10 Dhjetor 2018

Samsung nis prodhimin e UFS së parë 512 Gb për pajisjet mobile

Seul, 5 dhjetor - Samsung Electronics Co., Ltd., lideri botëror në teknologjinë e avancuar të memories, njoftoi sot se ka filluar prodhimin masiv të USB Flash Drive (eUFS) të integruar 512 gigabajt (GB), një zgjidhje për përdorim në pajisjet mobile të gjeneratës së ardhshme.

Duke shfrytëzuar çipat më të fundit V-NAND të Samsung me 64-shtresa 512-gigabit (Gb), paketa e re eUFS 512GB siguron kapacitet të madh të ruajtjes dhe performancë të jashtëzakonshme për smartphonët dhe tabletët që do të prodhohen në vazhdimësi.

“eUFS-ja e re e Samsung 512GB ofron zgjidhjen më të mirë për ruajtjen e informacioneve në smartphonët premium të gjeneratës së ardhshme duke tejkaluar kufizimet potenciale në performancën e sistemit që mund të ndodhë me përdorimin e kartave mikro SD,” tha Jaesoo Han, zëvendëspresident ekzekutiv i Shitjeve dhe Marketingut të pajisjeve Memory në Samsung Electronics.

"Duke siguruar një furnizim të hershëm dhe të qëndrueshëm të këtij produkti, Samsung po bën një hap të madh përpara duke kontribuar në lançimin në kohë të pajisjeve të lëvizshme të gjeneratës së ardhshme nga prodhuesit e telefonisë mobile në mbarë botën."

I përbërë nga tetë çipe V-NAND me 64-shtresa dhe 512Gb dhe një çip kontrollues, të gjitha të grumbulluara së bashku, UFS-ja e re Samsung 512GB e dyfishon densitetin e eUFS-së të mëparshme 256GB të V-NAND me 48 shtresa të Samsung, në të njëjtën hapësirë si paketa 256GB. Kapaciteti i rritur i ruajtjes së eUFS do të ofrojë një përvojë shumë më të gjerë në pajisjet mobile.

Për shembull, eUFS i ri me kapacitet më të madh i mundëson një smartphoni që të ruajë rreth 130 video 4K Ultra HD (3840x2160) me një kohëzgjatje prej 10 minutash*, që është një rritje dhjetëfish e eUFS prej 64GB, që lejon ruajtjen vetëm të 13 videove me të njëjtën madhësi.

Për të maksimizuar performancën dhe efiçencën e energjisë së eUFS-së së ri 512GB, Samsung ka prezantuar një sërë teknologjish të reja.

Dizajni i avancuar i V-NAND me 64 shtresa dhe teknologjia e re e menaxhimit të energjisë së eUFS prej 512GB minimizon rritjen e pashmangshme në energjinë e konsumuar, e cila është shumë e rëndësishme pasi eUFS e re 512GB përmban dyfishin e numrit të qelizave krahasuar me eUFS prej 256GB. Përveç kësaj, kontrolluesi i çipit të eUFS 512GB shpejton procesin e hartëzimit për konvertimin e adresave të bllokut logjik në ato të blloqeve fizike.

eUFS 512GB e Samsung përmban gjithashtu një performancë të mirë për lexim dhe shkrim. Me shpejtësi për lexim dhe shkrim që arrin deri në 860 megabytes për sekondë (MB/s) dhe 255MB/s, memoria prej 512GB mundëson transferimin e një video të plotë HD, 5GB në një SSD për rreth 6 sekonda, mbi 8 herë më shpejt sesa një kartë tipike microSD.

Për operacione të rastësishme, eUFS i ri mund të lexojë 42,000 IOPS dhe të shkruajë 40,000 IOPS. Bazuar në shkrimet e shpejta të eUFS, të cilat janë rreth 400 herë më të shpejta se shpejtësia 100 IOPS e një karte konvencionale microSD, përdoruesit e telefonave celularë mund të shijojnë një përvojë të përsosur multimediale siç janë realizimi i fotove burst me rezolucion të lartë, si dhe kërkimi i skedarëve dhe shkarkimi i videos në modalitetin dual-app të shikimit.

Sipas një shënimi, Samsung ka ndërmend të rrisë në mënyrë masive prodhimin e çipeve V-NAND 512 GB, me 64 shtresa, përveç zgjerimit të prodhimit të V-NAND prej 256GB. Kjo do të rrisë kërkesën për ruajtje në pajisjet mobile, si dhe për SSD premium dhe karta memorie të lëvizshme me densitet të lartë dhe performancë. 

