24 Mars 2019

Aksionarët kërkojnë nga Bordi i Stacionit te Autobusëve raportin financiar

Prishtinë, 1 mars - Sot është mbajtur takimi i parë i komisionit të ri të aksionarëve të Ndërmarrjes Publike Stacioni i Autobusëve.

Dy aksionarët e zgjedhur nga Kuvendi Komunal, Rifat Deri dhe Mirsad Vitia, bashkë me aksionarin e emëruar nga Kryetari i Komunës,  Muhedin Nushi, do të kërkojnë nga Bordi i Ndërmarrjes raportin financiar për tri vitet e fundit, për të parë se si qëndrojnë punët në atë drejtim dhe se çfarë ndryshimet duhet bërë në ndërmarrje.

Po ashtu, komisioni i aksionarëve do të kërkojë edhe: Planin e biznesit për vitet 2015, 2016, 2017 dhe 2018; Raportet vjetore të punës së bordit 2015, 2016 dhe 2017; Organogramin e Ndërmarrjes; Biografitë e të gjithë drejtorëve dhe zyrtarëve kryesorë; Informatë mbi datën e fillimit dhe përfundimit të mandatit të bordit aktual të drejtorëve; Informatë për datën e fillimit dhe përfundimit të mandatit të komisionit të auditimit.

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)