17 Shkurt 2019

Germania linjë e re ajrore, nga Prishtina në Paris

Prishtinë, 19 janar - Kompania ajrore gjermane e pavarur 'Germania' do të fillojë një linjë të re ajrore nga Prishtina në aeroportin e Parisit, Charles de Gaulle. Nga fundi i marsit 2018, aeroplani i kompanisë ajrore me ngjyrë të gjelbër dhe të bardhë do të lidhë dy kryeqytetet dy herë në javë.

Do të ketë bashkëpunim të ngushtë për shitjen e biletave të kësaj linje ajrore me Air Prishtina, partner afatgjatë i 'Germania' për fluturimet në Kosovë.

"Ne presim me padurim të ofrojmë një linjë të re ajrore me Prishtinën dhe partnerin tonë Germania", thotë Leyla Ibrahimi, Kryeshefe Ekzekutive e Air Prishtina.

"Ka shumë bashkëqytetarë nga Kosova dhe rrethina që jetojnë në rajonin e Parisit. Fluturimet e vazhdueshme të 'Germania' ofrojnë një mundësi të rehatshme dhe të shpejtë për të vizituar familjen dhe miqtë në shtëpi."

Nërsa Claus Altenburg, Drejtor i Shitjes në Gjermani, shtoi: "Hulumtimi ynë i tregut gjithashtu premton kërkesa të larta. Jo vetëm që ia vlen të vizitohet Prishtina nga klientët që udhëtojnë në shtëpi, por edhe për udhëtarët që kërkojnë destinacione jashtë atyre tashmë të përjetuar. Me biletat tona me çmime të volitshme, nivelet e larta të besueshmërisë si dhe cilësinë dhe ekuipazhet miqësore dhe të aftë të kabinës, ne kemi siguruar tashmë një pozitë të fortë në rajonin e synuar ku ne duam të zgjerohemi më tej me linjën tonë të re për në Prishtinë."

Në bordin e aeroplanit, 'Germania' ofron shërbim të plotë: kabinat kanë ulëse të rehatshme dhe ndriçim të ri të ambientit për të ofruar një përvojë të këndshme fluturimi. Artikuj të lehtë ushqimor, pije joalkoolike, dhe revista janë gjithmonë të përfshira në çmimin e biletave. Të gjithë pasagjerët përfitojnë nga një kompensim bagazhi prej 20 kg dhe 6 kg bagazhi të kabinës.

Biletat nga Prishtina në Paris janë në dispozicion prej vetëm 79 Euro në një drejtim dhe mund të rezervohen përmes internetit në flygermania.com, duke telefonuar +49 30 610 818 000 (norma standarde nga linjat fikse telefonike Gjermane, tarifat e telefonisë celulare mund të ndryshojnë), me Air Prishtina në www.airprishtina.com ose nëpërmjet ndonjë agjenti udhëtimi. Të gjitha çmimet e cituara përfshijnë tatimin dhe tarifat, si dhe tarifën e nevojshme ligjore për udhëtimin ajror.  

'Germania' është kompani ajrore e pavarur gjermane e cila është themeluar mbi 30 vjet më parë. Në fluturimet me destinime të afërta dhe të mesme, kompania ajrore, me ngjyrën dalluese të saj të gjelbër dhe të bardhë, transporton më shumë se 3 milion pasagjerë në vit. 'Germania' ofron lidhje nga 20 aeroporte nisëse në Evropë në mbi 55 destinacione brenda kontinentit, Afrikës së Veriut dhe Lindjes së Mesme.

Duke ndryshuar prirjen e zakonshme të industrisë së aviacionit, 'Germania' vazhdon të ofrojë artikuj ushqimor të lehtë, pije joalkoolike, dhe revista falas dhe lejon së paku 20 kg të bagazhit pa pagesë. 'Germania' operon me fluturime të planifikuara, çarter dhe ad-hoc. Së bashku me kompaninë ajrore zvicerane "Germania Flug AG" dhe atë bullgare "Eagle", flota e 'Germania' aktualisht ka 29 avionë. Germania Technik Brandenburg GmbH është përgjegjës për mirëmbajtjen e avionëve të kompanisë.

