20 Shkurt 2020

Lansohet platforma digjitale për pjesëmarrje të publikut në Komunën e Prizrenit

Prizren, 23 janar - Kryetari Mytaher Haskuka dhe Shefi i Misionit të OSBE-së në Kosovë Ambasadori Jan Braathu lansuan sot në Prizren Platformën Digjitale për Pjesëmarrje të Publikut, platformë Online që lidh qytetarët me institucionet lokale.

Platforma, e financuar nga Misioni i OSBE-së në Kosovë, është aplikacion me bazë digjitale për të rritur pjesëmarrjen e publikut.

Ajo u mundëson qytetarëve që të ngritin problemet përmes internetit, të shprehin nevojat e prioritetet, dhe të kërkojnë zgjidhje nga komunat e tyre në mënyrë proaktive.

Platforma u siguron zyrtarëve komunal një mënyrë për t'iu bashkuar diskutimeve, transmetuar mendimin ose politikën zyrtare, dhe për të bashkëpunuar me qytetarët në mënyrë produktive.

”Qytetaria aktive është thelbësore për zhvillimin e institucioneve demokratike, transparente dhe të përgjegjshme. Besojmë se qasja në internet e bën platformën digjitale mjet shumë të përshtatshëm në këtë kohë dinamike në të cilën po jetojmë dhe do të inkurajojë pjesëmarrjen e publikut në proceset e vendimmarrjes dhe bërjes së politikave,” tha Ambasadori Braathu.

"Duke pasur parasysh rëndësinë e respektimit të aspektit gjuhësor në pjesëmarrjen e publikut, jemi gjithashtu të kënaqur që përveç gjuhës shqipe dhe serbe, platforma do të jetë në dispozicion edhe në gjuhën turke, duke u dhënë mundësi banorëve nga ky komunitet që ta përdorin platformën në gjuhën e tyre amtare."

Prizreni është komuna e tretë që shfrytëzon platformën digjitale. Prishtina dhe Gjakovë ishin dy komunat e para që e lansuan atë në vitin 2016, dhe që atëherë, kanë pasur afërsisht 32,500 vizita dhe mbi 830 kërkesa dhe propozime, nga të cilat 39% janë zgjidhur.

Platforma pritet të lansohet së shpejti edhe në Junik e Kamenicë.

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)