14 Gusht 2018

Në Agjencinë e Regjistrimit Civil u vendos E-kiosku

Prishtinë, 4 maj - Komuna e Prishtinës në bashkëpunim me Agjencinë e Regjistrimit Civil në kuadër të Ministrisë së Punëve të Brendshme, mbajtën ceremoninë e vendosjes së E-kioskut.

Zëvendësministri i Punëve të Brendshme, z. Selami Shkodra, si dhe kryetari i komunës së Prishtinës, z. Shpend Ahmeti prezantuan  E-kioskun e ri, me shumë funksione të reja ndryshe nga E-kiosku që është vendosur vite më parë.

Përveç certifikatës së lindjes, ekstraktit, certifikatës së vendbanimit, certifikatës së shtetësisë, certifikatës së martesës,  dhe tatimit në pronë tani në E-kioskun e ri do të mund të nxirren dhe të paguhet aty për aty.

Në të njëjtin aparat është i vendosur edhe telefoni që lidhet direkt me Qendrën e Thirrjeve të Komunës, ku secili qytetar mund ta informojë Komunën për çdo parregullsi.

Ky është projekt i Komunës së Prishtinës, ndërsa Agjencia për Regjistrim Civil ka lejuar hapësirën për vendosjen e E-kioskut, me qëllim të lehtësimit të shërbimeve për qytetarët e Prishtinës, të cilët tashmë të gjitha shërbimet mund të kryhen në një vend.


 

Kalendari

Ngjarjet e datës 14 Gusht 2018 - Lëvizja Vetëvendosje hap dyert e zyrës së saj për të pritur bashkatdhetarët që kanë ardhur në sezonin e pushimeve në Kosovë. (Selia e VV-së, Arbëri, ora  10:00)

- Kryetari i Komunës së Gjilanit, Lutfi Haziri, bën inaugurimin e shtëpisë për familjen Ilazi në Livoç të Ulët. (Fshati Livoç të Ulët, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të mbajë fjalë rasti në mbledhjen komemorative të organizuar nga Universiteti i Prishtinës “Hasan Prishtina”- Fakulteti i Mjekësisë dhe Shërbimi Spitalor dhe Klinik Universitar i Kosovës pas ndarjes nga jeta të profesorit Mujë Shala. (Amfiteatrin e Fakultetit të Mjekësisë, ora 11:00)

- Kryetari i Komunës së Gjilanit, Lutfi Haziri, bën inaugurimin e shtëpisë për familjen e Shaban Zahirit. (Fshati Livoç të Ulët, ora 12:00)

- Komuna e Prishtinës mban konferencë për media. (Objekti i vjetër i Komunës së Prishtinës, ora 13:00)

- Junaid Chndrigar për herë të parë në Ballkan do prezantojë në edicionin 9 të Festivalit të filmit te animuar Anibar. (Kinemanë Jusuf Gërvalla në Pejë, ora 14:00)

- Ushtruesi i Detyres se Ministri i Mjedisit dhe Planifikimit Hapësinor, Fatmir Matoshi do të pres në takim Kryetarin e Komunës së Klinës, Zenun Elezaj, me të cilin do të nënshkruajë një Memorandum Bashkëpunimi për realizimin e një projekti në fushën e mjedisit në komunën e Klinës. (Kabineti i Ministrit, ora 14:00)