22 Shtator 2020

Samsung sjell Galaxy S10 Lite dhe Note10 Lite

Las Vegas, 8 janar - Samsung Electronics njoftoi sot lançimin e Galaxy S10 Lite dhe Galaxy Note10 Lite.

Duke u mbështetur në trashëgiminë e serive Galaxy S dhe Note, pajisjet Galaxy Lite sjellin karakteristika kryesore premium, si teknologjinë më të fundit të kamerës, S Pen-in e famshëm, ekranin gjithëpërfshirës dhe një bateri afatgjatë me një çmim të arsyeshëm.

“Pajisjet Galaxy S dhe Galaxy Note kanë përmbushur nevjoat dhe dëshirat e konsumatorëve në të gjithë botën. Këto pajisje paraqesin përpjekjen tonë të vazhdueshme për të ofruar inovacione lider të industrisë, nga performanca dhe fuqia deri tek inteligjenca dhe shërbimet," tha DJ Koh, President dhe CEO i Departamentit të IT dhe Komunikimeve Telefonike në Samsung Electronics. "Galaxy S10 Lite dhe Galaxy Note10 Lite do të prezantojnë tiparet kryesore premium për ata që duan të provojnë më të mirën e Samsung Galaxy".

Kamerë e klasës Profesionale për Foto të Përkryera dhe Video të Qarta

Pajisjet Galaxy Lite ofrojnë një paketë karakteristikash dhe opsionesh të kamerës, duke u mbështetur në teknologjitë e kamerave Samsung, lider të industrisë, dhe duke i sjellë ato në pajisje më të arritshme për konsumatorët.

Çoni fotografinë tuaj në nivelin tjetër në çdo aventurë me Galaxy S10 Lite, i cili përmban një kamerë kryesore Wide-angle dhe kamerën Ultra Wide dhe Macro së bashku me OIS-in e ri Super Steady. Kur aktivizohet së bashku me modalitetin Super Steady, OIS Super Steady siguron stabilitet më të lartë për fotografitë dhe videot e përqendruara në veprim, duke ju mundësuar të ndani botën tuaj dhe të jetoni pa asnjë kompromis.

Kamera Ultra Wide ka një lente këndi 123 gradë, duke ju dhënë vizion po aq të gjerë sa syri i njeriut, ndërsa kamerat e përparme dhe të pasme me rezolucion të lartë ju lejojnë të kapni çdo detaj me fokus të pastër kristal.

Galaxy Note10 Lite: Produktivitet i Përmirësuar, Kudo dhe Kurdo

Shijoni përvojën premium Note dhe rrisni produktivitetin tuaj në Galaxy Note10 Lite me S Pen-in e famshëm.

Mbështetja Bluetooth Low-Energy (BLE) nënkupton se tani mund të drejtoni një prezantim, të kontrolloni përmbajtjen e videos ose të bëni fotografi, të gjitha me një klik të thjeshtë të S Pen. Air Command do t'ju lejojë gjithashtu të përdorni karakteristikat e S Pen që ju nevojiten, shpejt dhe lehtë.

Dhe së fundmi, marrja e shënimeve nuk ka qenë kurrë më i lehtë sesa me Text Export, që transformon shënime të shkruara me dorë në tekst, të gatshme për t’u redaktuar dhe ndarë me këdo që ju zgjidhni, Aplikacioni Note i Samsung bën që shënimet të merren më shpejt dhe më lehtë kur jeni në lëvizje. Dhe tani, ju mund t'i ktheni shënimet me shkrim dore në tekst për redaktim dhe shpërndarje të lehtë.

Karakteristikat Premium të Galaxy

Galaxy S10 Lite dhe Galaxy Note10 Lite do t'u japin më shumë njerëzve akses në të gjitha karakteristikat premium të serisë Galaxy:

⦁    Pamje e pandërprerë: Galaxy S10 Lite dhe Galaxy Note10 ofrojnë ekran Infinity-O cep më cep. Me një madhësi prej 6.7 inç, ekrani ofron një përvojë të gjerë dhe gjithëpërfshirëse, duke ju lejuar të kënaqeni plotësisht dhe të humbni në përmbajtjen tuaj të preferuar të multimedias.