Kalendari

Ngjarjet e datës 10 dhjetor 2018 - Ambasador i Shteteve të Bashkuara të Amerikës, Philip S. Kosnett së bashku me ambasadorët e Mbretërisë së Bashkuar, Italisë dhe Francës,  të ngarkuarin me punë të ambasadës gjermane, Kryesuesen e Zyrës së BE-së në Kosovë, si dhe një përfaqësues të organizatës Iniciativa për Progres do të flasin gjatë hapjes së Javës kundër korrupsionit në Kosovë. (Sirius Hotel, ora 9:30)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve shëndetësore dhe rehabilituese për fëmijë. (Hotel Sirius, ora 10:00)

- Mbahet konferenca e Forumit të Rinisë së LDK-së me temën “Pa-siguria Sociale dhe Ekonomike e të Rinjve në Kosovë”. (Hotel Sirius, ora 10:00)

- Ministria e Drejtësisë, Zyra e Koordinatorit Nacional kundër Dhunës në Familje, organizon konferencën “Qasja në drejtësi e viktimave të dhunës në familje dhe dhunës në baza gjinore”. (Hotel Emerald, ora 10:00)

- Kryeministri Ramush Haradinaj merr pjesë në Konferencën Rajonale "Qasja në drejtësi për viktimat e dhunës në familje dhe dhunës në baza gjinore". (Hotel Emerald, ora 10:00)

- Mbahen punimet e Forumit Kosovaro-Maqedonas të Sigurisë 2018, që organizohet nga Fondacioni “Konrad Adenauer Stiftung”, Kolegji AAB dhe Universiteti Kliement Ohridski, Fakulteti i Sigurisë, Shkup. (Kolegji AAB, ora 10:00)

- Klubi Dëshira organizon promovimin e programit të Ndërmarrjes Sociale Dëshira. (Hotel Prishtina, ora 10:00)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë aktivitetin “Çohu për të Drejtat e Njeriut” për shënimin e 10  dhjetorit, Ditës Ndërkombëtare për të Drejtat e Njeriut.​  (Teatri Kombëtar të Kosovës, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për Ratifikimin e Marrëveshjes për Protokollin Shtesë 5 të Marrëveshjes për Amendimin dhe Aderimin në Marrëveshjen e Tregtisë së Lirë të Evropës Qendrore si dhe shqyrtimi i vendimit të Qeverisë për emërimin e anëtarëve të Bordit të Agjencisë Kosovare të Privatizimit. (Ndërtesa e Kuvendit, salla N 303, ora 11:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Vushtrrisë. (Restaurant Holiday, ora 11:00)

- Muzeu i Kosovës për nder të ditës ndërkombëtare të drejtave të njeriut do të bëjë promovimin e katalogut me imazhe taktile dhe të përkthyer në Brail në bashkëpunim me shoqatat e të verbërve në Kosovë. (Muzeu i Kosovës, ora 11:00)

- Koalicioni i OJQ-ve “Java Kundër Korrupsionit 2018” organizon tryezën e diskutimit me temë “Parandalimi dhe luftimi i konfliktit të interesit në pushtetin gjyqësor”. (Hotel Sirius, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje bashkëpunimi me kryetarin e Komunës së Klinës Zenun Elezaj. (Objekti i Komunës së Klinës, ora 11:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë marshin “Çohu për të Drejtat e Njeriut”, i cili fillon nga sheshi “Skënderbeu” deri te sheshi “Zahir Pajaziti”. (Sheshi “Skënderbeu”, ora 12:00)

 - Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi në parim i Projektligjit për Arsimin e Lartë në Republikën e Kosovës(Ndërtesa e Kuvendit, salla N 303, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje me kryetarin e Komunës së Junikut Agron Kuçi. (Objekti i Komunës së Junikut, ora 13:30)

- Me rastin e 10 Dhjetorit, Ditës Ndërkombëtare të të Drejtave të Njeriut, Kolegji AAB në bashkëpunim me KMDLNJ organizojn tryezë që i kushtohet Adem Demaçit, fitues i Çmimit Saharov dhe çmimeve të tjera ndërkombëtare për të drejtat e njeriut. (Qendra Mediale e Kolegjit AAB, ora 14:00)

- Me rastin e 10 dhjetorit, Ditës ndërkombëtare të të Drejtave të Njeriut, Misioni i OSBE-së në Kosovë do të organizojë sot një ekspozitë me fotografi dhe poezi, vepra te artistëve të rinj që morën pjesë në konkursin e Misionit të titulluar “Të drejtat e njeriut përmes artit”.  (Lapidariumi i Muzeut të Kosovës, ora 15:00)

- Qendra Kinematografike e Kosovës në bashkëpunim me Shtëpinë e Kulturës në Bujanoc organizojn Javën e Filmit të Kosovës në Bujanoc. (Shtëpia e Kulturës në Bujanoc, ora 17:00)

- Mbahet ceremonia e dorëzimit të çmimit që shënon Ditën Ndërkombëtare Kundër Korrupsionit për të falenderuar publikisht kontributet e gazetarëve të guximshëm të cilët zbulojnë rastet e korrupsionit dhe për të rritur ndërgjegjësimin përmes tregimeve të tyre. (Grand Hotel, ora 17:30)