtë përfitues të shpalljes së fundit nga ana e Ministrisë së Kulturës, Rinisë dhe Sportit, për Edukim Jo-Formal. (Kabineti i ministrit Kujtim Gashi. ora 10:00)

- Mbahet seanca plenare e Kuvendit të Republikës së Kosovës. (Kuvendi i Kosovës, ora 10:00)

- Ministri i Kulturës, Rinise dhe Sportit, Kujtim Gashi, viziton Parkun Arkeologjik Ulpiana ku do të njoftohet me ecurinë e punimeve që po ndërmerren nga Instituti Arkeologjik. (Parkun Arkeologjik Ulpiana, ora 11:00)

- Kryetari Gjykatës Themelore të Gjilanit, Ramiz Azizi do të mbajë një konferencë për media në të cilën do të prezantohet raporti gjashtë mujor i Gjykatës Themelore të Gjilanit, së bashku me Degët e saja. (Objekti i Gjykatës Themelore të Gjilanit, ora 13:00)

- Kryetari i Odës Ekonomike të Kosovës, Berat Rukiqi viziton kompaninë “Albi Group”. (Albi Mall, Veternik, ora 13:00)  

- Organizata për Rritjen e Cilësisë në Arsim organizon aksionin për avancimet akademike në Universitetin e Prishtinës. (Para Rektoratit, ora 14:00)

- Ministri i Kulturës, Rinise dhe Sportit, Kujtim Gashi, viziton Federatën e Xhudos në Pejë ku në një ceremoni të organizuar do t’u ndajë ceqet xhudisteve Nora Gjakova, Distria Krasniqi dhe Driton Kuka. (Federata e Xhudos në Pejë, ora 14:00)

- Kosova 2.0 organizon një bisedë tëshkurtër me temën “diaspora” për të njohur realitetet komplekse dhe shumë-shtresore të kosovarëve qëjetojnë jashtë shtetit. (Innovation Centre Kosovo, ora 18:00)