⦁    Bateri më e madhe dhe më e qëndrueshme: Galaxy S10 Lite dhe Galaxy Note10 Lite janë të pajisura me një bateri 4.500mAh dhe aftësi për karikim super të shpejtë, kështu që ju mund të qëndroni të lidhur më gjatë dhe të shpenzoni më shumë kohë duke bërë gjërat që doni.

⦁    Shërbimet dhe Siguria: Galaxy S10 Lite dhe Galaxy Note10 Lite vijnë me ekosistemin Samsung të aplikacioneve dhe shërbimeve inteligjente, duke përfshirë Bixby, Samsung Pay dhe Samsung Health. Pajisjet mbrohen gjithashtu me platformën e sigurisë të shkallës së lartë Samsung Knox.

Galaxy S10 Lite është i disponueshëm në të Bardhë Perlë, të Zezë të Thellë dhe Blu të ndezur ndërsa Galaxy Note10 Lite është në dispozicion në Aureolë me Shkëlqim, Aureolë të Zezë dhe Aureolë të Kuqe. Galaxy S10 Lite dhe Galaxy Note10 Lite do të shfaqen në CES 2020, e cila zhvillohet më 7 deri në 10 Janar 2020, në kabinat Samsung (# 15006) të vendosura në Qendrën e Konventës në Las Vegas.  

Kalendari

Ngjarjet e datës 22 Shtator 2020 - Ministri i Ministrisë së Punëve të Brendshme, Agim Veliu, do të bëjë përurimin e Qendrës Testuese për zhvillimin e procedurave rekrutuese për nëpunësit civilë. (Objekti i ish-Ministrisë së Administratës Publike, kati përdhesë, salla 0-15, ora 9:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për Ministrinë e Punës dhe Mirëqenies Sociale dhe shqyrtimi i Raportit të Auditimit për Ministrinë e Komuniteteve dhe Kthimeve. (Ndërtesa e Kuvendit, salla N225, ora 9:30)

- inspektorët e Inspektoratit të Tregut do të bëjnë inspektime, ku do t’i shoqërojë edhe ministri Vesel Krasniqi për t’i parë nga afër këto inspektime. (Nisja do të bëhet nga MTI, ora 9:45)

- Komisioni Hetimor Parlamentar lidhur me procesin e privatizimit në Kosovë shqyrton listen e dëshmitarëve, përzgjedhjen  e ekspertëve të jashtëm si dhe publikimin e adresës për dorëzimin e dëshmive nga qytetarët. (Ndërtesa e Kuvendit, salla N10, ora 10:00)

- Ministri i Ekonomisë dhe Ambientit, Blerim Kuçi zhvillon vizitë në Infrakos ku do te takohet me menaxhmentin. (Infrakos, ora 10:00)

- Mbahet ceremonia e pritjes të një misioni ekspertësh epidemiologjikë dhe mjekësorë të COVID-19 nga instituti gjerman i shëndetësisë, “Instituti Robert Koch” nga Gjermania. (Institutin Kombëtar të Shëndetësisë Publike, ora 10:00 - ndryshim, ora 11:00)

- Fondacioni Kvinna till Kvinna do të lansojë raportin 'Ku janë paratë për të drejtat e grave? Trendet e financimit në Ballkanin Perëndimor'. (Ngjarja do të mbahet online dhe është e hapur për publikun përmes platformës Zoom, ora 10:00)

- Kryeministri Avdullah Hoti viziton Shërbimin Spitalor dhe Klinik Universitar të Kosovës . (ShSKUK, ora 10:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike dikuton për rishpalljen e konkursit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit”, formimin e Grupit të punës për plotësimin e Bordit të NP KOSTT, etj. (Ndërtesa e Kuvendit, salla C203, ora 11:00)

