28 Shkurt 2020

Kompania Gjermane Contentful me partner të ri në Kosovë

Prishtinë, 14 janar - Një prej kompanive më të avancuara në zhvillim softuerik në Kosovë, Frakton ka bërë të ditur sot një marrëveshje të re partneriteti me kompaninë Gjermane, Contentful. Contentful është kompani lidere në ofrimin e zgjidhjeve për korporata përmes CMS-it të ashtuquajtur “pa kokë” dhe përmes saj ndihmon ndërmarrjet globale të kalojnë nga CMS-ët tradicional në krijimin dhe lansimin më të shpejtë të produkteve dhe shërbimeve digjitale.

Contentful është themeluar në vitin 2013, dhe është listuar nga New York Times si një prej 50 startups në rrugëtim drejt vlerësimit një miliard dollarësh, si dhe është listuar në mesin e top 10 kompanive më të mira për të punuar në Gjermani.

Baza e saj e konsumatorëve përbën mbi 39% kompani nga Fortune 1000, si dhe startup inovativ dhe agjencitë kreative më të mira në botë. Kompanitë e tilla janë Spotify, Urban Outfitters, Red Bull, Jack in the Box, The British Museum, Xoom, Lenovo, Brandless e shumë të tjera, të cilat mbështeten në Contentful për të krijuar, menaxhuar dhe realizuar përmbajtje digjitale në çfarëdo kanali apo platformë.

“Jemi të lumtur që po nisim këtë partneritet me kompaninë Gjermane Contentful, e cila do t’iu mundësojë klientëve tanë të kenë në mes tjerash edhe zgjidhjet më të mira dhe më të modernizuara për menaxhimin e përmbajtjes”, u shpreh Çelik Nimani, Partner dhe Drejtor Ekzekutiv në Frakton. “Korporatat kanë një presion në rritje të vazhdueshme për të krijuar eksperienca të avancuara digjitale për klientët e tyre, por CMS-ët tradicional nuk po arrijnë të mbajnë hapin më të gjitha proceset e zhvillimit softuerik që po ndodhin sot."

"Kjo është arsyeja pse kemi përzgjedhur bashkëpunimin me Contentful dhe arsyeja pse ajo do të jetë zgjidhja e duhur”.

Frakton është kompania e vetme në Kosovë dhe ndër të pakta në rajon, që ka marr statusin zyrtar Contentful Professional Solution Partner.

Në mes tjerash ajo ka arritur që të certifikojë pesë inxhinierë softuerik nga stafi i saj si Contentful Certified Professionals, duke i mundësuar kështu rritjen e kapaciteteve dhe njohurieve profesionale përreth Contentful, për të ofruar shërbime dhe zgjidhje të reja në tregun global.

Për Contentful

Partneriteti i Contentful me Frakton, do të mundësojë që korporatat të kenë më shumë mundësi për të sjellë në jetë produkte dhe eksperienca digjitale me një shpejtësi dhe madhësi shumë më të avancuar krahasuar me CMS-ët tradicional.

Ajo që është unike dhe vlen të theksohet është që, infrastruktura e Contentful unifikon përmbajtjen në një vend, e dërgon atë në çfarëdo platforme digjitale përmes APIs dhe e bën menjëherë të editueshme në një web aplikacion intuitiv.

Në mes tjerash Frakton, veqse ka kompletuar një projekt të tillë, për një kompani tjetër gjigante Gjermane e cila përdorë zgjidhjen për ekipin e saj global që përmbanë më shumë 300 agjentë të shitjes anembanë botës. 


 

Kalendari

Ngjarjet e datës 28 shkurt 2020  - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)