19 Korrik 2018

Transparenca është kusht i rëndësishëm për luftimin e korrupsionit

Prishtinë, 30 nëntor - Kryeministri i Republikës së Kosovës, Ramush Haradinaj mori pjesë në konferencën për lansimin zyrtar të bazës së të dhënave të Gazetës Zyrtare dhe aplikacionit mobil, qëllimi i së cilës është informimi i publikut me Gazetën Zyrtare të Republikës së Kosovës dhe aplikacionin mobil përkatës.

Kryeministri me këtë rast tha se sot e kemi shënuar edhe një të arritur të përbashkët, të Qeverisë së Kosovës dhe USAID-it.

Kryeministri tha se përmes kësaj konference, jo vetëm që po lansohet një nisje e re vetëdijësuese, por edhe një produkt i ri, që është aplikacioni online, përmes të cilit qytetari i Kosovës mund të lexojë direkt të gjitha ligjet, publikimet zyrtare të qeverisë së vendit.

“Janë afro 8000 dokumente zyrtare tani të alokuara në këtë aplikacion dhe kjo është një dëshmi se në këtë mënyrë, së bashku ne po e rrisim transparencën”, tha kryeministri Haradinaj, duke shtuar se transparenca është kusht i rëndësishëm për luftimin e korrupsionit dhe të gjitha shkeljeve ligjore, duke ndihmuar qytetarët që të shohin të drejtat e tyre direkt në bazë të ligjit, dhe t’i shohin direkt veprimet që i ndërmerr qeverisja.

Duke i falënderuar të gjithë ata që në vazhdimësi kanë kontribuuar që ky aplikacion i ri të jetë në prani të të gjithë qytetarëve, kryeministri uroi që me këtë punë të mirë të mos ndalemi me kaq.

Ndërkaq, ambasadori amerikan në Kosovë, Greg Delawie u shpreh i lumtur për këtë të arritur të Zyrës së Kryeministrit së bashku me ndihmën e USAID-it.

“Besoj fuqimisht në partneritetin tonë me Kosovën dhe uroj për punën e mirë që është bërë nga Gazeta Zyrtare, që është ndër më të parapëlqyerat”, tha ambasadori Delawie.

 

Kalendari

Ngjarjet e datës 20 Korrik 2018  - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Policia e Kosoves fillon shpërndarjen e broshurave sipas projektit "Për një vit më të sigurt në trafik” me qëllim të sensibilizimit të pjesëmarrësve në trafikun rrugor, qoftë ata vendor, bashkatdhetarët dhe të huajt që hyjnë dhe qarkullojnë npër rrugët e Kosovës. (Pikë Kalimi Kufitar në Merdar, ora 11:00)

- Grupi Parlamentar i Lidhjes Demokratike të Kosovës mban konferencën për media (Ndërtesa e Kuvendit, para sallës C301, ora 13:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, z. Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)