- Oda Hoteliere dhe Turistike e Kosovës mban konferencë lidhur me ngjarjët e fundit, për situtën e fundit si dhe vendimet e marra të Qeverisë në kohën e Pandemisë Covid 19, prej fillimit e deri me sot. (Hotel Sirius, ora 11:00)

- Kryetari i Komunës së Prizrenit, Mytaher Haskuka do të merr pjesë në aktivitetin e organizuar për nder të "Ditës së Pastrimit të Botës" dhe "Ditës pa Makina" të organizuar nga Drejtoria e Shërbimeve Publike. (Pikënisja do të jetë rruga në afërsi të urës që ndodhet përballë objektit Administratës Komunal, ora 11:00)
 
- Ministri i Ekonomisë dhe Ambientit, Blerim Kuçi zhvillon vizitë në punishten në Stacionin Hekurudhor në Miradi. (Fshati Miradi, ora 11:00)

- Komisioni Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës dëgjon dëshmitë e dëshmitarit Valdet Hashani ish menaxher i Qendrës së karantinës. (Ndërtesa e Kuvendit, salla N225, ora 11:00)

- OVL UÇK mban konferencë të jashtëzakonshme për media. (Selia qendrore në Prishtinë, ora 11:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin e Projektkodit civil i Republikës së Kosovë, Projektligjit për tokën ndërtimore si dhe shqyrton shkresën e deputetëve: Alban Hyseni, Artan Abrashi dhe Dimal Basha për të ftuar në raportim Kryeministrin Avdullah Hoti lidhur me deklarimin për respektimin e marrëveshjes kundër kushtetuese për asociacionin. (Ndërtesa e Kuvendit, salla N10, ora 13:00)

-  Komisioni për të Drejtat dhe Interesat e Komuniteteve dhe Kthim shqyrton e planit të punës së Komisionit, për periudhën shtator-dhjetor 2020. (Ndërtesa e Kuvendit, salla C203, ora 13:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

-  Komisioni për Punë të Jashtme dhe Diasporë takohet me delegacionin nga Afrika Qendrore. (Ndërtesa e Kuvendit, salla N303, ora 14:00)

- Komisioni Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës dëgjon dëshmitë e dëshmitarit Naim Musliu - Babai i Agon Musliu. (Ndërtesa e Kuvendit, salla N225, 14:00)

- Sindikata e Infermierëve të Kosovës mban konferencë për media pas një takim konsultativ dhe koodinues me shoqatat e infermierëve, teknikëve te anastezionit, mamive, laborantëve, Oden e Infermierëve dhe Bashkimin e Sindikatave të Lira të Shëndetësisë lidhur me kërkesat për koeficinetin e pagave, rritjen e pagesës së ndërrimeve të natës, pagesat e rrezikshmërisë, pagesat e orëve shtesë. (Para Klinikës së Kirurgjisë, ora 15:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, ora 14:30)

- Ministria e Kulturës, Rinisë dhe Sportit, në bashkëpunim me Institutin Arkeologjik të Kosovës, Muzeun Kombëtar të Kosovës, dhe Fondacionin “Tradita Popullore” organizon ngjarjen kulturore në të cilën do të promovohet diversiteti ynë i pasur kulturor, përmes veshjes tradicionale dhe punimeve artizanale. (Parku arkeologjik “Ulpiana”, ora 17:00)

- Kryeministri Avdullah Hoti merr pjesë në ngjarjen kulturore në të cilën do të promovohet diversiteti ynë i pasur kulturor, përmes veshjes tradicionale dhe punimeve artizanale. (Parku arkeologjik “Ulpiana”, ora 17:00)

- Sot fillon java e dytë e ligjeratave publike në Festivalin e Arkitektures në Kosovë. (Ligjeratat transmetohen drejtperdrejt ne kanalin e facebook-ut "Kosovo Architecture Festival", ora 18:30)