 

Kalendari

Ngjarjet e datës 17 shkurt 2019 - Qeveria e Kosovës mban mbledhje festive për nder të 11-vjetorit të Pavarësisë. (Ndërtesa e Qeverisë, ora 8:00)

- Ngritja solemne e Flamurit të Republikës së Kosovës për nder të 11-vjetorit të Pavarësisë në të cilën marrin pjesë presidenti Hashim Thaçi, kreu i Kuvendit, Kadri Veseli dhe kryeministri Ramush Haradinaj. (Hapësira mes ndërtesës së Kuvendit dhe Qeverisë, ora 8:30) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh te shtatorja e ish-presidentit Ibrahim Rugova. (Sheshi “Ibrahim Rugova”, para Kuvendit, ora 8:45) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh në Kompleksin Memorial “Adem Jashari” në Prekaz. (Prekaz, ora 9:40)

- Në 11 vjetorin e shpalljes së pavarësisë të Kosovës, anëtarë të kryesisë së LDK-së bashkë më struktura të saj, bëjnë homazhe te varri i Presidentit Historik të Kosovës, Dr. Ibrahim Rugova. (Velani, ora 10:00)

- Komuna e Gjilanit organizon homazhe  te varrezat e dëshmorëve. (Gjilan, ora 10:00)

- Federata e Ping-Pongut e Kosovës (FPPK) organizon turneun “Dita e Pavarësisë”.  (ShMU “Tefik Çanga”, Ferizaj, ora 10:00)

- “Star Kids” do të performojnë në sheshin “Skënderbeu” për nder të Pavarësisë. (Sheshi “Skënderbeu” në Prishtinë, ora 10:00)

- Kuvendi i Kosovës mban seancë solemne për nder të 11-vjetorit të Pavarësisë. (Kuvendi i Kosovës, ora 10:45) 

- Komuna e Gjilanit organizon akademi solemne dhe program artistik nga Shkolla e Muzikës në Gjilan. (Teatri i Qytetit, ora 11:00)

- Trupat e Forcës së Sigurisë së Kosovë parakalojnë me rastin e 11-vjetorit të Pavarësisë së Kosovës. (Prej Sheshit “Nënë Tereza” deri te Sheshi “Ibrahim Rugova”, ora 12:20)

- Me rastin e 11-vjetorit të Pavarësisë së Kosovës organizohet koktej për të gjithë të ftuarit në Parakalimin e Trupave të FSK-së. (Hotel “Swiss Diamond”, ora 13:00)

- Dega e Lidhjes Demokratike të Kosovë në Gjilan bën përurimin e bustit të ish-presidentit Ibrahim Rugova (Gjilan, ora 13:00)

- Përfaqësues të organizatave studentore organizojnë një “protestë artistike” në lidhje me vonesën e liberalizimit për qytetarët e Kosovës. (Sheshi “Zahir Pajaziti”, ora 13:00) 

- Komuna e Vushtrrisë organizon manifestimin qendror për shënimin e 11-vjetorit të Pavarësisë. (Kalaja e Qytetit, Vushtrri, ora 13:00)

- Kryeministri Ramush Haradinaj pret në takim deputetët nga Mbretëria e Bashkuar, John Grogan dhe Martin Vickers. (Ndërtesa e Qeverisë, ora 14:00)

- Shoqata e Gastronomëve të Prishtinës, në bashkëpunim me Qeverinë e Kosovës, organizon një event simbolik për Pavarësi. (Sheshi “Skënderbeu”, ora 14:00) 

- Kryetari i Kuvendit të Kosovës, Kadri Veseli, dhe ministri i Kulturë, Rinisë dhe Sportit, Kujtim Gashi, përurojnë Palestrën Sportive në Shtime. (Shtime, ora 15:00)

- Kryeministri Ramush Haradinaj pret në takim delegacionin 17-anëtarësh nga Shtetet  e Bashkuara të Amerikës, të kryesuar nga Senatori James Inhofe. (Ndërtesa e Qeverisë, ora 15:00) 

- Komuna e Lipjanit organizon koncert festiv për 11-Vjetorin e Pavarësisë. (Qendra e Kulturës “Tahir Sinani”, Lipjan, ora 15:00)

- Ansambli Kombëtar i Këngëve dhe Valleve “Shota” mban koncert festiv për Pavarësi. (Sheshi “Zahir Pajaziti”, Prishtinë, 18:00)

- Për 11-vjetorin e Pavarësisë së Kosovës bëhet ndezja e organizuar e fishekzjarrëve. (Sheshi “Zahir Pajaziti”, Prishtinë, ora 18:30)

- Me rastin e 11-vjetorit të Pavarësisë së Kosovës organizohet pritja shtetërore nën përkujdesjen kryeministrit Ramush Haradinaj. (Hotel “Venus”, magjistralja Prishtinë-Ferizaj, ora 19:30)

- Mbahet koncerti festiv për nder të 11-vjetorit të Pavarësisë së Kosovës. (Sheshi “Zahir Pajaziti”, Prishtinë, ora 20:00)