05 Qershor 2020

Gjilani nis investimet në ndërtim të infrastrukturës në lagjen Porodin

Gjilan, 3 korrik - Kryetari i Komunës së Gjilanit, Lutfi Haziri, ka konfirmuar se së shpejti do të nisin punimet për investimin e rrjetit të të ujërave të zeza dhe asfaltimin e të gjitha rrugëve në lagjen Porodin, me një kosto prej mbi 570 mijë euro të cilat parashihen me kontratën e nënshkruar gjatë ditës së sotme.

Haziri ka thënë se mjetet e investimit në këtë lagje janë 300 mijë euro nga granti i performancës që Komuna e Gjilanit ka fituar nga bashkëpunimi me Ministrinë e Administrimit të Pushtetit Lokal dhe DEMOS-it, ndërsa pjesa tjetër e mjeteve prej mbi 170 mijë euro e ndan Komuna e Gjilanit nga buxheti i vet.

Kryetari Haziri ka thënë, gjithashtu, se kjo ishte lagja me gjendjen më të vështirë në komunën e Gjilanit, mirëpo sipas tij, me investimin e rrjetit të ujësjellësit në fazën e mëhershme dhe në këtë fazë me investimin e këtij projekti, do të bëhet një lagje e kompletuar me infrastrukturën publike.

Ai tha se do të vazhdohet me dinamikë të shtuar në kuadër të trajtimit të të gjitha lagjeve e fshatrave të Gjilanit.

Kalendari

Ngjarjet e datës 5 Qershor 2020 - Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 12:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)

- Kryeministri Avdullah Hoti pret në takim ambasadorin e Shteteve të Bashkuara të Amerikës në Kosovë, Philip Kosnett. (Ndërtesa e Qeverisë, ora 15:45 - vetëm pamje)