20 Shkurt 2020

Alitalia në grevë, preken me qindra fluturime

Romë, 13 dhjetor - Dita e sotme vjen me problemet për mjaft udhëtarë në Itali. Shtypi italian pohoi se është konfirmuar greva qe prek pilotët, asistentët e fluturimit dhe stafin në tokë të Alitalias dhe AirItaly që operojnë në vendin fqinj, si dhe shoqërive të menaxhimit aeroportual, ato të transportit të bagazheve e catering-ut.

Greva do të zgjasë 24 orë dhe prek të gjithë territorin e Italisë. Problemet do të shtrihen automatikisht edhe jashtë saj, duke përfshirë udhëtarë edhe në vende të tjera që kanë prenotuar me Alitalian, pa përjashtuar këtu edhe Shqipërinë. Greva është konfirmuar nga sindikatat e transportit ajror.

 Prej saj preken me qindra fluturime, ndërsa ngërçi do të vazhdojë edhe mëngjesin e së shtunës.

Për këtë arsye, udhëtarët këshillohen të verifikojnë situatën e fluturimeve të tyre. Për ata që duhet të lëviznin mbrëmjen e 12 dhjetorit ose të shtunën në mëngjes, në rast modifikimi apo anulimi të fluturimit, do të jetë i mundur ndryshimi i prenotimit pa asnjë penalitet ose dhe rimbursimi i biletës, por kjo vetëm në rastet kur fluturimi është pezulluar apo ka pasur një vonesë prej më shumë se 5 orësh, thonë mediat vendase.

Protesta zhvillohet për shkak të krizës që ka përfshirë Alitalia e Air Italy, me qëllimin të kërkohet një reformë, që të ndërhyhet në konkurrencën mes sipërmarrjeve të sektorit, për norma specifike kundër dumping-ut kontraktual si dhe për financimin struktural të Fondit të Solidaritetit.

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)