17 Janar 2019

Aeroportet më të mirë dhe më të këqinj në botë

Londër, 5 prill - Një sondazh global mes udhëtarëve ka dalë në konkluzionin se aeroportet më të mira në botë gjenden në Europë. As më pak e as më shumë, por 9 nga 10 vendet e para zihen nga aeroporte europiane, në sondazhin e publikuar së fundi nga agjencia e udhëtimeve “eDreams”.

Megjithatë, vendin e parë nuk e mban asnjëri prej tyre. Në majën e podiumit renditet një aeroport aziatik, “Changi” i Singaporit, kjo pas një vlerësimi të bërë nga mbi 50 mijë reagime udhëtarësh prej vitit të kaluar.

Ai ndiqet më pas nga aeroporti i Zyrihut, ai “Ataturk” i Stambollit, ai i Kopenhagenit dhe i fundit i “Top 5” renditet ai i Mynihut. Pjesën tjetër të dhjetëshes e plotësojnë aeroportet e Dyseldorfit, Frankfurtit, “Barajas” i Madridit, “Fiumicino” i Romës dhe “Heathrow” i Londrës.

Pasagjerëve iu kërkua të listonin karakteristikat që kanë më shumë rëndësi për ta, e për të vlerësuar gjithashtu restorantet, dyqanet e “shopping”-ut dhe zonat e pritjes.

Zyrihu ka aeroportin më të mirë në botë sa u përket zonave të pritjes. Ndërkohë, nga lista e vitit të kaluar, vetëm 3 aeroporte kanë mbetur në këtë klasifikim, ai i Zyrihut, i Mynihut dhe i Frankfurtit. Fituesi i vitit të kaluar, “Vantaa” i Helsinkit, si dhe i dyti i klasifikuar në 2017-n, ai ndërkombëtar i Glasgow në Skoci, dështuan të hynin në dhjetëshen më të mirë të vitit 2018.

Aeroportet gjermane kanë një veçori: Jo vetëm renditen mes më të mirëve, por edhe mes 5 më të këqinjve. “Schoenefeld” dhe “Tegel” të Berlinit janë renditur si i treti dhe i katërti më i keq në botë, respektivisht. Të dy këta, që nuk kanë pasur përmirësime vitet e fundit, priten të zëvendësohen nga aeroporti më i ri “Berlin-Brandenburg”.

Edhe Roma ka një aeroport në pesëshen e më të këqinjve, “Ciampino”. Pjesën tjetër të fundit të renditjes e plotësojnë “Luton”-i i Londrës, i pesti më i keq, si dhe “Mohammed V” i Kazablankës në Marok.

Kalendari

Ngjarjet e datës 17 janar 2019 - Kryeministri Ramush Haradinaj bën homazhe te Shtatorja e Gjergj Kastriotit Skënderbeut, me rastin e 550 vjetorit të vdekjes. (Shtatorja e heroit Gjergj Kastrioti Skënderbeu, Prishtinë, ora 9:00)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e komunës së Malishevës. (Gjimnazi “Hamdi Berisha” në Malishevë, ora 9:15)

- Ministri i Financave Bedri Hamza dhe udhëheqësi i Divizionit për Slloveninë, Kroacinë, dhe Ballkanin Perëndimor në Bankën Evropiane për Investime Matteo Rivellini nënshkruaj Marrëveshje Grant për Mbështetje të Projektit për Ndërtimin e Autostradës Kijevë-Zahaq. (Ndërtesa e  Qeverisë, kati 11, ora 9:30)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët në çerdhen e komunës së Malishevës. (Objekti i çerdhes në Malishevë, ora 9:45)
 
- Kryeministri Ramush Haradinaj zhvillon takim pune me përfaqësuesit e Odës Ekonomike Gjermane. (Hotel Emerald, ora 10:00)

- Misioni i OSBE-së do të publikojë raportin mbi gjendjen e strehimoreve për viktimat e dhunës në familje në Kosovë. (Hotel Swiss Diamond, ora 10:15)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e shkollës fillore “Ganimete Tërbeshi” në Astrazub të komunës së Malishevës. (Astrazub, ora 10:40)

- Administrata Tatimore e Kosovës nesër do të shënoj 19 vjetorit të themelimit të saj. (Qendra e Shërbimit të Tatimpaguesve, ish-ndërtesa e Gërmisë, ora 11:00)

- Mbahet takimi i përbashkët në mes kryetarit të Komunës së Gjilanit Lutfi Haziri dhe Kryeshefit Ekzekutiv të KRU"Hidromorava" Muhamet Suliqi, du do të zyrtarizohet Njësitit për Implementimin e Projektit - Impiantit dhe Kolektorëve  për ujëra të zeza. (Zyra e Kryetarit Haziri, ora 11:00)
 
- Kryeministri Ramush Haradinaj merr pjesë në shënimin e 19-vjetorit të themelimit të Administratës Tatimore të Kosovës. (Qendra e Shërbimit të Tatimpaguese, ish ndërtesa e Gërmisë, ora 11:00)

- Ministri i Kulturës, Rinisë dhe Sportit, Kujtim Gashi, do të bëjë hapjen zyrtare të Zyrës për programin “Evropa Kreative Kosovë”. (Biblioteka Kombëtare të Kosovës “Pjetër Bogdani”, ora 11:00)

- Nën organizimin e Grupit Parlamentar të LDK-së dhe Kryetarit të Komunës së Pejës Gazmend Muhaxherit në 17 vjetorin e vrasjes, organizohen homazhe në nderim të jetës dhe veprës së ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Tek varrezat e fshatit Zahaq të Pejës, ora 12:00)

- Në 37 vjetorin vrasjes së heronjve të kombit Jusuf e Bardhosh Gërvalla, Grupi Parlamentar i LDK-së, në nderim të jetës dhe veprës së tyre do të vendos kurora lulesh tek varrezat e heronjve. (Fshati Dubovik në Deçan, ora 12:30) 

- Kryeministri Ramush Haradinaj pret në takim Komisionerin Evropian për Politika të Fqinjësisë dhe Negociata të Zgjerimit, Johannes Hahn. (Ndërtesa e Qeverisë, ora 16:45 - vetëm pamje)
 
- Kryeministri Ramush Haradinaj merr pjesë në ceremoninë e organizuar me rastin e përmbylljes së aktiviteteve në 550 vjetorin e Vitit Mbarëkombëtar të Skënderbeut. (Sheshi 21, ora 18:00)

- Dega e LDK-së në Pejë do të bëjë ndezjen e qirinjve në vendin e vrasjes te ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Lagja “Fidanishte” në Pej, ora 19:50)