18 Janar 2019

Bizneset mitrovicase bashkohen në Vala

Prishtinë, 3 maj - Universiteti i Mitrovicës “Isa Boletini”, si një nga institucionet me të rëndësishme të këtij qyteti si dhe disa kompani private, iu bashkuan të enjtën Telekomit të Kosovës, Vala, për të përdorur produktet dhe shërbimet e reja të telefonisë mobile dhe internetit.

Nënshkrimi i këtyre kontratave, do t’i sjellë Telekomit të Kosovës, Vala, një numër të konsiderueshëm të konsumatorëve të rinj, ndërsa bizneset do të kenë më të lehtë komunikimin mes vete përmes pakove PostPaid.

Mitrovicës dhe me disa biznese private dhe për këtë fakt, jam shumë i lumtur, sepse personeli universitar dhe stafi i bizneseve, i besuan dhe po i besojnë edhe më tutje Vala-s dhe për këtë arsye, do të përfitojnë nga shërbimet tona atraktive, të cilat do t’u ofrohen me çmime shumë të favorshme”, deklaroi Ushtruesi i Detyrës së Kryeshefit Ekzekutiv, Zeqir Kiqina. 

Kompanitë mitrovicase që kaluan në Vala janë: “KRM “Uniteti” SH. A, “Tehnoburimi”, “Loshi Company SHPK”, “BTP Holding SH.P.K”, “NTP Loni Dekor”, "Sion Reisen", etj.

Prorektori i Universitetit të Mitrovicës “Isa Boletini”, dhe përfaqësuesit e këtyre bizneseve u shprehën të kënaqur me lidhjen e kontratave të reja, duke theksuar gjithashtu se, Vala ofron shërbime cilësore dhe të pakonkurrueshme, në krahasim me operatorët tjerë.

"Ne edhe në të kaluarën i kemi përdorur shërbimet e Valës, ndërsa sot lidhëm marrëveshje për shfrytëzimin e produkteve dhe shërbimeve të reja që do të na lehtësojnë komunikimin, e rrjedhimisht edhe realizimin e punëve dhe detyrave tona të përditshme”, tha Ali Sahiti, prorektor i Universitetit të Mitrovicës.

Pavarësisht rrethanave aktuale dhe vështirësive financiare me të cilat po përballet Telekomi i Kosovës, U.D. i KE, edhe një herë u shpreh optimist se, Menaxhmenti Ekzekutiv dhe punonjësit e Telekomit të Kosovës, do të arrijnë që, me angazhimin dhe përkushtimin maksimal, të fuqizojnë imazhin e kompanisë, duke ia rikthyer konsumatorët e dikurshëm dhe duke fituar konsumatorë të rinj.

Këtë zotim U.D. i KE e përcolli edhe tek punonjësit e regjionit të Mitrovicës gjatë vizitës në ambientet e punës duke u siguruar mbështetje në arritjen e objektivave, në zgjerimin e rrjetit si dhe në zhvillimin e produkteve të reja për të plotësuar kështu nevojat e konsumatorëve.

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)